नवी दिल्ली : सध्या चलनात असलेले 14 प्रकारचे दहा रुपयांचे चलन वैधच आहे. हे सर्व चलन भारतीय रिझर्व्ह बँकेकडून चलनात आणले गेल्याने ते यापुढेही वैधच राहणार आहे, असे स्पष्टीकरण भारतीय रिझर्व्ह बँकेने (आरबीआय) बुधवारी पुन्हा एकदा दिले. दहा रुपयांचे चलनी नाणे स्वीकारण्यास काही लोकांकडून नकार दिला जात असल्याची बाब समोर आल्यानंतर आरबीआयने हे स्पष्टीकरण दिले.
गेल्या अनेक महिन्यांपासून दहा रुपयांचे चलनी नाणे काही लोकांकडून स्वीकारले जात नसल्याचे समोर आले होते. त्यानंतर आज बँकेकडून याबाबतचा खुलासा करण्यात आला. ''रिझर्व्ह बँकेकडून 14 प्रकारचे दहा रुपयांचे चलन जारी करण्यात आले आहे. हे सर्व चलन कोणत्याही व्यवहारांसाठी स्वीकारता येऊ शकते'', असे स्पष्टीकरण देण्यात आले. तसेच आरबीआयने सर्व बँकांना व्यवहारांसाठी आणि चलन बदली करताना नाणी स्वीकारण्याच्या सूचनाही दिल्या आहेत. याशिवाय आरबीआयने दहा रूपयांच्या नव्या नोटा चलनात आणल्या असल्याचेही सांगितले.
आरबीआयने जारी केलेल्या दहा रूपयांच्या नव्या नोटा महात्मा गांधी सीरिजच्या असणार आहेत. दहा रूपयांच्या नव्या नोटा चॉकलेटी रंगाच्या असणार आहेत. या सर्व नोटा जुन्या नोटांच्या उंचीसारख्या असतील.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.