agriculture news in Marathi, anevari bellow 50 paise in solapur district, Maharashtra | Agrowon

सोलापूर जिल्ह्यातील सर्व गावांची आणेवारी ५० पैशांपेक्षा कमी
टीम अॅग्रोवन
मंगळवार, 19 मार्च 2019

सोलापूर : सोलापूर जिल्ह्यातील सर्वच ११४५ गावाची रब्बी हंगामातील पिकांची आणेवारी ५० पैशांपेक्षा कमी असल्याचे दस्तुरखुद्द जिल्हा प्रशासनाने जाहीर केले आहे. त्यामुळे जिल्ह्यातील दुष्काळाची दाहकता स्पष्ट झाली आहे. पण जिल्हा प्रशासन अजूनही दुष्काळाच्या बाबतीत फारसे गंभीर नसल्याचे दिसून येते. 

गेल्या आठवड्यापर्यंत टॅंकरची संख्या शंभरावर पोचली आहे. आणखी मागणी होते आहेच, तर मुक्‍या जनावरासाठी सुरू करावयाच्या चारा छावण्यांचे १५० प्रस्ताव पडून आहेत. पण त्याबाबत अद्यापही काहीच हालचाली दिसत नाहीत. 

सोलापूर : सोलापूर जिल्ह्यातील सर्वच ११४५ गावाची रब्बी हंगामातील पिकांची आणेवारी ५० पैशांपेक्षा कमी असल्याचे दस्तुरखुद्द जिल्हा प्रशासनाने जाहीर केले आहे. त्यामुळे जिल्ह्यातील दुष्काळाची दाहकता स्पष्ट झाली आहे. पण जिल्हा प्रशासन अजूनही दुष्काळाच्या बाबतीत फारसे गंभीर नसल्याचे दिसून येते. 

गेल्या आठवड्यापर्यंत टॅंकरची संख्या शंभरावर पोचली आहे. आणखी मागणी होते आहेच, तर मुक्‍या जनावरासाठी सुरू करावयाच्या चारा छावण्यांचे १५० प्रस्ताव पडून आहेत. पण त्याबाबत अद्यापही काहीच हालचाली दिसत नाहीत. 

उन्हाळ्याची तीव्रता वाढते आहे, तसे पिण्याचे पाणी, जनावरांच्या चाऱ्याचा प्रश्‍न अगदीच गंभीर झाला आहे. चारा छावण्याचे १५० प्रस्ताव प्रशासनाकडे पडून आहेत, नियम, अटींमध्ये ते अडकले आहेत. त्यातच आता आणेवारीचा हा अहवाल तयार झाला आहे. जिल्हा प्रशासनाने आणेवारीचा हा अहवाल आता विभागीय आयुक्तांमार्फत शासनाकडे पाठवला आहे. त्यामुळे आता शासनाकडून काय निर्णय होणार आणि शेतकऱ्यांना काय मदत मिळणार, याकडे लक्ष लागले आहे. 

दरवर्षी १५ मार्चला पीक कापणी अहवालानुसार जिल्ह्याची अंतिम आणेवारी जाहीर केली जाते. त्यानुसार जिल्ह्यातील एक हजार १४५ गावांची अंतिम आणेवारी जाहीर झाली आहे. यंदा वरुणराजाने हुलकावणी दिल्याने जिल्ह्यावर सुरवातीपासूनच दुष्काळाचे संकट ओढवले आहे. सरासरीच्या केवळ ३८ टक्के इतकाच पाऊस झाल्याने पिण्याच्या पाण्याचा आणि जनावरांच्या चाऱ्याचा प्रश्‍न गंभीर बनला आहे. 

पावसाअभावी खरिपाबरोबरच रब्बी हंगामही वाया गेला. शासनाने खरीप हंगामात बार्शी व उत्तर सोलापूर तालुका वगळता उर्वरित नऊ तालुक्‍यांत दुष्काळ जाहीर केला. या तालुक्‍यातील दुष्काळग्रस्तांना शासनाकडून मदतीचे वाटप सुरू आहे. आता रब्बी हंगामातील पिकांचीही आणेवारी जाहीर झाली असून, यात बार्शी व उत्तर सोलापूर तालुक्‍यातील गावांचाही समावेश आहे. पण आधीच्याच मदतीपासून हे दोन्ही तालुके अद्यापही वाऱ्यावरच आहेत. पण एकूण पाणी, चाऱ्याची उपलब्धता याचा विचार करता याबाबत प्रशासन गंभीर नसल्याचेच दिसून येते.

दुष्काळ महत्त्वाचा की निवडणुका
जिल्ह्याच्या ग्रामीण भागात जनावरांचा चारा आणि पिण्याच्या पाण्यासाठी हाल सुरू आहेत. पण लोकसभा निवडणुकीच्या धामधुमीमध्ये सध्या सगळी यंत्रणा अडकल्याने या विषयाकडे लक्ष द्यायला कोणालाच वेळ नाही. लोकप्रतिनिधींचे हात आचारसंहितेच्या नावाखाली बांधले गेले आहेत. दुष्काळ जाहीर होऊन आज जवळपास साडेपाच महिन्यांचा कालावधी उलटतो आहे, पण त्याच्या उपायाच्या अंमलबजावणीबाबत मात्र प्रचंड उदासीनता प्रशासनात दिसून येते आहे. त्यामुळे दुष्काळ महत्त्वाचा की निवडणुका हे ठरवण्याची वेळ आली आहे. 
 

इतर अॅग्रो विशेष
कडवंची : डाळिंबात तयार केली ओळखकडवंची हे द्राक्षाचे गाव. याच गावातील ज्ञानेश्वर...
कडवंची : रोपवाटिका अन्‌ शेळीपालनाची जोडकडवंचीमधील सखाराम येडूबा क्षीरसागर यांनी केवळ...
कडवंची : पाणंदमुक्‍त रस्त्यांची...रस्ते, पाणी आणि वीज हे शेतीविकासातील महत्त्वाचे...
कडवंची : घरापुरते दूध अन् शेणखतासाठी...द्राक्षाचे गाव असलेल्या कडवंचीमधील प्रत्येक...
कडवंची : पाणलोटाचं स्वप्न साकारकडवंची गावात जल, मृद संधारण, शेती विकासामध्ये...
कडवंची : लोकसहभाग, पाणी व्यवस्थापन हेच...कडवंची गावात द्राक्षातून समृद्धी दिसत असली तर...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : संघर्षातून पेललंय आव्हानकडवंचीमधील महिलांनीदेखील द्राक्ष शेतीमध्ये...
कडवंची मॉडेल : कोरडवाहूसाठी दिशादर्शक...मराठवाड्यात पावसावर आधारित कोरडवाहू शेतीला बळकट...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
कडवंची : पीक बदलाच्या दिशेने; पपई...विहीर, शेततळ्याच्या माध्यमातून पाणी उपलब्ध...
कडवंची : जमीन सुपीकतेसाठी बायोगॅस स्लरी कडवंचीमधील शेतकऱ्यांनी बायोगॅस संयंत्राची उभारणी...
कडवंची : बागेला मिळाली यंत्रांची जोडप्रयोगशील द्राक्ष बागायतदार सुरेश दगडू पाटील...
कडवंची : जल, मृद्संधारणातूनच रुजलं...कडवंची गावातील पाणीटंचाईवर मात करण्यासाठी खरपुडी...
कडवंची : पाणी व्यवस्थापन, नवतंत्रातून...काटेकोर पाणी आणि खतांचा वापर, पीक व्यवस्थापनात...
कडवंची : खरपुडी ‘केव्हीके’चे रोल मॉडेलकडवंची हे कृषी विज्ञान केंद्राचे पहिले दत्तक गाव...
‘वॉटर बजेट’ कडवंचीचे वैशिष्ट्यपाणलोट विकास, पीक बदल, पूरक उद्योगात मनापासून...
विदर्भातील संत्रा पट्ट्यात आंबिया...नागपूर ः विदर्भातील वाढत्या तापमानाचा संत्रा...
एनएचबी ‘एमडी’चा वाद पंतप्रधानांपर्यंतपुणे : देशातील शेतकऱ्यांच्या विरोधात भूमिका घेत...
विदर्भात आज वादळी पावसाची शक्यतापुणे : राज्यातील उन्हाचा चटका पुन्हा वाढू...