जळगावात आले प्रतिक्विंटल २००० ते ६५०० रुपये

जळगाव : कृषी उत्पन्न बाजार समितीमध्ये बुधवारी (ता. १७) आल्याची १८ क्विंटल आवक झाली. त्यास प्रतिक्विंटल २००० ते ६५०० रुपये दर मिळाला. आवक सोयगाव, सिल्लोड (जि. औरंगाबाद), जालना, जामनेर, पाचोरा भागांतून झाली. 

बाजारात खरबुजाची ११ क्विंटल आवक झाली. त्यास प्रतिक्विंटल ४०० ते १००० व सरासरी ६०० रुपये दर मिळाला. बिटाची दोन क्विंटल आवक झाली. त्याला प्रतिक्विंटल १७०० रुपये दर होता. लिंबाची सहा क्विंटल आवक झाली. त्यास प्रतिक्विंटल २२०० ते ५००० व सरासरी ३५०० रुपये दर होता. कलिंगडाची आवक १२ क्विंटल, तर दर प्रतिक्विंटल ५०० ते १००० व सरासरी ७०० रुपये, बटाट्याची आवक ३०० क्विंटल, तर दर ५०० ते ११०० व सरासरी ८०० रुपये दर होता. भेंडीची आठ क्विंटल आवक झाली. तिला प्रतिक्विंटल ८०० ते २००० व सरासरी १५०० रुपये दर मिळाला. गंगाफळाची १० क्विंटल आवक झाली. त्यास प्रतिक्विंटल ५०० ते १४०० व सरासरी ८०० रुपये दर मिळाला. 

कोबीची २० क्विंटल आवक झाली. तिला प्रतिक्विंटल १००० ते २००० व सरासरी १४०० रुपये दर होता. गाजरांची सात क्विंटल आवक झाली. त्यांना प्रतिक्विंटल ५०० ते १००० व सरासरी ७०० रुपये दर मिळाला. गवारची आवक दोन क्विंटल, तर दर प्रतिक्विंटल ६८०० रुपये, कैरीची आवक १९ क्विंटल, तर दर ७०० ते १५०० व सरासरी १००० रुपये, काकडीची आवक नऊ क्विंटल, तर दर ५०० ते १४०० व सरासरी ९०० रुपये दर होता. लाल कांद्याची ११६० क्विंटल आवक झाली. त्यास प्रतिक्विंटल २०० ते ७५० व सरासरी ३२५ रुपये दर मिळाला. 

कारल्यांची दोन क्विंटल आवक झाली. त्यांना प्रतिक्विंटल ५००० रुपये दर होता. कोथिंबिरीची पाच क्विंटल आवक झाली. तिला प्रतिक्विंटल २००० ते ५००० व सरासरी ३५०० रुपये दर मिळाला. मेथीची चार क्विंटल आवक झाली. तिला प्रतिक्विंटल २१०० ते ५२०० व सरासरी ४००० रुपये दर होता. पालकची दोन क्विंटल आवक झाली. त्यास प्रतिक्विंटल १५०० रुपये दर मिळाल्याची माहिती मिळाली.