बुलडाण्यात शेतकऱ्यांना पीककर्ज देण्यास बँकांकडून टाळाटाळ

माझे खाते बँक अाॅफ महाराष्ट्रच्या बावनबीर शाखेत अाहे. माझ्याकडे व्याजासह ५९ हजार रुपये पीककर्ज होते. मला कर्जमाफी मिळाली. मात्र ती देताना बँकेने २४५२ रुपये भरायला सांगितले. तसेच अाता तुमच्या गावातील बॅंकेतून पीककर्ज घेण्यास सांगितले. गावात असलेल्या ग्रामीण बँकेत गेलो, तर त्यांनी तुम्ही तुमच्या मूळ बँकेतूनच पीककर्ज घ्या, असे सुचविले. अाता अाम्ही शेतकऱ्यांनी नवीन बँकेतून कर्ज घेतले तर अामची पत नव्याने सुरू होईल. यातून माझ्यासारख्या अनेक शेतकऱ्यांचे नुकसान होणार अाहे. -श्रीकृष्ण ढगे, शेतकरी, वरवट बकाल, जि. बुलडाणा.
पीककर्ज वितरण
पीककर्ज वितरण
बुलडाणा ः कर्जमाफी झाली...काहींचे कर्ज खाते ‘नील’ झाले...काहींबाबत ही प्रक्रिया सुरू अाहे. ज्यांची खाती कर्जमुक्त झाली, असे शेतकरी अाता अापल्या मूळ शाखांकडे गेले असता या बँकांकडून पीककर्ज देण्यास टोलवाटोलवी केली जात अाहे. यामुळे शेतकऱ्यांची एेन हंगामाच्या तोंडावर चिंता वाढली अाहे.
 
याबाबत अधिक माहिती अशी, की जिल्हयात जिल्हा मध्यवर्ती बँक अवसायनात निघाल्यानंतर अनेक खातेदार शेतकऱ्यांची खाती ही एकाच शाखेकडे जास्त भार निर्माण होऊ नये, यासाठी विविध गावांतील राष्ट्रीयीकृत बँकांकडे वर्ग करण्यात अाली होती. या बँकांकडून शेतकरी नियमित व्यवहारासह पीककर्ज घेत होते. शासनाने कर्जमाफी केल्याने अनेक शेतकरी कर्जमुक्त झाले. त्यामुळे अागामी हंगामासाठी हे शेतकरी पुन्हा अापल्या बँकेत कर्ज मागणीसाठी गेले असता, या बँक शाखा प्रशासनाकडून शेतकऱ्यांना कर्ज देण्यास स्पष्ट नकार दिला जात अाहे.
 
वरवट बकाल येथील काही शेतकऱ्यांना बावनबीर येथील बँक अाॅफ महाराष्ट्रच्या शाखेत काही वर्षांपूर्वी वर्ग केलेले आहे. हे शेतकरी अाता कर्ज मागणीसाठी गेले तर त्यांना बँक अधिकाऱ्यांनी स्पष्ट नकार देत तुमच्या गावातील बँकेतून कर्ज घ्या, असे सांगितले.
 
हे शेतकरी गावातील ग्रामीण बँकेच्या शाखेत कर्ज मागणीसाठी गेले तर त्यांना येथील अधिकाऱ्यांनी असा काही नियम नसल्याचे सांगत तुम्ही जुन्याच बँकेतून कर्ज घ्या, असे सांगण्यात अाले. गावातील ग्रामीण बँकेतून कर्ज घ्यायचे तर या ठिकाणी हे शेतकरी नवीन खातेदार बनतील. त्यामुळे पीककर्ज मिळण्याची त्यांची पत अापोअाप कमी होईल, याची भीती शेतकऱ्यांना वाटत अाहे. एकूणच सध्या हा गोंधळ वाढत चालला अाहे.  
 
पीककर्ज घेण्यास शेतकऱ्यांना क्षेत्राचे बंधन नाही. रिझर्व्ह बँकेचे सर्क्युलर सगळ्यांना दिले. ग्रामीण बँकेत काही प्रमाणात अडचणी अाहेत. मात्र इतर बँकांना हे नियम लागू होत नाही. त्यांनी अापल्या ग्राहकांना प़ूर्वीप्रमाणे कर्ज द्यायलाच हवे. शेतकऱ्यांना ‘नो ड्युज’ सर्टिफिकेट देऊन टाळणे योग्य नाही, असे बँकेच्या एका वरिष्ठ अधिकाऱ्याने स्पष्ट केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com