agriculture news in Marathi, assembly election planning depend on loksabha result, Maharshtra | Agrowon

लोकसभेच्या निकालावर ठरेल विधानसभेची रणनीती
टीम अॅग्रोवन
मंगळवार, 21 मे 2019

नगर ः लोकसभा निवडणुकीत कोणत्या मतदारसंघातून कोणाला ‘लीड’ मिळतेय यावरच विधानसभेची रणनीती ठरली जाणार आहे. विधानसभेतील विरोधी पक्षनेते राधाकृष्ण विखे पाटील, डॉ. सुजय विखे पाटील यांचा भाजप प्रवेश, राष्ट्रवादीचे अध्यक्ष शरद पवार यांचे नगर जिल्ह्यावरील विशेष लक्ष आणि जिल्ह्यामधील मातब्बर मंडळींनी लोकसभेच्या मतदानाआधी केलेली ‘गुप्त’ पेरणीमुळे आता विधानसभेची गणिते मांडण्यासाठी जाणकारांचे मतदारसंघनिहाय मताधिक्याकडे लक्ष लागले आहे. 

नगर ः लोकसभा निवडणुकीत कोणत्या मतदारसंघातून कोणाला ‘लीड’ मिळतेय यावरच विधानसभेची रणनीती ठरली जाणार आहे. विधानसभेतील विरोधी पक्षनेते राधाकृष्ण विखे पाटील, डॉ. सुजय विखे पाटील यांचा भाजप प्रवेश, राष्ट्रवादीचे अध्यक्ष शरद पवार यांचे नगर जिल्ह्यावरील विशेष लक्ष आणि जिल्ह्यामधील मातब्बर मंडळींनी लोकसभेच्या मतदानाआधी केलेली ‘गुप्त’ पेरणीमुळे आता विधानसभेची गणिते मांडण्यासाठी जाणकारांचे मतदारसंघनिहाय मताधिक्याकडे लक्ष लागले आहे. 

दरम्यान दुष्काळाने होरपळ सुरू असलेल्या भागात एखाद्या नेत्याचा अपवाद वगळला तर, उमेदवारांसह त्यांचे ‘पाठीराखे’ मतदान पदरात पाडून घेतल्यापासून गायब झाल्याचे चित्र आहे. नगर जिल्ह्याचा राज्याच्या राजकारणात कायम प्रभाव राहिलेला आहे. नगर दक्षिण लोकसभा मतदारसंघातून कॉँग्रेसचे नेते व विधानसभेतील विरोधीपक्ष नेते राधाकृष्ण विखे पाटील यांचे चिरंजीव सुजय विखे पाटील  यांनी भाजपत प्रवेश करून निवडणूक लढवली. त्यांचे वडील राधाकृष्ण विखे पाटील यांनीही मुलासाठी भाजपचा प्रचार केला. त्यामुळे नगर लोकसभा मतदारसंघातील राजकीय समीकरणे पुरती बदलली आहेत. राधाकृष्ण विखे पाटील भाजपमध्ये जाणार असल्याचे बोलले जात आहे.

लोकसभेच्या निकालानंतर राधाकृष्ण विखे पाटील यांचाही भाजप प्रवेश होऊ घातला आहे. सर्व सहा विधानसभा मतदारसंघांतील कॉँग्रेस विखेंनी जवळजवळ नामशेष केले आहे. साहजिकच विखेंचा राजकीय प्रभाव व उपद्रवमूल्य विचारात घेता लोकसभेच्या निकालानंतरच या मतदारसंघातील विधानसभेची गणिते अवलंबून आहेत. 

नगर शहर विधानसभा मतदारसंघातील आमदार संग्राम जगताप स्वत:च लोकसभेचे कॉँग्रेस-राष्ट्रवादी कॉँग्रेस आघाडीचे उमेदवार आहेत. जगताप लोकसभेत गेल्यास नगर शहर विधानसभा मतदारसंघाची जागा रिक्त होईल. ही अटकळ लक्षात घेऊन विविध पक्षांतील इच्छुकांनी जगताप यांच्या विजयासाठी नाइलाजाने `हातभार' लावल्याचे सांगण्यात येते. जगताप यांना लोकसभेत अपयश आल्यास साहजिकच त्यांना विधानसभेलाही सहानुभूती राहील. 

‘दुष्काळी’ पारावर आकडेमोड सुरूच
लोकसभा निवडणूक प्रचाराचा काळात छावण्यात नेत्यांचा माहोल सुरू होता. कळवळा दाखवत नेते छावण्यांत दाखल होत. जनावरांना चाराही खाऊ घालत होते. मते पदरात पाडून घेतली आणि उमेदवार, नेत्यांसह त्यांचे पाठीराखे गायब झाले आहेत. असे असले तरी दुष्काळी गावांतील पारावर ‘कोण निवडून येणार’ यावर चर्चा करून आकडेमोड सुरू आहे.

इतर ताज्या घडामोडी
फ्लॉवर, पापडी, घेवड्याच्या दरात १०...पुणे : गुलटेकडी येथील कृषी उत्पन्न बाजार...
मराठवाड्यात दूध संकलनात ९८ हजार लिटरने...औरंगाबाद : मराठवाड्यातील दुग्धोत्पादनाला घरघर...
ऊस बिलावरून शेतकरी आक्रमकनाशिक  : वसंतदादा सहकारी साखर कारखाना...
येवला, देवळा, मालेगाव, सटाणा तालुक्यात...नाशिक : जिल्ह्यात शनिवारी (ता. २२) पावसाला सुरवात...
संत श्री तुकाराम महाराज पालखी सोहळ्याचे...देहू, जि. पुणे  ः आषाढी वारीसाठी संत श्री...
पृथ्वीराज चव्हाण यांनी केली...कऱ्हाड, जि. सातारा  ः माजी मुख्यमंत्री आमदार...
अकोट तालुक्यातील केळी बागांना वादळी...अकोला  ः आधीच नैसर्गिक संकटांनी त्रस्त...
नगर जिल्ह्यातील अकरा महसूल मंडळात...नगर  ः जिल्ह्यातील सर्वच भागांत पावसाने...
शेतकऱ्यांना अडवणाऱ्यांना शिवसेना...नगर   ः विमा योजनेत घोटाळा झाला...
नाचणी प्राक्रियेत संधीनाचणी हे पीक आरोग्याच्या दृष्टीने अत्यंत...
बीबीएफ तंत्रज्ञानानेच पेरणी, विश्वी...बुलडाणा ः येत्या हंगामात बीबीएफ तंत्रज्ञानाने...
सांगली जिल्ह्यात १८३ गावांना टँकरने...सांगली : जून महिना सुरू होऊन दुसरा आठवडा संपला...
जळगाव जिल्ह्यातील प्रकल्प कोरडे...जळगाव  ः खानदेशात सिंचन प्रकल्पांमध्ये मिळून...
आषाढी वारीत शासकीय महापूजेचा वेळ...सोलापूर : आषाढी एकादशी दिवशीची श्री विठ्ठल-रुक्‍...
जळगाव बाजार समितीत व्यापारी संकुलावरून...जळगाव  : कृषी उत्पन्न बाजार समितीमध्ये...
वऱ्हाडात महाबीज बियाणे मिळण्यापूर्वी...अकोला ः राष्ट्रीय अन्न सुरक्षा मोहीम व ग्राम...
सातारा : जिल्हाधिकारी कार्यालयात...सातारा  : टेंभू उपसा सिंचन योजनेतून खटाव...
मंगळवेढा बाजार समितीत वांग्याला राज्यात...मंगळवेढा जि. सोलापूर : मंगळवेढा येथील कृषी...
नांदेड, परभणी, हिंगोलीत पाऊसनांदेड : नांदेड, परभणी, हिंगोली जिल्ह्यातील ९८...
पाऊस लांबल्याने आता कोणते पीक घ्यावे?...नगर : मॉन्सून लांबल्याने आता खरीप पिकांत बदल...