agriculture news in marathi, All farmers hurashed by Moneylender | Agrowon

शेतकऱ्यांपासून सगळेच सावकारी पाशात
टीम अॅग्रोवन
मंगळवार, 19 जून 2018

``अनधिकृतपणे सावकारी व्यवसाय करणे गंभीर आहे. शासनाने या संदर्भात जिल्हा उपनिबंधक व सहाय्यक उपनिबंधकांना कारवाई करण्याचे अधिकार दिले आहेत. त्यांनी अशा व्यक्ती शोधून काढल्या पाहिजेत. खासगी सावकारांकडून त्रास होत असलेल्या नागरिकांनी जिल्हा उपनिबंधक व सहाय्यक उपनिबंधकांकडे तक्रार करावी.``
- लक्ष्मण राऊत, अपर

मालेगाव : जिल्ह्यातील शेतकरी, शेतमजूर, कामगार व मध्यमवर्गीय अशा सर्वच घटकांना आयुष्यातील स्थिरतेसाठी बेकायदा सावकारी फासाने जखडले आहे. सावकारी व्याजाचा धंदा गावागावांत व गल्ली-मोहल्ल्यांमध्ये बिनदिक्कतपणे सुरू आहे. वाढत्या गरजा भागविण्यासाठी तीन, पाच व दहा रुपये शेकडा व्याजाने पैसे देणाऱ्या प्रतिष्ठितांची संख्या हजारावर आहे. गुन्हेगार या व्यवसायात सक्रिय आहेत. दडपशाही, गुंडगिरी व आपली गरज भागविली आहे. या भीतीतून तथाकथित सावकारांविरुद्ध कोणीही आवाज उठवीत नाही.

खासगी सावकारी जाचाचे खरे बळी शेतकरी, कामगार व मध्यमवर्गीय आहेत. बॅंकांच्या कर्जापेक्षा खासगी व्याजाचे कर्जच शेतकऱ्यांच्या डोक्‍यावर असते. शेतीची कामे, मुलांचे शिक्षण, लग्न, आजारपण यासाठी तत्काळ पैसा उपलब्ध होतो. कागदपत्र, जामीनदार, तारण यांची डोकेदुखी नसते. त्यामुळे व्याजाने पैसे घेऊन गरजा भागविल्या जातात.

कामगार व झोपडपट्टी भागात या व्यवसायात मोठी उलाढाल होते. उत्पन्न कमी व खर्च जास्त अशी परिस्थिती असल्याने वर्षानुवर्षे फक्त व्याजच दिले जाते. मुद्दल तसेच राहते. व्याजाच्या ओझ्याखाली असंख्य कुटुंबे चिंताग्रस्त आहेत. यातून सुटका करण्यासाठी प्रसंगी जमीन, प्लॉट, शेती, घर विकावे लागत आहे.

अशी होते सावकारी...

  •    धनदांडग्यांकडून बेकायदेशीरपणे व्याजाचा व्यवसाय सुरू.
  •     दोन लाखांपेक्षा अधिक रक्कम असल्यास तीन रुपये व्याजदर.
  •     एक लाखासाठी पाच, सात व दहा रुपयांचा  व्याजदर.
  •     पैसे देतानाच सावकार व्याजाची रक्कम काढतात.
  •     वर्षासाठी व्याजाची रक्कम घेतली जाते.   
  •     झटपट पैशाच्या मोहाने व्यापारी व नोकरदारही सक्रिय.
  •     साध्या स्टॅम्प पेपरवर व्यवहार लिहून कर्ज घेणाऱ्यांवर दहशत.
  •     जूनमध्येघेतलेल्या व्याजाच्या पैशांची दिवाळीत परतफेड.
  •     खासगी बेकायदा सावकारांची संख्या हजारावर, महिलाही सक्रिय.
  •     भिशीची जोड देऊन व्याजाचा व्यवसाय.
  •     दुर्घटना घडल्यास सावकारीची चर्चा, पुराव्याअभावी सुटका.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...