औरंगाबादेत हिरवी मिरची ३८०० ते ४००० रुपये प्रतिक्विंटल

औरंगाबाद : येथील कृषी उत्पन्न बाजार समितीमध्ये शनिवारी (ता. १५) हिरव्या मिरचीची ११३ क्विंटल आवक झाली. तिला ३८०० ते ४००० रुपये प्रतिक्विंटलचा दर मिळाल्याची माहिती बाजार समीतीच्या सूत्रांनी दिली.

औरंगाबाद बाजार समितीमध्ये शनिवारी ५८२ क्विंटल कांद्याची आवक झाली. त्यास ५०० ते १३०० रुपये प्रतिक्विंटलचा दर मिळाला. फ्लॉवरची आवक ११० क्विंटल, तर दर १००० ते २५०० रुपये प्रतिक्विंटल राहिले. ११३ क्विंटल आवक झालेल्या टोमॅटोचे दर १५०० ते ३३५० रुपये प्रतिक्विंटलचा दर मिळाला. वांग्याची आवक २० क्विंटल, तर दर १००० ते १५०० रुपये प्रतिक्विंटल राहिले. १५ क्विंटल आवक झालेल्या गवारीला ३००० ते ५००० रुपये प्रतिक्विंटलचा दर मिळाला. ७५ क्विंटल आवक झालेल्या काकडीला ७०० ते १२०० रुपये प्रतिक्विंटलचा दर मिळाला.

भेंडीची ४१ क्विंटल आवक झाली. तिला १००० ते ३००० रुपये प्रतिक्विंटलचा दर मिळाला. १२८ क्विंटल आवक झालेल्या पत्ताकोबीला ८०० ते १२०० रुपये प्रतिक्विंटलचा दर मिळाला. लिंबाची २७ क्विंटल आवक झाली. त्यास २००० ते ३५०० रुपये प्रतिक्विंटलचा दर मिळाला. ४९ क्विंटल आवक झालेल्या शेवग्याचे दर २५०० ते ३००० रुपये प्रतिक्विंटल राहिले. २१२ क्विंटल आवक झालेल्या आंब्याचे दर ३७०० ते ६००० रुपये प्रतिक्विंटल राहिले.

दुधी भोपळ्याची २० क्विंटल आवक झाली. त्यास ५०० ते ९०० रुपये प्रतिक्विंटलचा दर मिळला. ३२ क्विंटल आवक झालेल्या ढोबळ्या मिरचीचे दर ३००० ते ३५०० रुपये प्रतिक्विंटल राहिले. कारल्याची आवक १२ क्विंटल, तर दर १५०० ते २५०० रुपये प्रतिक्विंटल राहिले. ५ हजार जुड्यांची आवक झालेल्या मेथीला ५०० ते ९०० रुपये प्रतिशेकड्याचा दर मिळाला. १७ हजार जुड्यांची आवक झालेल्या कोथिंबिरीचे दर ६०० ते ९०० रुपये प्रतिक्विंटल राहिल्याची माहिती बाजार समितीच्या सूत्रांनी दिली.