agriculture news in Marathi, Anup kumar says support to agriculture development, Maharashtra | Agrowon

शेतीपूरक व्यवसायाला विदर्भात चालना देणार ः अनुपकुमार
टीम अॅग्रोवन
बुधवार, 15 ऑगस्ट 2018

आजवरच्या वाटचालीत ‘ॲग्रोवन’च्या माध्यमातून शेती धोरणांची सर्वांगीण माहिती मिळाली. त्याचादेखील अनेक ठिकाणी उपयोग झाला. त्यामुळे मी सकाळ समूह आणि ‘अग्रोवन’चे आभार मानतो.
- अनुपकुमार, नवनियुक्त कृषी सचिव

नागपूर ः सरकारने २०२२ पर्यंत शेतकऱ्यांचे उत्पन्न दुप्पट करण्याचे धोरण आखले आहे. शेतीपूरक व्यवसायाच्या माध्यमातून हे उद्दिष्ट गाठणे शक्‍य होणार असून त्याकरिता पहिल्या टप्प्यात विदर्भ, मराठवाड्यात शेतीपूरक व्यवसायाला चालना देण्याकरिता प्रयत्न करणार आहे, अशी माहिती नवनियुक्‍त कृषी, पशुसंवर्धन व दुग्ध विकास खात्याचे सचिव अनुपकुमार यांनी दिली. 

१९९० च्या बॅचचे प्रशासकीय अधिकारी असलेल्या अनुपकुमार यांच्या सेवेला २८ वर्ष झाली असून यातील १२ वर्षाचा सेवाकाळ विदर्भात गेला आहे. त्यामध्ये १९९३-९४ मध्ये बुलडाणा जिल्हा परिषदेचे मुख्य कार्यकारी अधिकारी, २००१ मध्ये अकोला जिल्हाधिकारी, महाराष्ट्र राज्य बियाणे महामंडळाचे व्यवस्थापकीय संचालक, (कै.) वसंतराव नाईक शेती स्वावलंबन मिशनचे संचालक, नागपूर विभागीय आयुक्‍त, विदर्भ वैधानिक विकास मंडळाचे प्रभारी, महाराष्ट्र पशु व मत्स्य विज्ञान विद्यापीठाचे प्रभारी कुलगुरू अशा विविध जबाबदाऱ्यांचा त्यामध्ये समावेश आहे. 

विदर्भ वैधानिक विकास मंडळाचा प्रभारी अध्यक्ष असल्याने विदर्भातील ११ जिल्ह्यांची सर्वंकष माहिती झाली होती. विदर्भ, मराठवाड्यासाठी धोरण ठरविताना अशा प्रकारच्या माहितीचा उपयोग करता येणार आहे. विदर्भात उस्मानाबादी शेळी संगोपनाला चालना देण्याचे प्रस्तावित असून त्यासंदर्भाने मुख्यमंत्री आणि पशुसंवर्धनमंत्री यांच्या मार्गदर्शनात वेळोवेळी पशुपालकांच्या हिताचे निर्णय घेतले जातील. विशेष म्हणजे हे काम आव्हानात्मक असल्याने मी ही जबाबदारी स्वतःहून माझ्याकडे घेतली आहे. 

जागतिक पातळीवर दुधाच्या दराचे मोठे संकट निर्माण झाले आहे. महाराष्ट्रातदेखील दूध दराबाबत चिंता व्यक्‍त केली जाते. हा प्रश्‍न सोडविण्याला माझे प्राधान्य राहणार आहे. 

सनदी अधिकाऱ्यांच्या बदल्या
मुख्यमंत्री कार्यालयातील सहसचिव राजेश नार्वेकर यांची ठाणे जिल्हाधिकारीपदी नेमणूक करण्यात आली आहे. तर ठाण्याचे जिल्हाधिकारी महेंद्र कल्याणकर यांची मंत्रालयात कामगार विभागाच्या सहसचिवपदी नियुक्ती झाली आहे. ठाणे महापालिकेतील अतिरिक्त आयुक्त सुनील चव्हाण यांची रत्नागिरीचे जिल्हाधिकारी म्हणून बदली करण्यात आली आहे. आभा शुक्ला यांना सहकार विभागात प्रधान सचिव म्हणून नेमणूक मिळाली आहे. कुटुंब कल्याण विभागाचे आयुक्त डॉ. संजीव कुमार यांची नागपूर विभागीय आयुक्त म्हणून बदली झाली आहे. 

रत्नागिरीचे जिल्हाधिकारी प्रदीप पी. यांची मुंबईत माहिती-तंत्रज्ञान विभागाचे संचालक म्हणून नियुक्ती झाली आहे. नागपूर विभागाचे अतिरिक्त विभागीय आयुक्त आर. एच. ठाकरे यांची नागपूर महापालिकेत अतिरिक्त आयुक्त म्हणून, तर सहायक जिल्हाधिकारी अमन मित्तल यांची कोल्हापूर जिल्हा परिषदेचे मुख्य कार्यकारी अधिकारी म्हणून बदली झाली  आहे.

 

इतर अॅग्रो विशेष
सिंधुदुर्गात पाऊस; आंबा, काजूला मोठा...कणकवली, जि. सिंधुदुर्ग : जिल्ह्यातील काही भागात...
पीक कर्जवाटपात करा आमूलाग्र बदलराज्यातील काही भागांतील कापूस आणि तूर ही पिके...
आपत्ती निर्मूलनासाठी विद्यार्थ्यांनो...अमेरिकेमधील टेक्सास ए. एम. कृषी विद्यापीठांतर्गत...
अन्नद्रव्यांचा समतोल वापर आवश्यक...जमिनीतील अन्नद्रव्यांचा मोठ्या प्रमाणावर होत...
पाणी चोरी करणाऱ्यांवर फौजदारी कारवाईमुंबई : राज्यातील दुष्काळी परिस्थिती लक्षात घेऊन...
फुलांवर रुंजन रोबो मधमाश्‍यांचे...नागपूर : विविध आकर्षक रंगसंगतीसह काही वेळ...
कोल्हापूरात कामगार-अडत्यांच्या वादात...कोल्हापूर : येथील बाजार समितीत तोलाइदार, अडते...
चवगोंडा पाटील, सौरभ कोकीळ, मारुती शिंदे...पुणे : राज्यातील ऊस उत्पादक शेतकऱ्यांची...
जेजुरीत कुलधर्म कुलाचारासाठी भाविकांची...जेजुरी, जि. पुणे : चंपाषष्ठी उत्सवानिमित्त...
नाशिक जिल्ह्यातील माती परीक्षणासाठी ‘...नाशिक : नाशिक जिल्ह्यातील शेती, गावतळे, जलसंपदा,...
राज्यात थंडीत चढउतारपुणे : छत्तीसगडचा दक्षिण भाग, तेलंगणा आणि...
दोन टप्प्यांत ‘एफआरपी’ला विरोधसातारा : साखरेचे दर कोसळल्याने उसाचा पहिला हप्ता...
पीककर्जासाठी उपोषणकर्त्या शेतकऱ्याचे...पाथरी, जि. परभणी  : पीककर्जाच्या मागणीसाठी...
कांदाप्रश्‍नी मुख्यमंत्र्यांकडून आढावानाशिक : हवालदिल झालेल्या कांदा उत्पादक...
केळीच्या विलियम्स वाणाचा आश्वासक प्रयोग...परभणी जिल्ह्यातील सिंगणापूर येथील वसंतराव कदम...
वालाच्या शेंगा, मेहरुणी बोरांची ...दुष्काळी स्थितीत खानदेश व लगतच्या भागातील शेती...
मका भुशाला तीन हजारांचा भावजायखेडा, जि. नाशिक : यंदा तालुक्‍यात अत्यल्प...
ऐन दुष्काळात राज्याला सहकार आयुक्त नाही पुणे  : तीव्र दुष्काळाकडे राज्याची सुरू...
कात्रज मिठाईसाठी वापरणार नायट्रोजन...पुणे  : पुणे जिल्हा दूध उत्पादक संघ अर्थात...
कुलगुरू निवड प्रक्रियेतील विलंब ...मुंबई : राज्यातील कृषी विद्यापीठांच्या...