agriculture news in Marathi, average rate for banana from four months, Maharashtra | Agrowon

केळीला चार महिन्यांपासून चांगला दर
टीम अॅग्रोवन
शनिवार, 3 मार्च 2018

केळीची जशी मागणी उत्तरेकडून कायम आहे. तशी कमी गुणवत्तेच्या केळीला मुंबई, कल्याण भागांतून मागणी आहे. सावदा येथून अलीकडे बॉक्‍समध्ये भरलेली केळी अधिक प्रमाणात उत्तरेकडे पाठविली जात आहे. 
- सुधाकर चव्हाण, केळी व्यवसायातले जाणकार

जळगाव ः जिल्ह्यातील केळी उत्पादकांना मागील चार महिन्यांपासून केळीचे बऱ्यापैकी दर मिळत असून, गुणवत्तापूर्ण उत्पादनामुळे निर्यातीलाही चालना मिळाली आहे. मागील चार महिने चांगल्या दर्जाच्या केळीला एक हजार रुपये प्रतिक्विंटलचा दर मिळाला आहे. उत्तरेकडील राज्यांमधून मागणी कायम असल्याने होळी व रंगाचा उत्सव असतानाही सावदा व चोपडा येथे केळीची खरेदी सुरूच आहे. 

होळी किंवा धूलिवंदनाचा उत्साह उत्तरेकडील राज्यांमध्ये अधिक असतो. या काळात पंजाब, दिल्ली, उत्तर प्रदेश, मध्य प्रदेश, जम्मू येथून केळीची मागणी नसते. सावदा, चोपडा व पाचोरा भागांतील केळी खरेदीदारांना चार-पाच दिवस व्यवहार बंद ठेवावे लागत होते. परंतु यंदा मात्र अनेक वर्षांनंतर होळीच्या काळातही सावदा (ता. रावेर) व चोपडा येथील केळी व्यापाऱ्यांना केळीची कापणी व इतर व्यवहार सुरू ठेवावे लागले. 

केळी निर्यात देशांतर्गत बाजारपेठे मागील चार महिने कायम राहिली आहे. सावदा येथून जानेवारी व फेब्रुवारीमध्ये प्रतिदिन सरासरी सहा हजार क्विंटल केळीची निर्यात उत्तरेकडील राज्यांमध्ये झाली. काही व्यापाऱ्यांना पश्‍चिम बंगाल व बिहारपर्यंत केळी पाठविण्याच्या ऑर्डरही मिळाल्या होत्या. सध्या आगाप नवती, पिलबाग यांची रावेर, चोपडा, पाचोरा, जामनेर भागांत कापणी सुरू झाली आहे.

जळगाव व यावलमधील कांदेबाग संपत आले असून, दर्जेदार केळीचा पुरवठा कमी झाला आहे. परंतु आगाप नवती रावेरातून सुरू झाल्याने तुटवड्याची समस्या मागील १० ते १२ दिवसांत दूर होण्यास मदत झाली आहे.

केळी खरेदी जोरात
रावेरनजीकच्या बऱ्हाणपूर (मध्य प्रदेश) येथील व्यापाऱ्यांनी ऑन देऊन मुक्ताईनगर तालुक्‍यातील कर्की, दुई, अंतुर्ली, चांगदेव आदी तापीकाठालगतच्या भागातून केळीची खरेदी सुरूच ठेवली असून, सावदा व चोपडा, पाचोरा भागांतील व्यापाऱ्यांसमोर स्पर्धाही वाढली आहे. केळीचा सुरळीत पुरवठा व्हावा, यासाठी दिल्ली येथील व्यापाऱ्यांनी सावदा येथे भेट देऊन मध्यस्थांना आगाऊ रक्कम वितरणासाठी मदत केल्याची माहिती मिळाली. चोपडा येथील सुमारे १२ केळी व्यापाऱ्यांकडून शिरपूर, शिंदखेडा (जि. धुळे) भागातूनही केळीची खरेदी सुरू झाली आहे. सध्या मुबलक व अधिक गुणवत्तापूर्ण केळी रावेर, यावल व चोपडा भागात अधिक आहे. पाचोरा तालुक्‍यातही चांगली केळी असून, व्यापाऱ्यांनी केळी उत्पादकांकडे आगाऊ नोंदणीही करून ठेवली आहे, असे सांगण्यात आले. 

प्रतिक्रिया
यंदा केळीचे दर पाच सहा महिने स्थिर आहेत. पाच सहा वर्षांपूर्वी १४०० रुपयांपर्यंत दर गेले होते. पण त्यात मोठी घसरणही झाली होती. मागील पाच-सहा महिने असे काहीच झाले नाही. स्थिर दरांचा लाभ केळी उत्पादकांना चांगला होत आहे. जळगाव जिल्ह्यात एक हजार रुपये प्रतिक्विंटल व ऑन, असे चांगले दर मिळत आहेत. बऱ्हाणपूरचे दर काही वेळेस १२०० रुपयांवर असतात. 
- विकास महाजन, केळी उत्पादक, ऐनपूर (ता. रावेर, जि. जळगाव)

 

इतर अॅग्रो विशेष
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
कमतरतेनुसार सूक्ष्म अन्नद्रव्यांचा वापर...अलीकडे सूक्ष्म अन्नद्रव्यांची कमतरता अधिक...
पिंप्री गावाने कमावले लसूणघास शेतीत नाव पिंप्री (वळण) (ता. राहुरी, जि. नगर) हे गाव मुळा...
दुष्काळातही सुरती हुरड्याची  चवच काही...औरंगाबाद जिल्ह्यातील सारंगपूर येथील अरुण कडूबाळ...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...
नांदेड जिल्ह्यात कापूस उत्पादकता...नांदेड ः नांदेड जिल्ह्यात २०१८-१९ च्या खरीप...
नगरची लढत राहणार लक्षवेधीनगर : राज्याच्या सर्वाधिक लक्ष असलेल्या नगर (...
रब्बी पीकविम्याला बोगस प्रकरणांचे ग्रहणमुंबई ः २०१८-१९ च्या रब्बी हंगामात पंतप्रधान...
सहा कारखान्यांची धुराडी थंडावलीऔरंगाबाद  : मराठवाडा व खानदेशातील पाच...