माथाडी मंडळे बंद करणे हा आत्मघाती प्रकार

 पुणे : असंघटित कामगारांची संख्या दिवसेंदिवस वाढत असून, या कामगारांसाठी असणारी राज्यातील ३६ माथाडी मंडळे बंद करून शासन कायदा गुंडाळण्याचा प्रयत्न हा आत्मघाती प्रकार आहे. याला आमचा विराेध असून, २३ जानेवारीच्या कामगारांच्या मेळाव्यात शासनाच्या निर्णयाविराेधात आंदाेलनाची दिशा ठरविण्यात येणार आहे, अशी माहिती महाराष्ट्र राज्य हमाल मापाडी महामंडळाचे अध्यक्ष डॉ. बाबा आढाव यांनी शनिवारी (ता.२०) पत्रकार परिषदेमध्ये दिली.  या वेळी बाेलताना डॉ. आढाव म्हणाले, ‘‘राज्यस्तरावर एकच माथाडी मंडळ स्थापन करण्यासाठी सरकारने १७ जानेवारी शासन निर्णयाद्वारे समिती स्थापन केली. या समितीला तातडीने ३१ जानेवारीअखेर अहवाल सादर करण्याचे आदेश शासनाने दिले आहेत. मात्र या समितीमध्ये कामगार संघटनांच्या एकाही सदस्याची नियुक्ती करण्यात आलेली नाही. यामुळे हे सरकार माथाडी कायदा गुंडाळायला निघाले अाहे. याला आमचा विराेध आहे. असंघटित कामगारांना एकत्र आणत त्यांच्यासाठी १६६९ मध्ये कायदा बनविण्यात आला. हा कायदा बनविण्याच्या प्रक्रियेमध्ये मी हाेताे. हा कायदा विविध राज्यांनी स्वीकारला असताना, राज्य शासनाच्या वतीने हा कायदा माेडित काढण्याचा डाव करण्यात येत आहे. हे कामगारांच्या विराेधात आहे.’’ राज्यातील ३६ माथाडी मंडळे स्वायत्त असून, कामगारांच्या वेतनाचा काेणताही बाेजा सरकारवर नाही. असे असताना केवळ कामगार संघटना माेडित काढण्यासाठी प्रक्रिया निंदनीय आहे. सध्या पुणे माथाडी मंडळाकडे २०० काेटींपेक्षा, तर मुंबई माथाडी मंडळाकडे ५ हजार काेटींपेक्षा अधिकच्या ठेवी आहेत. असे असताना एकच मंडळ स्थापन करणे हे कामगारविराेधी असून, याच्याविराेधात आंदाेलन उभारण्यात येणार आहे. याचा निर्णय २३ जानेवारीच्या मेळाव्यात घेतला जाईल असेही डॉ. आढाव यांनी सांगितले. पत्रकार परिषदेला पदाधिकारी संताेष नांगरे, राजेंद्र चाेरघे, हनमंत बहिरट आदी उपस्थित हाेते.  २६ ला रॅली कामगार व अंगमेहनती कष्टकऱ्यांच्या विराेधातील धाेरणांचा निषेध आणि संविधान बचाव रॅलीसाठी २६ जानेवारी राेजी डॉ. बाबा आढाव यांच्या अध्यक्षतेखाली पुणे-मुंबई दुचाकी रॅली काढण्यात येणार असल्याचेही कामगार युनियनचे जनरल सेक्रेटरी संताेष नांगरे यांनी सांगितले.