agriculture news in Marathi, animal census start in status, Maharashtra | Agrowon

राज्यात अखेर पशुगणनेस प्रारंभ
टीम अॅग्रोवन
शुक्रवार, 7 डिसेंबर 2018

पुणे : विविध तांत्रिक अडथळे पार करत पशुधनाची आॅनलाइन गणना अखेर सुरू झाली आहे. देश पातळीवर एकाच वेळी होणारी ही २०वी गणना टॅबद्वारे होत असून, जानेवारीअखेर राज्यातील पशुधनाची जातिनिहाय नेमकी आकडेवारी समोर येणार आहे. ही आकडेवारी भविष्यातील पशुधनाच्या विविध योजनांसाठी उपयुक्त ठरणार आहे. 

पुणे : विविध तांत्रिक अडथळे पार करत पशुधनाची आॅनलाइन गणना अखेर सुरू झाली आहे. देश पातळीवर एकाच वेळी होणारी ही २०वी गणना टॅबद्वारे होत असून, जानेवारीअखेर राज्यातील पशुधनाची जातिनिहाय नेमकी आकडेवारी समोर येणार आहे. ही आकडेवारी भविष्यातील पशुधनाच्या विविध योजनांसाठी उपयुक्त ठरणार आहे. 

पशुधनाची बिनचूक आकडेवारी उपलब्ध व्हावी, यासाठी केंद्र शासनाने टॅबद्वारे गणना करण्याचा निर्णय घेतला. यासाठी राष्ट्रीय कृषी विकास योजनेतून मोठ्या प्रमाणावर निधीदेखील राज्यांना दिला. या गणनेसाठी राज्यांना टॅब खरेदी करण्याची मुभा देण्यात आली होती. मात्र राज्य शासनाने कोणतीही इलेक्ट्रॉनिक खरेदी राज्य शासनाच्या माहिती तंत्रज्ञान महामंडळाद्वारे आॅनलाइन पद्धतीने करण्याची अट घातल्यामुळे टॅबची बाजारपेठेतील किंमत आणि सरकारच्या वेबसाइटमधील किमतीमध्ये मोठी तफावत होती. यामध्ये राज्य सरकारचे दर अधिक होते. या तांत्रिक कारणांनी टॅब खरेदी बरोबर पशुगणना रखडली होती. 

मात्र यानंतर या समस्येवर तोडगा निघत बाजारभावाच्या दराने ७ हजार १२६ टॅब पशुसंवर्धन आयुक्तालयाद्वारे खरेदी करण्यात आले. या टॅबच्या इंटरनेटसाठी सिम कार्डदेखील खरेदी करण्यात आले असून, त्याचा पुरवठा झाला आहे. बहुतांश ठिकाणी गणना सुरू झाली असल्याचे पशुसंवर्धन आयुक्तालयाद्वारे सांगण्यात आले. जानेवारीअखेर पशुगणना होऊन अचूक आकडेवारी उपलब्ध होईल, असा विश्‍वास पशुसंवर्धन आयुक्त कांतिलाल उमाप यांनी व्यक्त केला. 

स्पर्धात्मक दरांतून ८० लाख रुपयांची बचत 
राष्ट्रीय कृषी विकास योजनेतून प्रत्येक टॅबसाठीच्या सिम कार्डसाठी प्रतिमहिना ५०० रुपयांचा निधी मंजूर केला होता. तीन महिन्यांसाठी १ हजार रुपये ५०० रुपये या दराने १ कोटी ६ लाख ८९ हजार रुपयांचा निधी मंजूर होता. मात्र राज्यात विविध विभागांतील इंटरनेट सेवांचा वेग ध्यानात घेता विविध कंपन्यांना पाचारण करण्यात आले होते. यांच्यातील स्पर्धात्मक दराने तीन महिन्यांसाठी केवळ ३७५ रुपये दराने ४ जी स्पीडची सिम कार्ड खरेदी केली. या स्पर्धात्मक दराने शासनाची ८० लाखांची बचत करण्यात आली, असे आयुक्त कांतिलाल उमाप यांनी सांगितले.

इतर बातम्या
सागरी नत्र साखळीतील महत्त्वाच्या...सागरी पाण्यातील अमोनिया ऑक्सिडेशन करणारे...
औरंगाबादेत कामगारांची निदर्शने औरंगाबाद : बाजार समितीमधून हमाल-मापाड्यांची...
पुणे जिल्ह्यात ३७ लाख ३३ हजार टन ऊस...पुणे ः पुणे जिल्ह्यातील १७ साखर कारखान्यांचा गळीत...
नांदेड विभागात २८ लाख क्विंटल साखरेचे...नांदेड ः नांदेड येथील प्रादेशिक साखर सहसंचालक...
जतला पाणी देण्यास कर्नाटकचे मुख्यमंत्री...जत, जि. सांगली ः तुबची बबलेश्वर (कर्नाटक)...
नाशिक जिल्ह्यात १५ लाख टन चारा उपलब्ध...नाशिक : राज्यातील दुष्काळी भागात गरज आणि मागणी...
बुलडाण्यात दुष्काळग्रस्त शेतकऱ्यांना...बुलडाणा ः कमी पावसामुळे जिल्ह्यात शासनाने यावर्षी...
राज्यात टोमॅटो प्रतिक्विंटल ३०० ते १२००...सोलापुरात सर्वाधिक दर ८०० रुपये सोलापूर ः...
पाणी चोरी करणाऱ्यांवर फौजदारी कारवाईमुंबई : राज्यातील दुष्काळी परिस्थिती लक्षात घेऊन...
दुष्काळात बॅंकांची सक्तीची वसुली थांबवा...बुलडाणा ः सध्या जिल्ह्यात दुष्काळी परिस्थिती आहे...
चवगोंडा पाटील, सौरभ कोकीळ, मारुती शिंदे...पुणे : राज्यातील ऊस उत्पादक शेतकऱ्यांची...
कोल्हापूरात कामगार-अडत्यांच्या वादात...कोल्हापूर : येथील बाजार समितीत तोलाइदार, अडते...
फुलांवर रुंजन रोबो मधमाश्‍यांचे...नागपूर : विविध आकर्षक रंगसंगतीसह काही वेळ...
राज्यात थंडीत चढउतारपुणे : छत्तीसगडचा दक्षिण भाग, तेलंगणा आणि...
नाशिक जिल्ह्यातील माती परीक्षणासाठी ‘...नाशिक : नाशिक जिल्ह्यातील शेती, गावतळे, जलसंपदा,...
जेजुरीत कुलधर्म कुलाचारासाठी भाविकांची...जेजुरी, जि. पुणे : चंपाषष्ठी उत्सवानिमित्त...
पीककर्जासाठी उपोषणकर्त्या शेतकऱ्याचे...पाथरी, जि. परभणी  : पीककर्जाच्या मागणीसाठी...
सव्वाआठ रुपये दर मिळाला तरच पपईची विक्रीजळगाव  : खानदेशात पपई उत्पादकांना सव्वाआठ...
दोन टप्प्यांत ‘एफआरपी’ला विरोधसातारा : साखरेचे दर कोसळल्याने उसाचा पहिला हप्ता...
केळी दरांची अंमलबजावणी होईनाजळगाव : खानदेशात केळीच्या दरांबाबत दबाव...