अमरावती : नाफेडने अचानक केली तूरखरेदी बंद

अमरावती : नाफेडने अचानक केली तूरखरेदी बंद
अमरावती : नाफेडने अचानक केली तूरखरेदी बंद

अमरावती : ऑनलाइन नोंदणी केलेल्या दहा टक्‍के शेतकऱ्यांकडूनच तुरीची खरेदी करण्यात आली. त्यानंतर नाफेडने अचानक खरेदी बंद केल्याचा प्रकार अंजनगावसूर्जी व नांदगाव खंडेश्‍वर तालुक्‍यांत घडला आहे.  अंजनगावसूर्जी बाजर समिती परिसरात खरेदी विक्री संघाने ६ मार्चपासून तूर उत्पादक शेतकऱ्यांच्या ऑनलाइन नोंदणीस सुरवात केली. २० मार्चपर्यंत ३१९३ शेतकऱ्यांनी नोंदणी केली. शनिवार (ता. १८ मे) पर्यंत त्यापैकी केवळ ६६६ शेतकऱ्यांच्या ८६५८.१० क्‍विंटल इतक्‍याच तुरीचे मोजमाप करून त्याची खरेदी करण्यात आली. त्यानंतर मात्र कोणतीही पूर्वसूचना न देता नाफेडकडून अचानक खरेदी बंद करण्यात आली. परिणामी नोंदणी केलेल्या इतर शेतकऱ्यांचा जीव टांगणीला लागला आहे.  विशेष म्हणजे जिल्ह्यातील इतर तालुक्‍यांच्या तुलनेत अंजनगावसूर्जी तालुक्‍यात तूर खरेदीची प्रक्रिया उशिरा राबविण्यात आली. तरीही अवघ्या १२ दिवसांत ३१९३ शेतकऱ्यांनी नोंदणी केली होती. अंजनगावप्रमाणेच नांदगाव खंडेश्‍वर तालुक्‍यावरही नाफेडकडून अन्याय करण्यात आला आहे. या ठिकाणी १४ फेब्रुवारी रोजी ऑनलाइन नोंदणीस सुरवात झाली. २० मार्चपर्यंत तालुक्‍यातील ३६६३ शेतकऱ्यांनी नोंदणी केली. त्यानंतर टोकन देऊन तूर मोजमाप व खरेदीसंदर्भात शेतकऱ्यांना एस.एम.एस. देण्यात आले. शनिवार (ता. १८ मे) पर्यंत ३६६३ पैकी केवळ ३८० शेतकऱ्यांकडील ५२९७ क्‍विंटल तुरीची खरेदी करण्यात आली. उर्वरित ९० टक्‍के शेतकरी तूरखरेदीच्च्या प्रतीक्षेत आहेत. खरीप हंगामाच्या तयारीत असलेल्या शेतकऱ्यांची नाफेडच्या पैशावर भिस्त होती. तूर विक्रीनंतर आलेल्या पैशातून हंगामाची सोय ते करणार होते. परंतु नाफेडने खरेदीच बंद केल्याने नवे आव्हान त्यांच्यासमोर उभे राहिले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com