‘निर्यात सुविधा केंद्रा’साठी प्रस्ताव पाठविण्याचे आवाहन

पुणे : राज्यातून अधिकाधिक शेतमाल निर्यात व्हावा, यासाठी केंद्राच्या ट्रेड इन्फ्रास्ट्रक्चर फॉर एक्स्पाेर्ट या केंद्राच्या याेजनेअंतर्गत नवीन निर्यात सुविधा केंद्रांची उभारणी आणि जुन्या सुविधा केंद्रांचे बळकटीकरण करण्यात येणार आहे. सुमारे ६०० काेटी रुपयांच्या निधीची तरतूद असलेल्या या याेजनेअंतर्गत तीन वर्षांत विविध राज्यांमध्ये निर्यात सुविधा केंद्रे उभारण्यात येणार आहेत. महाराष्ट्रातील निर्यात सुविधा केंद्रे उभारणी आणि बळकटीकरणासाठी पणन मंडळाकडे प्रस्ताव पाठविण्याचे आवाहन करण्यात आले आहे. ही माहिती पणन मंडळाचे कार्यकारी संचालक सुनील पवार यांनी दिली आहे.

पवार म्हणाले, ‘‘विविध उत्पादनांबराेबर शेतमालाच्या निर्यातीला प्राेत्साहन देण्यासाठी केंद्र सरकारने ट्रेड इन्फ्रास्ट्रक्चर फॉर एक्स्पाेर्ट याेजना जाहीर केली आहे. २०१७ ते २०२० या तीन वर्षांच्या कालावधी देशात निर्यात सुविधा केंद्रे उभारणी आणि जुन्या निर्यात सुविधा केंद्रांच्या अत्याधुनिकीकरणासाठी ६०० काेटींच्या निधीची तरतूद करण्यात आली आहे. दरवर्षी २०० काेटींचा निधी वितरित करण्यात येणार असून, महाराष्ट्रातील निर्यात सुविधा केंद्रांचे बळकटीकरण व खासगी क्षेत्राकडून नवीन उभारणी करण्यात येणाऱ्या केंद्रांसाठी अनुदान देण्यात येणार आहे. यामध्ये अंतर्गत कस्टम स्टेशन, गुणवत्ता व प्रमाणीकरण तपासणी प्रयाेगशाळा, शीतसाखळी, ट्रेड प्रमाेशन सेंटर, ड्राय पाेर्टस, गाेदामे, पॅकिंग सुविधा उभारण्यात येणार आहेत. या याेजनद्वारे प्रकल्प खर्चाच्या ५० टक्के अथवा जास्तीत जास्त २० काेटींचे अनुदान देण्यात येणार आहे.’’

अधिक माहितीसाठी पणन मंडळाच्या ०२०-२४२६११९० या क्रमांकावर अथवा md@msamb.com, genman@msamb.com या ई-मेल आयडीवर संपर्क साधण्याचे आवाहन करण्यात आले आहे.