agriculture news in marathi, Attention to US-China talk of cotton industry | Agrowon

कापूस उद्योगाचे अमेरिका-चीनच्या चर्चेकडे लक्ष
चंद्रकांत जाधव
शुक्रवार, 11 जानेवारी 2019

जळगाव : चीन व अमेरिकेत मागील नऊ महिन्यांपासून सुरू असलेले व्यापार युद्ध समाप्त होण्याचे संकेत या दोन्ही देशांमध्ये सुरू असलेल्या चर्चेमुळे मिळत आहेत. याच वेळी आंतरराष्ट्रीय कापूस बाजारासंबंधीच्या न्यूयॉर्क वायदामध्ये कापूस दरात सुधारणा झाली असून, कापूस दर ७३.४१ सेंटवर पोचले आहेत. भारतीय चलनानुसार ३५० रुपयांची वाढ या बाजारात कापसासंबंधी मागील दोन दिवसांत झाली आहे. चीन व अमेरिकेतील या चर्चेतून काय सकारात्मक बाबी मिळतात, याकडे शेतमाल प्रक्रिया, कापसाशी संबंधित जगभरातील उद्योजक, व्यापारी मंडळीचे लक्ष लागून आहे. 

जळगाव : चीन व अमेरिकेत मागील नऊ महिन्यांपासून सुरू असलेले व्यापार युद्ध समाप्त होण्याचे संकेत या दोन्ही देशांमध्ये सुरू असलेल्या चर्चेमुळे मिळत आहेत. याच वेळी आंतरराष्ट्रीय कापूस बाजारासंबंधीच्या न्यूयॉर्क वायदामध्ये कापूस दरात सुधारणा झाली असून, कापूस दर ७३.४१ सेंटवर पोचले आहेत. भारतीय चलनानुसार ३५० रुपयांची वाढ या बाजारात कापसासंबंधी मागील दोन दिवसांत झाली आहे. चीन व अमेरिकेतील या चर्चेतून काय सकारात्मक बाबी मिळतात, याकडे शेतमाल प्रक्रिया, कापसाशी संबंधित जगभरातील उद्योजक, व्यापारी मंडळीचे लक्ष लागून आहे. 

मागील दोन दिवस (ता. ८ व ९) व्यापार युद्ध चर्चा अमेरिकेतील वॉशिंग्टनमध्ये झाली आहे. गुरुवारी (ता. १०) या चर्चेचा तिसरा दिवस होता. व्यापार युद्धामुळे अमेरिकेच्या कापसासह इतर शेतमाल व उत्पादनांच्या बाजाराला फटका बसला आहे. तर, चीनलाही फटका बसला असून, कापड, स्टील यांसंबंधी निर्यातीवर प्रतिकूल परिणाम झाला आहे. चीनच्या चलनाचे मागील तीन-चार महिन्यांत १० टक्‍क्‍यांनी, तर तुर्कीच्या चलनाचे पाच टक्‍क्‍यांनी अवमूल्यन झाले आहे.

पाकिस्तानला एक डॉलर १४२ रुपयांत पडत आहे. अशा सगळ्या स्थितीत जगभरातील कापूस आयातदार देशांसमोर चीन व अमेरिकेतील व्यापार युद्धामुळे अडचणी उभ्या ठाकल्याने मोठी पडझड मध्यंतरी न्यूयॉर्क वायदामध्ये झाली. भारतासारख्या प्रमुख कापूस निर्यातदार देशातही उत्पादन कमी झालेले असताना, हवी तशी कापूस दरवाढ निर्यात रखडत सुरू असल्याने झालेली नाही. परंतु, मागील दोन दिवसांत जशी चीन व अमेरिकेतील अधिकाऱ्यांमध्ये व्यापारासंबंधी चर्चा सुरू झाली, तशी न्यूयॉर्क वायदामध्ये सुधारणा झाल्याची माहिती जाणकारांनी दिली. 

भारतात मात्र दर स्थिर
न्यूयॉर्क वायदामध्ये कापूस बाजारात सुधारणा झालेली दिसत असली, तरी याचा सकारात्मक परिणाम भारतीय कापूस बाजारात दिसत नाही. भारतीय कापूस बाजार स्थिर असून, खंडीचे दर (३५६ किलो रुई) ४२५०० व ४३५०० रुपयांवर स्थिर आहेत. कापसाचे दरही स्थिर आहेत. या महिन्यात कापूस गाठींची बाजारातील आवक वाढली आहे. सूत निर्यातीला हवी तशी चालना नसल्याने बाजारावर दबावाची स्थिती असल्याचे सांगण्यात आले.  

भारतात उत्पादन घटीचा नवा अंदाज
नुकतीच कॉटन असोसिएशन ऑफ इंडियाची वार्षिक सर्वसाधारण सभा मुंबई येथील कॉटन ग्रीन स्टेशननजीकच्या कॉटन बिल्डिंगमध्ये झाली. यात असोसिएशनने कापूस उत्पादनासंबंधी नवा अंदाज व्यक्त केला असून, उत्पादन घटीची चिंता व्यक्त केली. ३३५ लाख गाठींचे (एक गाठ १७० किलो रुई) उत्पादन यंदा हाती येईल. पण, गाठींची गरजही काहीशी कमी होईल. भारतात कापसाची उत्पादकता वाढावी, अशी अपेक्षा  असोसिएशनने व्यक्त केल्याची माहिती खानदेश जिनींग प्रेसिंग कारखानदार असोसिएशनचे माजी अध्यक्ष अरविंद जैन यांनी दिली. 

अमेरिका व चीनमध्ये मागील दोन दिवस व्यापारासंबंधी चर्चा सुरू आहे. यातून काय सकारात्मक कापूस उद्योगाला मिळाले, हे तूर्त सांगणे कठीण आहे. सुताची हवी तशी निर्यात सध्या होत नसल्याने बाजारात दबाव आहे. 
- राजाराम दुल्लभ पाटील, कार्यकारी संचालक, लोकनायक जयप्रकाश नारायण सहकारी सूतगिरणी, शहादा 
(जि. नंदुरबार)

चीन व अमेरिकेतील व्यापार युद्ध मागील आठ-नऊ महिन्यांपासून सुरू आहे. याचा परिणाम दोन्ही देशांच्या शेतमाल आयात-निर्यातीवर झाला असून, उद्योगाला मोठा फटका बसत आहे. परंतु, या दोन्ही देशांमध्ये मागील दोन दिवस वॉशिंग्टनमध्ये सकारात्मक चर्चा झाली असून, यामुळे कापसासंबंधी न्यूयॉर्क वायदामध्ये काहीशी उसळी दिसत आहे. ही चर्चा गुरुवारीही (ता.१०) सुरू होती. ती पुढेही सुरू राहील, असे मला वाटते. 
- दिनेश हेगडे, 
कापूस निर्यातदार, मुंबई

इतर अॅग्रोमनी
सेंद्रिय उत्पादनातून आठ वर्षात तीन...आधी शिक्षण, बहुराष्ट्रीय बॅंकेतील नोकरी यामुळे...
सुधारित जोडओळ पद्धतीमुळे कपाशीतून...सोगोडा (जि. बुलढाणा) येथील विजय पातळे या कपाशी...
कापसाच्या निर्यात मागणीत वाढीची शक्यताया सप्ताहात गेल्या सप्ताहाच्या तुलनेने सोयाबीन व...
कापूस, हळद, हरभऱ्याच्या भावात वाढया सप्ताहात गेल्या सप्ताहाच्या तुलनेने मका,...
बांबू व्यापाराला चांगली संधीयेत्या काळात राज्यातील बांबूचा व्यापार वाढवायचा...
भारतातील पाच कडधान्यांच्या हमीभावावर...वॉशिंग्टन : भारतात पाच कडधान्यांना दिल्या...
भारतीय चवीच्या चॉकलेटची वाढती बाजारपेठकार्तिकेयन पलानीसामी आणि हरीश मनोज कुमार या दोघा...
सुधारित पट्टापेर पद्धतीने वाढले एकरी ३१...पारंपरिक पद्धतीने सोयाबीन तूर हे आंतरपीक अनेक...
चीन, अमेरिकेचे कापूस उत्पादन पुढील...जळगाव : देशात ३१ जानेवारीअखेर सुमारे १८० लाख...
कापूस, गवार बी आणि हरभऱ्याचे भाववाढीचे...या सप्ताहात गेल्या सप्ताहाच्या तुलनेने साखर वगळता...
हरभरा निर्यात, स्थानिक मागणीत वाढ या सप्ताहात गेल्या सप्ताहाच्या तुलनेने मका व गहू...
सीताफळाच्या मूल्यवर्धनातून घेतला...`उद्योगाच्या घरी, रिद्धीसिद्धी पाणी भरी`, अशी...
कापसाच्या भावात घसरणया सप्ताहात गेल्या सप्ताहाच्या तुलनेने गहू वगळता...
हलव्याच्या कार्यक्रमाने अर्थसंकल्पाची...नवी दिल्ली : नवीन वर्षाची सुरवात झाली की...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
कृषिमालाच्या मूल्यवर्धनालाच खरे भविष्य...२०१८ मध्ये डॅनफॉस इंडिया या कंपनीने उत्तम असा...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
हरभऱ्याला वाढती मागणी या सप्ताहात गेल्या सप्ताहाच्या तुलनेने कापूस, गहू...
भात निर्यातीसाठी मागणीबरोबरच भूराजकीय...भारतीय भात निर्यातदारांच्या वाढीसाठी जागतिक...
मका, साखर, हळदीच्या भावात घसरणया सप्ताहात गेल्या सप्ताहाच्या तुलनेने सोयाबीन...