agriculture news in marathi, Attempts to increase the sowing of green gram in the state | Agrowon

राज्यात हरभऱ्याचा पेरा वाढविण्यासाठी प्रयत्न
टीम अॅग्रोवन
गुरुवार, 9 नोव्हेंबर 2017

पुणे : रबी हंगामात राज्यातील हरभरा क्षेत्रात वाढ करण्याचा निर्णय घेताना हरभरा उत्पादक शेतकऱ्यांना २१ कोटी रुपयांचे अनुदान देण्याचा निर्णय घेण्यात आला आहे. हरभरा उत्पादनात देशात मध्य प्रदेश, राजस्थानप्रमाणाचे एक प्रमुख उत्पादक राज्य म्हणून महाराष्ट्र यंदादेखील आघाडी घेण्याची शक्यता आहे.

राज्यात गेल्या अनेक वर्षांत लागवडीची वाटचाल पाहिल्यास सरासरी क्षेत्र १३ लाख हेक्टर आहे. मात्र, गेल्या हंगामात राज्यात हरभऱ्याचा पेरा १८.५० लाख हेक्टरवर झाला. यंदा हाच पेरा १९ लाख हेक्टरच्या पुढे जाण्याची शक्यता आहे.

पुणे : रबी हंगामात राज्यातील हरभरा क्षेत्रात वाढ करण्याचा निर्णय घेताना हरभरा उत्पादक शेतकऱ्यांना २१ कोटी रुपयांचे अनुदान देण्याचा निर्णय घेण्यात आला आहे. हरभरा उत्पादनात देशात मध्य प्रदेश, राजस्थानप्रमाणाचे एक प्रमुख उत्पादक राज्य म्हणून महाराष्ट्र यंदादेखील आघाडी घेण्याची शक्यता आहे.

राज्यात गेल्या अनेक वर्षांत लागवडीची वाटचाल पाहिल्यास सरासरी क्षेत्र १३ लाख हेक्टर आहे. मात्र, गेल्या हंगामात राज्यात हरभऱ्याचा पेरा १८.५० लाख हेक्टरवर झाला. यंदा हाच पेरा १९ लाख हेक्टरच्या पुढे जाण्याची शक्यता आहे.

ऑक्टोबरच्या दुसऱ्या आठवडापासूनच विविध भागांमध्ये हरभरा पेरण्यास सुरवात झाली आहे. डिसेंबरच्या पंधरवड्यापर्यंत पेरा चालू राहण्याची शक्यता आहे. लातूर जिल्ह्यात दोन लाख हेक्टरवर तर बीड, उस्मानाबाद, नांदेड, बुलडाणा, अमरावती, यवतमाळ जिल्ह्यातील प्रत्येकी एक लाखाहून जास्त हेक्टरवर हरभऱ्याचा पेरा होण्याची शक्यता आहे.

राज्यभर चांगला पाऊस झाल्यामुळे यंदा रबी हंगामात हरभरा पिकाच्या उत्पादनावर मुख्य भर देण्याचा निर्णय कृषी विभागाने घेतला आहे. त्यासाठी १७ कोटी ५० लाख रुपये अनुदान खर्च करून जवळपास ७० हजार क्विंटल बियाणे वाटण्यास सुरवात केल्याची माहिती राज्याचे कृषी विस्तार संचालक डॉ. एस. एल. जाधव यांनी दिली.

शेतकऱ्यांना जॅकी ९२१८ आणि आकाश या वाणाचे अनुदानित बियाणे पुरवठ्याची जबाबदारी महाबीजवर सोपविण्यात आली आहे. काही प्रमाणात राष्ट्रीय बीज महामंडळाकडून देखील बियाणे दिले जात आहे. शेतकऱ्यांना प्रतिकिलो २५ रुपये अनुदान दिले जात असून महाबीजच्या विक्रेत्यांकडून अनुदानित बियाण्यांची विक्री सुरू आहे.

हरभरा उत्पादन वाढीसाठी यंदाची अनुकूल स्थिती लक्षात घेत १०५० शेतकऱ्यांना दीड कोटी रुपयांचे पेरणीयंत्र वाटले जात आहे. याशिवाय १३०० शेतकऱ्यांना एक कोटी ३० लाख रुपये खर्च करून पंपसंचासाठी अनुदान वाटले जाईल. पेरणीयंत्र व पंपसंचासाठी राज्यात शेतकऱ्यांची निवड करण्याची प्रक्रिया यापूर्वीच सुरू झालेली आहे.

शेतकऱ्यांना हरभरा उत्पादन वाढीसाठी ३ लाख मीटर पाईप वाटपाची प्रक्रिया लवकरच सुरू होईल. लातूर जिल्ह्यात ३३ हजार मीटर तर उस्मानाबाद २२५०० मीटर, नांदेड १८००० मीटर तर यवतमाळमध्ये २३४०० मीटर पाईप वाटले जाणार आहेत. शेतकऱ्यांनी बीजप्रक्रियेनंतर हरभरा लागवड केल्यास फुले येण्याच्या टप्प्यात चांगले पाणी व्यवस्थापन केल्यास उत्पादन वाढण्याची शक्यता आहे, असे कृषी विभागाचे म्हणणे आहे.

बाजार टिकून असल्यामुळे पेरा वाढणार
खरिपात तुरीने फजिती केली. मात्र हरभऱ्याचे बाजार टिकून असल्यामुळेच शेतकऱ्यांचा कल यंदाही हरभरा लागवडीकडे आहे. याशिवाय भारतातून हरभरा निर्यात सुरू करता येते का; तसेच विदेशी हरभरा आणि पिवळा वाटाणा आयात कशी रोखता येईल यासाठी केंद्र सरकारच्या पातळीवर धोरणात्मक बदलासाठी हालचाली सुरू आहेत. तसे झाल्यास हरभरा बाजारपेठेची स्थिती मजबूत राहू शकते, असे अभ्यासकांचे म्हणणे आहे.

 

इतर अॅग्रो विशेष
पूर्व विदर्भासह नागपूरपर्यंत रिमझिम...नागपूर : आंध्रप्रदेशात चक्रीवादळ दाखल झाल्याचा...
दुष्काळीशी सामना करण्यासाठी...पंढरपूर, जि. सोलापूर :  राज्यात यंदा...
पेथाई चक्रीवादळ आंध्रच्या किनारपट्टीला... किनारपट्टीय भागात जनजीवन विस्कळीत जमीन खचून...
उसाला पूरक शर्कराकंदसाखरेचा वाढलेला उत्पादन खर्च, वाढलेले उत्पादन,...
राजकीय अन् आर्थिक उत्पाताची नांदीअखेर रिझर्व्ह बँकेचे गव्हर्नर ऊर्जित पटेल ...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...
कृषी विद्यापीठ संत्रा बाग छाटणी सयंत्र...नागपूर ः संत्रा छाटणी सयंत्राला संत्रा...
ऊसबिल थकल्याने कोलमडले अर्थकारणकोल्हापूर : दक्षिण महाराष्ट्रात तोडणी झालेल्या...
केंद्राचा अन्नधान्य उत्पादनाचा 'कृषी...पुणे: अन्नधान्य उत्पादनात देशात सर्वांत चांगली...
कापूस उत्पादन ३४० लाख गाठी होणारमुंबई  ः देशातील महत्त्वाच्या कापूस उत्पादक...
कृषी विद्यापीठ देणार सेंद्रिय कापसाचा...नागपूर ः सेंद्रिय अन्नधान्यासोबतच येत्या काही...
पेथाई चक्रीवादळ आज धडकणारपुणे : बंगालच्या उपसागरात घोंगावत असलेल्या ‘पेथाई...
कापूस उत्पादकतेत महाराष्ट्र मागेजळगाव : कापूस उत्पादकतेमध्ये राज्य मागील चार...
मराठवाड्यातील पाणीसाठ्यांत झपाट्याने घटऔरंगाबाद : मराठवाड्यातील ८६८ प्रकल्पांतील...
धोत्रे यांची शेती देते हजार रुपये रोजफळबाग, आंतरपिके, भाजीपाला पिके यांच्या बहुविध...
साखर विक्री मूल्य ३१ रुपये करण्यासाठी...पुणे : राज्यातील ऊस उत्पादक शेतकऱ्यांना एफआरपी...
खरीप, केळी पीकविम्याच्या परताव्यापासून...जळगाव  : प्रधानमंत्री खरीप पीकविमा योजनेत...
खोजेवाडीत लोकसहभागातून जनावरांची छावणीनगर : दुष्काळाने होरपळ होत असलेल्या भागात शासनाने...
जमीन सुपीकता, नियोजनातून साधली शेतीमांजरी (जि. पुणे) येथील माधव आणि सचिन हरिलाल घुले...
मोकळ्या माळरानावर हिंडवतूया...चारा द्या...सांगली ः दूध इकून दौन पैकं मिळत्याती म्हणून...