औरंगाबाद : माॅन्सूनच्या राज्यातील आगमनानंतर सलग चौथ्या दिवशीच्या सकाळपर्यंत मराठवाड्यातील जवळपास ३८ तालुक्‍यांत पावसाची दमदार बॅटिंग सुरू आहे. सोमवारी (ता. ११) सकाळपर्यंत मराठवाड्यातील जालना, परभणी व नांदेड जिल्ह्यातील २५ मंडळांत जोरदार पाऊस झाला. यामधील तब्बल २१ मंडळे एकट्या नांदेड जिल्ह्यातील आहेत. नांदेड जिल्ह्यातील आठ तालुक्‍यांत सरासरी ५० ते ९२ मिलिमीटरपर्यंत पावसाची नोंद झाली आहे.
जोरदार पाऊस झालेल्या मराठवाड्यातील ४० तालुक्‍यांत जालना जिल्ह्यातील दोन, परभणीमधील सात, हिंगोलीतील तीन, नांदेडमधील सोळा, बीडमधील तीन, लातूरमधील सहा; तर उस्मानाबादमधील एका तालुक्‍याचा समावेश आहे. औरंगाबाद जिल्ह्याकडे मात्र तूर्त पावसाची पाठ असल्याचेच चित्र आहे. जालना जिल्ह्यातील परतूर तालुक्‍यात सरासरी ५२. ४० मिलिमीटर पाऊस झाला. त्यापाठोपाठ मंठा तालुक्‍यात ३३ मिलिमीटर तर जालना तालुक्‍यात ११.६८ मिलिमीटर पावसाची नोंद झाली.
जालना तालुक्‍यातील विरगाव मंडळात ६५ मिलिमीटर पाऊस पडला. परभणी जिल्ह्यातील परभणी तालुक्‍यात सरासरी २८.२५ मिलिमीटर, पालम १२, पुर्णा ५१, सोनपेठ २६, सेलू ३०.४०, पाथरी १८.६७, जिंतूर २७.८३ तर मानवत तालुक्‍यात सरासरी ५२. ३३ मिलिमीटर पाऊस झाला. परभणीतील ताडकळस मंडळात ८१ मिलिमीटर, देऊळगाव ७० तर मानवत मंडळात ७५ मिलिमीटर पावसाची नोंद झाली. हिंगोली जिल्ह्यातील कळमनुरी तालुक्‍यात १४ मिलिमीटर, वसमत ३६.४३ तर औंढा नागनाथ तालुक्‍यात २६ मिलिमीटर पावसाची नोंद झाली. बीड जिल्ह्यातील अंबाजोगाई तालुक्‍यात सरासरी १८.६० मिलिमीटर, माजलगाव १६.६७, परळी तालुक्‍यात सरासरी २७.८० मिलिमीटर पाऊस झाला. लातूर जिल्ह्यातील रेणापूर तालुक्‍यात २६.७५, उदगीर १८.२९, चाकूर ३९.२०, जळकोट १२.५०, देवणी तालुक्‍यात ४२.६७, शिरूर अनंतपाळ तालुक्‍यात सरासरी १७ मिलिमीटर पाऊस पडला. भूम तालुक्‍यात सरासरी २१.६० मिलिमीटर, वाशी तालुक्‍यात १२ मिलिमीटर पावसाची नोंद झाली.
नांदेड जिल्ह्यात धुव्वाधार पाऊस नांदेड जिल्ह्यातील मुखेड, देगलूर व किनवट तालुक्‍यातील हलका ते मध्यम पाऊस वगळता उर्वरित तालुक्‍यात चांगला पाऊस झाला. जिल्ह्यातील ८० मंडळांपैकी २१ मंडळांत पावसाची बॅटिंग जोरदार राहिली. नांदेड शहर मंडळात ९० मिलिमीटर, विष्णुपुरी ७३, वसरणी ६५, वजीराबाद ९५, नांदेड ग्रामीण ७३, तरोडा ९०, लिंबगाव ७८, मुदखेड ८०, मुगट ९०, बारड ७८, भोकर ८७, किनी १०४, मोघाळी ९५, मातूळ ८५, उमरी.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.