धुळे जिल्ह्यात चारा, पाण्याची व्यवस्था करा: भुसे

धुळे जिल्ह्यात चारा, पाण्याची व्यवस्था करा: भुसे
धुळे जिल्ह्यात चारा, पाण्याची व्यवस्था करा: भुसे

धुळे : जिल्ह्यात यंदा पुरेशा पावसाअभावी गंभीर परिस्थिती उद्‌भवली आहे. या पार्श्वभूमीवर प्रत्येक गावासाठी पिण्याचे पुरेसे पाणी, जनावरांसाठी पाणी व चारा, प्रत्येक गावात रोजगारासाठी किमान दोन कामे करावीत, त्यानुसार जुलै २०१९ पर्यंतचे नियोजन करावे, असे निर्देश जिल्ह्याचे पालकमंत्री आणि ग्रामविकास राज्यमंत्री दादा भुसे यांनी दिले.

जिल्हाधिकारी कार्यालयातील सातपुडा सभागृहात शुक्रवारी (ता. २६) दुपारी पाणी आरक्षणाबाबत बैठक झाली. आमदार डी. एस. अहिरे, जिल्हाधिकारी राहुल रेखावार, जिल्हा परिषदेचे मुख्य कार्यकारी अधिकारी गंगाथरन डी., महापालिका आयुक्त सुधाकर देशमुख, निवासी उपजिल्हाधिकारी डॉ. अरविंद अंतुर्लीकर, पाटबंधारे विभागाचे कार्यकारी अभियंता के. टी. सूर्यवंशी, जिल्हा परिषदेच्या ग्रामीण पाणीपुरवठा विभागाचे कार्यकारी अभियंता संजय पढ्यार आदी उपस्थित होते.

भुसे म्हणाले, ‘‘जनावरांसाठी आवश्‍यक पाण्याचाही समावेश करावा. उर्वरित पाण्यातून रब्बी हंगामातील पिकांसाठी पाण्याचे किती आवर्तने देता येतील, याचे नियोजन करावे. त्यानुसार शेतकऱ्यांना रब्बी हंगामातील पिके घेण्याबाबत सूचना कराव्यात. पाणी सोडताना त्याची कमीत कमी गळती होईल, या दृष्टीने उपाययोजना कराव्यात.``

चारा लागवडीस प्रोत्साहन द्या पाणी उपलब्ध असलेल्या भागात शेतकऱ्यांना चारा पिके लागवडीसाठी प्रोत्साहन द्यावे. अन्य जिल्ह्यांत चारा वाहतूक होणार नाही, अशी उपाययोजना करावी. जिल्ह्यातील एखाद्या गावास पाणीपुरवठा करणाऱ्या विहिरीसाठी वनविभागाची जमीन आवश्‍यक असेल, तर याबाबत तत्काळ कार्यवाही करावी. जंगलातील वन्यपशूंसाठी जंगलातच पाणवठ्यांची उपाययोजना करावी, असे निर्देशही भुसे यांनी दिले.

रेखावार म्हणाले, ‘‘जिल्ह्यास बाहेरून पाणी आणावे लागणार नाही. चाऱ्यासाठी शेतकऱ्यांना प्रोत्साहन देण्यात येईल.``

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com