agriculture news in Marathi, Answer for no confidence motion by confidence motion, Maharashtra | Agrowon

‘अविश्वास’ला विश्वास ठरावाने उत्तर
टीम अॅग्रोवन
शनिवार, 24 मार्च 2018

आघाडी सरकारमध्ये विलासराव देशमुख मुख्यमंत्री असताना विरोधकांनी सरकारविरोधात अविश्वास प्रस्ताव दाखल केलेला असताना, विलासरावांनी सरकावरचा विश्वासदर्शक ठराव चर्चेविना मंजूर करून घेतला होता. ते जर वैध असेल, तर हा विश्वासदर्शक ठरावही वैधच आहे.
- देवेंद्र फडणवीस, मुख्यमंत्री

मुंबई : विधानसभा अध्यक्ष हरिभाऊ बागडे यांच्याविरोधात अविश्वास ठराव आणण्याचा विरोधकांचा डाव सत्ताधारी भाजपने शुक्रवारी (ता. २३) उधळून लावला. मुख्यमंत्री देवेंद्र फडणवीस यांनी विधानसभेत अध्यक्षांच्या बाजूने विश्वास प्रस्ताव मांडला आणि आवाजी मतदानाने मंजूरही करण्यात आला. त्यामुळे विरोधकांनी सरकारच्या या कुरघोडीचा निषेध नोंदवत जोरदार घोषणाबाजी केली. त्यानंतर विधानसभेचे कामकाज दिवसभरासाठी तहकूब करण्यात आले.

विधानसभा अध्यक्ष हरिभाऊ बागडे हे विधानसभेचे अध्यक्ष असतानाही एखाद्या पक्षाच्या अध्यक्षाप्रमाणे वागत असून, मनमानीपणे कामकाज रेटत आहेत.

विरोधकांचा आवाज दाबून सदस्यांमध्ये भेदभाव करण्याचा प्रयत्नही करत आहेत, आदी कारणे देत विरोधकांनी श्री. बागडे यांच्याविरोधात अविश्वास ठरावाची नोटीस दिली होती. मात्र, विरोधकांना गाफील ठेवत मुख्यमंत्री देवेंद्र फडणवीस यांनी अध्यक्षांच्या बाजूने विश्वास ठराव आणून विरोधकांवर कुरघोडी केली. सार्वजनिक बांधकाममंत्री (उपक्रम) एकनाथ शिंदे यांनी या ठरावाला अनुमोदन दिले. त्यानंतर आवाजी मतदानाने सभागृहात हा ठराव मंजूर करण्यात आला. विरोधकांनी त्यानंतर विधानसभेत गोंधळ घालण्यास सुरवात केली. मात्र, तालिका अध्यक्ष सुधाकर देशमुख यांनी विरोधकांकडे दुर्लक्ष करत आवाजी मतदानाने प्रस्ताव मंजूर केला. विरोधकांच्या प्रस्तावावर सभागृहात चर्चा होऊन मतदान घ्यावे, अशी विरोधकांची इच्छा होती; मात्र अतिशय चपळाईने सरकारने ही रणनीती आखल्याचे स्पष्ट झाले. 

विरोधकांकडून अध्यक्षांवर अविश्वासदर्शक ठराव आम्ही सभागृहात ५ मार्च रोजी आणला होता. हा प्रस्ताव चर्चेला घ्यावा, अशी आम्ही मागणी केली होती. योग्य वेळी निर्णय घेऊ, असे मुख्यमंत्र्यांनी सभागृहात सांगितले होते; परंतु सरकारने तो अविश्वास ठराव चर्चेला न आणता ‘विश्वास’ ठराव मांडला, असे म्हणत विरोधी पक्षनेते राधाकृष्ण विखे-पाटील यांनी सरकारच्या या खेळीला आपला आक्षेप नोंदवला.

याच मुद्द्यावरून विरोधकांनी सभागृहात एकच गोंधळ घातल्यानंतर मुख्यमंत्र्यांनी स्पष्टीकरण देत त्यांना शांत करण्याचा प्रयत्न केला. ‘यापूर्वी सभागृहात असे प्रकार झालेले आहेत. काँग्रेसच्या काळात विलासराव देशमुख मुख्यमंत्री असताना त्यांनी सरकारवर विश्वासदर्शक ठराव मांडला होता आणि तो मंजूर केला होता. आताही नियमानुसार कामकाज झाले आहे. त्यामुळे आता विरोधकांच्या प्रस्तावावर चर्चा होऊ शकत नाही’ असे म्हणत मुख्यमंत्र्यांनी आपला ‘विश्वास’ ठराव रेटून धरला. यानंतर विधानसभेत सत्ताधारी आणि विरोधी पक्षांच्या आमदारांची परस्पर विरोधी घोषणाबाजी पाहायला मिळाली. त्यानंतर विधानसभेचे कामकाज दिवसभरासाठी तहकूब करण्यात आले. 

विरोधकांचा सभागृहात ठिय्या
विरोधकांची चर्चेची तयारी असतानादेखील कामकाज होऊ न दिल्यामुळे विरोधी पक्षांच्या आमदारांनी विधानसभेच्या सभागृहातच ठिय्या आंदोलन केले. विरोधी पक्षांच्या आमदारांचा २९३ चा प्रस्ताव होता. या प्रस्तावावर चर्चा करण्यासाठी काँग्रेसचे सुनील केदार हे उभे राहिले होते. मात्र, या वेळी सत्ताधारी आमदारांनी गोंधळ घालत सभागृहाचे कामकाज बंद पाडले. सत्ताधारी भाजप आणि शिवसेनेने लोकशाहीचा खून केला असून, आमची सभागृहात चर्चा करायची तयारी असतानाही सभागृहाचे कामकाज तहकूब करण्यात आले, असा आरोप विरोधकांनी केला. प्रस्तावाच्या वेळी सत्ताधारी आमदारांनीच गोंधळ घातला आणि या गोंधळात विधेयक मंजूर केले. त्यानंतर विरोधकांचा २९३ चा प्रस्ताव होता. या प्रस्तावावर चर्चा करण्याऐवजी पळ काढल्याचा आरोप करत सभागृहातच विरोधकांनी बराच वेळ ठिय्या आंदोलन केले. 
 

इतर अॅग्रो विशेष
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...
कीडनाशकांबाबतच्या याचिकेची सर्वोच्च...नवी दिल्ली ः मानवी आरोग्याला धोकादायक व भारतात...
स्वेच्छानिवृत्तीनंतरही प्रयोगशील...सांगली जिल्ह्यातील दुष्काळी आटपाडी शहरातील...
महाराष्ट्रात भावांतर योजना लागू...परभणी ः शेती एवढ्या समस्या कुठेच नाहीच. सर्व...
तयारी रब्बी हंगामाची...खरीप पिकांच्या काढणीनंतर रब्बी हंगामासाठी...
ऊसदर नियंत्रण समितीची पहिली बैठक...मुंबई : ऊसदर नियंत्रण समितीची बैठक सोमवारी (ता.१७...
डाळिंब उत्पादनात घट होण्याची शक्यतासांगली ः राज्यात पावसाने दडी मारली आहे. यामुळे...
शास्त्रज्ञ भरती मंडळावर कृषी...पुणे : देशाच्या कृषी शिक्षण संस्थांना नव्या...
शेतमाल तारण योजना न राबविणाऱ्या बाजार... मुंबई : शेतकऱ्यांना योग्य बाजारभाव मिळावा...
सिंचन प्रकल्पांसाठी ६५ हजार कोटी :...नवी दिल्ली ः देशातील सिंचन प्रकल्पांचा विकास...
तुरळक ठिकाणी पावसाची शक्यतापुणे : पोषक हवामान तयार झाल्याने रविवारी (ता. १६...
अविरत कष्टातून सिंचन, अर्थकारणाला दिले...जयपूर (जि. अौरंगाबाद) येथील राजू, भाऊसाहेब व...
शेतकऱ्यांकडून घेतलेल्याच दुधाची भुकटी...जळगाव ः राज्यात प्रतिदिन सहकारी व इतर प्रमुख दूध...