agriculture news in marathi, area of paddy may be increase in kharip, pune, maharashtra | Agrowon

पुणे जिल्ह्यात भाताचे क्षेत्र वाढण्याचा अंदाज
टीम अॅग्रोवन
शुक्रवार, 20 एप्रिल 2018
यंदा चांगला पाऊस पडण्याची अपेक्षा असल्याने शेतकऱ्यांनी खरिपाची तयारी सुरू केली आहे. त्यामुळे भात पिकाच्या क्षेत्रात गेल्या वर्षीच्या तुलनेत सुमारे पाच हजार हेक्‍टरने वाढ होण्याची शक्‍यता आहे. जिल्ह्यात सरासरीएवढीच खरीप पिकांची पेरणी होईल, असा विश्वास आहे. 
- बी. जे. पलघडमल, जिल्हा अधीक्षक कृषी अधिकारी, पुणे
पुणे: जिल्ह्यातील शेतकऱ्यांची खरीप हंगामाची तयारी सुरू आहे. कृषी विभागाने केलेल्या नियोजनानुसार जिल्ह्यात खरीप हंगामातील विविध पिकांची दोन लाख ३० हजार ८२६ हेक्‍टरवर पेरणी होण्याची शक्‍यता आहे. यात गेल्या वर्षीच्या तुलनेत यंदा भात पिकाच्या लागवड क्षेत्रात वाढ होण्याचा अंदाज असून सुमारे ६४ हजार ८०० हेक्‍टरवर भात लागवड अपेक्षित आहे, असे कृषी विभागाच्या सूत्रांनी सांगितले. 
 
गेल्या वर्षी पुणे जिल्ह्यात दोन लाख ५ हजार ७३७ हेक्‍टरवर विविध खरीप पिकांची पेरणी झाली होती. तीन लाख २४ हजार ६८३ मेट्रीक टन पीक उत्पादन झाले होते. यंदा पावसाच्या चांगल्या अंदाजामुळे शेतकऱ्यांची एप्रिलपासूनच खरिपाची तयारी सुरू आहे.
 
भात पट्ट्यातील शेतकऱ्यांनी सध्या शेतीची मशागतीची कामे हाती घेतली आहे. काही शेतकरी भात बियाणांची उगवणक्षमता तपासून घेण्यास प्राधान्य देत आहेत. पूर्व पट्ट्यातील दौंड, इंदापूर, बारामती, पुरंदर, शिरूर भागांतही शेतकऱ्यांनी नांगरणी करून पेरणीकरिता शेत तयार ठेवण्यासाठी कामे सुरू केली आहे.
 
खरिपात तृणधान्यात भात, खरीप ज्वारी, बाजरी, रागी, मका या पिकांची पेरणी शेतकरी करतात. कडधान्यामध्ये तूर, मूग, उडीद तर गळीतधान्यामध्ये भूईमूग, खरीप तीळ, कारळा, सुर्यफूल, सोयाबीन या पिकांची शेतकरी पेरणी करतात.
 
गेल्यावर्षी भाताची ५९ हजार ४४५ हेक्‍टरवर लागवड झाली होती. यंदा भात लागवडक्षेत्रात ५३५५ हेक्‍टरने वाढ होण्याची शक्‍यता आहे. यंदा सोयाबीनच्या क्षेत्रातदेखील वाढ होण्याची शक्‍यता आहे. गेल्या वर्षी सोयाबीनची १८ हजार ६६३ हेक्‍टरवर पेरणी झाली होती. गेल्या वर्षीच्या तुलनेत ३८३७ हेक्‍टरने क्षेत्र वाढण्याची शक्‍यता असून सुमारे २२ हजार ५०० हेक्‍टरवर पेरणी होण्याचा अंदाज आहे, तर उत्पादन ६० हजार ७५० मेट्रिक टन एवढे अपेक्षित आहे.

इतर ताज्या घडामोडी
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
कृषिक प्रदर्शनातील प्रात्यक्षिके पाहून...बारामती, जि. पुणे ः कृषिक प्रदर्शनाच्या दुसऱ्या...
जाती-धर्माच्या भिंती तोडणे हीच स्व....इस्लामपूर, जि. सांगली : लोकनेते राजारामबापू पाटील...
पशुधन संख्येनुसार चारा उपलब्ध करून द्यापरभणी ः परभणी जिल्ह्यात गेल्या काही वर्षांत पशुधन...
ज्वारी, हरभरा, करडईच्या पेरणी...परभणी ः जिल्ह्यात यंदा ज्वारी, हरभरा, करडई या तीन...