agriculture news in Marathi, Ashadi celebrate in solapur today, Maharashtra | Agrowon

आज आषाढी एकादशी
सुदर्शन सुतार
सोमवार, 23 जुलै 2018

पंढरपूर : 
त्रिविध तापांची झाली बोळवण ।
देखील्या चरण वैष्णवांचे ।।
एका जनार्दनी घडो त्याचा संग ।
न व्हावा वियोग जन्मोजन्मी ।।

अशी आर्त भावना मनात ठेवून आषाढी सोहळ्यात सहभागासाठी राज्यभरातून सुमारे सहा लाखाहून अधिक वारकऱ्यांची मांदियाळी रविवारी (ता.२२) पंढरीत दाखल झाली.

या सोहळ्यात दशमीच्या स्नानाला विशेष महत्त्व असल्याने रविवारी पहाटेपासूनच चंद्रभागा तिरावर वारकऱ्यांची गर्दी झाली होती. टाळ-मृदंगाचा गजर आणि हरिनामाच्या जयघोषाने अवघी पंढरी भक्तिरसात न्हाऊन गेली. 

पंढरपूर : 
त्रिविध तापांची झाली बोळवण ।
देखील्या चरण वैष्णवांचे ।।
एका जनार्दनी घडो त्याचा संग ।
न व्हावा वियोग जन्मोजन्मी ।।

अशी आर्त भावना मनात ठेवून आषाढी सोहळ्यात सहभागासाठी राज्यभरातून सुमारे सहा लाखाहून अधिक वारकऱ्यांची मांदियाळी रविवारी (ता.२२) पंढरीत दाखल झाली.

या सोहळ्यात दशमीच्या स्नानाला विशेष महत्त्व असल्याने रविवारी पहाटेपासूनच चंद्रभागा तिरावर वारकऱ्यांची गर्दी झाली होती. टाळ-मृदंगाचा गजर आणि हरिनामाच्या जयघोषाने अवघी पंढरी भक्तिरसात न्हाऊन गेली. 

दरम्यान, सोमवारी (ता.२३) आषाढी यात्रेचा मुख्य सोहळा साजरा होत असून, पहाटे श्री विठ्ठल-रुक्‍मिणीची शासकीय महापूजा होणार आहे.  राज्यासह कर्नाटक, आंध्र प्रदेश आणि मध्य प्रदेशातूनही लाखो भाविक पंढरीत दाखल झाले आहेत.

आषाढी यात्रेच्या सोहळ्यात सहभागासाठी राज्यभरातून निघालेल्या विविध संतांच्या पालख्यांनीही आज पंढरपुरात प्रवेश केला. त्याशिवाय दर काही मिनिटाला एस. टी. बसेस, खासगी गाड्या आणि रेल्वेने वारकरी पंढरपुरात दाखल होत असल्याने चोहोबाजूने भक्तिरसाचा प्रवाह पंढरीत एक होत असल्याचे चित्र पाहायला मिळाले. चंद्रभागा वाळवंट आणि शहरातील विविध मठ, धर्मशाळांमध्ये "टाळ, मृदंगाचा गजर आणि हरिनामाचा अखंड जयघोष सुरू आहे.

रविवारी वाखरी (ता. पंढरपूर) येथून निघालेल्या श्री संत ज्ञानेश्‍वर महाराज आणि श्री संत तुकाराम महाराज यांच्या पालखी सोहळ्यासह विविध संतांच्या पालख्यांनी पंढरपुरात प्रवेश केला. शहरातील मठ, धर्मशाळा आदी ठिकाणांसह चंद्रभागेच्या वाळवंटात वारकऱ्यांच्या राहुट्यांमधून भजन, कीर्तनाचे कार्यक्रम सुरू आहेत. चंद्रभागेतील स्नानासाठी लाखो भाविकांची चंद्रभागेतीरी झुंबड उडाली आहे. विठ्ठल पदस्पर्श दर्शनाची रांग गोपाळपुराच्या पुढे गेली आहे. दर्शनरांगेत जवळपास दीड लाखाहून अधिक वारकरी दर्शनासाठी उभे आहेत. क्षणोक्षणी वारकऱ्यांची गर्दी वाढतेच आहे.

शासकीय महापूजेला मुख्यमंत्री येणार नाहीत
परंपरेप्रमाणे आषाढी वारीतील मुख्य शासकीय महापूजा मुख्यमंत्री देवेंद्र फडणवीस यांच्या हस्ते सपत्निक होते. परंतु यंदा मराठा क्रांती मोर्चाच्या कार्यकर्त्यांनी मराठा आरक्षणावरून जिल्ह्यातील विविध भागात आंदोलने सुरू केले आहे. तसेच ही महापूजा रोखण्याचा इशारा दिला आहे. त्यामुळे स्वतः मुख्यमंत्री देवेंद्र फडणवीस यांनीच आपण या महापूजेला येणार नसल्याचे जाहीर केल्याने यंदा पहिल्यांदाच मुख्यमंत्र्यांविना हा सोहळा पार पडणार आहे. 

पंढरीतील क्षणचित्रे 

  • चंद्रभागेवर दशमीच्या स्नानासाठी वारकऱ्यांची गर्दी.
  • विठ्ठल दर्शनाची रांग गोपाळपुरापर्यंत 
  • दर्शनरांगेत दीड लाखाहून अधिक वारकरी.
  • दर्शनरांगेतून दर्शनासाठी २० तासांचा अवधी 
  • प्रतिमिनिटाला ३५ ते ४० वारकऱ्यांना दर्शन.
  • विविध मंदिरे, मठ, धर्मशाळात कीर्तन, भजनाचे सूर  

इतर अॅग्रो विशेष
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...
विना `सहकार` नाही उद्धारग्रामीण आणि शहरी भागांचा संतुलित विकास साधत...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
दुष्काळात २५ एकरांत शेवगा, रंगबिरंगी...मुंबई येथील ‘कोचिंग क्लास’चा व्यवसाय असलेले तपन...
प्रतिकूलतेतून प्रगती घडवत आले पिकात...वांगी (जि. सांगली) येथील एडके कुटुंबाने अत्यंत...
दूध का दूध... देशातील दूध न दुग्धजन्य पदार्थांमध्ये ६८ टक्के...
पीककर्ज वितरणातील दोष व्हावे दूर पूर्वी जेमतेम तग धरून चालणाऱ्या शेती व्यवसायाने...
पाऊस बरा, मात्र दीर्घ खंड अन् कीडरोगाने...जिल्ह्यात सरासरीच्या जवळपास पाऊस पडला खरा; मात्र...
अन्न प्रक्रिया प्रकल्पांसाठी...औरंगाबाद : शेती उत्पादनात आघाडीवर असलेल्या आपल्या...
मराठवाडा, मध्य महाराष्ट्रात थंडी वाढलीपुणे ः गेल्या दोन ते तीन दिवसांपासून थंडीने...
साखर कारखान्यांनी सह-उत्पादनांवर सक्षम...मुंबई  ः देशांतर्गत साखर उद्योग संकटात आहे....
राज्यात ९१ कारखान्यांची धुराडी पेटली;...पुणे : राज्यात चालू गाळप हंगामात आतापर्यंत ९१...