agriculture news in Marathi, all party leader appose to water release for Jayakwadi, Maharashtra | Agrowon

जायकवाडीला पाणी सोडण्याला नगरमध्ये सर्वपक्षीय नेत्यांचा विरोध
टीम अॅग्रोवन
सोमवार, 29 ऑक्टोबर 2018

पाणी सोडायला तालुरक्‍याचा विरोध नाही. मात्र अकोले तालुक्‍यात गंभीर दुष्काळ आहे. पाणी आमच्या तालुक्‍यात पडलं, पण आम्हीच, त्यापासून वंचित राहत आहोत. आता पाणी काढून घेणं म्हणजे येथील शेतकऱ्यावर दुहेरी अन्याय आहे. हा अन्याय शेतकरी सहन करणार नाही. अकोले तालुक्‍यात दुष्काळ जाहीर होईपर्यंत लढा सुरुच राहिल.''
- डॉ. अजित नवले, नेते किसान सभा तथा समन्वयक, शेतकरी संघर्ष समिती,

नगर ः समन्यायी पाणीवाटप कायद्यानुसार नगर जिल्ह्यामधील भंडारदरा, मुळा धरणातून जायकवाडी प्रकल्पात पाणी सोडण्याची तयारी सुरू आहे. मात्र, ‘‘नगर जिल्ह्यामध्येच तीव्र दुष्काळ असून, पाणी सोडू दिले जाणार नाही,’’ असा इशारा देत नगर जिल्ह्यामधील सर्वपक्षीय नेत्यांनी पाणी सोडण्याला जोरदार विरोध सुरू ठेवला आहे. त्यामुळे पाणी सोडण्यावरून नगर-मराठवाडा संघर्ष पेटणार आहे. यात प्रशासन आणि नेत्यांची मात्र गोची होत आहे.

नगर जिल्ह्यामधील भंडारदरा, मुळा धरणाच्या पाणलोटातील पावसामुळे जायकवाडीत प्रकल्पात पाणी जमा होते. जायकवाडीत नाशिक जिल्ह्यातूनही पाणी जाते. यंदा नगर जिल्ह्यामध्ये पाऊस नाही. जोरदार पाऊस पडणाऱ्या अकोले तालुक्‍यातही यंदा पाऊस नाही. सुरवातीलाच झालेल्या पावसाने भंडारदरा, निळवंडे धरण भरले असले तरी मुळात फारसे पाणी साठले नाही. मात्र जायकवाडी धरणावरही मराठवाड्यातील मोठा भाग अवलंबून आहे. त्यामुळे पासष्ठ टक्‍क्‍यांपेक्षा कमी पाणी असल्यास समन्यायी पाणीवाटप कायद्यानुसार जायकवाडीत पाणी सोडण्यात येते. गोदावरी मराठवाडा पाटबंधारे विकास महमंडळाने जायकवाडीसाठी पाणी सोडण्याचे आदेश दिले आहेत. त्यानुसार प्रशासनाने पाणी सोडण्याची तयारही केली आहे.

मात्र दरवेळीच पाणी सोडण्याचा विषय आला की मराठवाडा व नगर असा संघर्ष तयार होतो. ‘‘या वर्षी नगर जिल्ह्यामध्येही पाऊस नसल्याने दुष्काळाची गंभीर स्थिती आहे. जायकवाडीत सध्या पुरेसे पाणी असल्याने नगरमधून पाणी सोडण्याची गरज नाही,’’ असे सांगत नगर जिल्ह्यामधील नेत्यांनी पाणी सोडण्याला विरोध केला आहे. पाणी सोडणार असल्याचे कळताच नेवाशाचे माजी आमदार शंकरराव गडाख यांनी गुरुवारी मुळा धरणावर ठिय्या मांडून विरोध केला होता. याशिवाय शिवसेना, भाजप, राष्ट्रवादी, कॉँग्रेस, स्वाभिमानी शेतकरी संघटनांना पाणी सोडण्याला विरोध केला आहे. कालच आमदार भाऊसाहेब कांबळे यांच्यासह कार्यकर्त्यांनी श्रीरामपूर तालुक्‍यातील अशोक नगर येथे रास्ता रोको अंदोलन केले.

भंडारदरातून पाणी सोडल्यास तीव्र लढा उभारणार असल्याचे अकोल्याचे आमदार वैभव पिचड यांनी गेल्या पंधरा दिवसापूर्वीच सांगितले होते. शनिवारी भंडारदरा धरणातून पाणी सोडत असल्याच्या निषेर्धार्थ अकोले येथे बंद पाळण्यात आला. किसान सभेचे नेते डॉ. अजित नवले यांनीही पाणी सोडल्यास गंभीर परिणाम होतील, असे सांगितले आहे. शनिवारी राहात्यात शिवसेनेने पालकमंत्री राम शिंदे यांचा ताफा अडवला. त्यामुळे नगर जिल्ह्यामधील धरणातून पाणी सोडण्याला विरोध करत सगळेच नेते एकत्र आले आहेत. त्यामुळे पाणी सोडतेवेळी संघर्ष होण्याची शक्‍यता आहे. सत्ताधारी नेत्यांची मात्र यामुळे गोची झाली आहे.

इतर अॅग्रो विशेष
सिंधुदुर्ग जिल्हयात मुसळधार पाऊस (video...सिंधुदुर्ग : जिल्ह्यातील काही भागात बुधवारी (ता....
मक्यावरील लष्करी अळीचे एकात्मिक नियंत्रणमहाराष्ट्रात फॉल आर्मी वर्म (स्पोडोप्टेरा...
राज्य अर्थसंकल्प : सर्वसमावेशक ‘निवडणूक...मुंबई : राज्यात मोसमी पाऊस लांबला असला तरी आगामी...
‘सबसरफेस ड्रीप’ तंत्राने  ऊस, टोमॅटोची...शेततळ्यातले जेमतेम पाणी आणि उपलब्ध पाण्याचा योग्य...
कोकणात तुरळक ठिकाणी जोरदार पावसाचा अंदाजपुणे   : राज्यातील मॉन्सूनचे आगमन...
जुनीच वाट की नवी दिशाप्रधानमंत्री किसान सन्मान निधी योजना ...
कोरड्या महाराष्ट्रावर घोषणांचा पाऊसराज्यात सत्तेत आल्यानंतर शेतीतील गुंतवणूक वाढविली...
लोकसहभागातून नागरी पर्जन्यजल संधारण शक्यप्रत्येक जलस्रोताचे पुनर्भरण करून त्याचं बळकटीकरण...
बोंडअळी निर्मूलन प्रकल्पात आठ राज्यांचा...नागपूर : देशात सर्वात आधी गुजरात त्यानंतर...
लांबलेला पाऊस आणि नियोजनशून्य कारभारजूनचा पहिला पंधरवाडा उलटून गेला तरी राज्यात...
पर्यावरणकेंद्री विकास ही जगाची गरच आजमितीला भारत व जगाला भेडसावणारी अव्वल समस्या आहे...
कृषी विकास दराची मोठी बुडीमुंबई  ः देशात महाराष्ट्र पहिल्या क्रमांकावर...
कर्नाटकी बेंदराच्या निमित्ताने आज ...कोल्हापूर  : राज्यातील कर्नाटक सीमेलगतच्या...
उत्कृष्ट संत्रा व्यवस्थापनाचा युवा...वयाच्या विसाव्या वर्षीच शेतीत उतरलेल्या ऋषीकेश...
मॉन्सूनचे प्रवाह अजूनही मंदचपुणे  : अरबी समुद्रात गुजरातच्या किनाऱ्यावर...
ढगाळ हवामानासह हलक्या पावसाचा अंदाजपुणे  : ‘वायू’ चक्रीवादळ निवळल्यानंतर...
एफआरपी द्या, काटामारी रोखा : बच्चू...पुणे :  राज्यातील ऊस उत्पादक...
‘जीएम’चा तिढामहिनाभरापूर्वी हरियाना राज्यात एका शेतकऱ्याच्या...
राज्यातील दूध संघांपूढे ‘अमूल’चे कडवे...पुणे: राज्याच्या दूध उद्योगात ‘अमूल’चा होत असलेला...
विदर्भ, मराठवाड्यात उष्ण लाटेचा इशारापुणे : वायू चक्रीवादळाने बाष्प ओढून नेल्याने...