कीड-रोग सर्वेक्षकांच्या लढ्यात बच्चू कडू उतरले

कीड-रोग सर्वेक्षकांच्या लढ्यात बच्चू कडू उतरले
कीड-रोग सर्वेक्षकांच्या लढ्यात बच्चू कडू उतरले

पुणे : राज्यातील १२०० कीड-रोग सर्वेक्षकांनी विविध मागण्यांसाठी सुरू केलेल्या लढ्यात आता आ. बच्चू कडू यांनीदेखील उडी घेतली आहे. महाराष्ट्र राज्य तांत्रिक कृषी कीडरोग सर्वेक्षक संघटनेने मंत्रालयासमोर २ मे रोजी आंदोलन करण्याचा निर्णय घेतला आहे.  ‘क्रॉपसॅप’ अर्थात ‘कीडरोग सर्वेक्षण व सल्ला प्रकल्प’ केंद्र सरकारच्या पातळीवर चर्चेचा ठरला होता. प्रकल्प केवळ ठेकेदारांचे खिसे भरण्याचा प्रकार आहे, असा आरोप सर्वेक्षकांनी केला आहे. सर्वेक्षकांनी दोन वर्षांसाठी विधिमंडळावर मोर्चा काढला असता कृषिमंत्री पांडुरंग फुंडकर यांनी सर्वेक्षकांच्या मागण्या मान्य केल्या, मात्र केले काहीच नाही. आ. कडू यांनी आता कृषिमंत्र्यांना पत्र पाठवून सर्वेक्षक संघटनेचे अध्यक्ष यशवंत शेंडगे यांना पाठिंबा दिला आहे. सर्वेक्षकांनी विविध आंदोलने छेडली आहेत. आता ते आत्मत्याग आंदोलनाच्या तयारीत आहेत. त्यामुळे याबाबत कृषी विभागाने १ मे रोजी तातडीची बैठक आयोजित करावी, अशी लेखी मागणी आ. कडू यांनी केली आहे. तथापि, या मागणीला कृषी विभागाने केराची टोपली दाखविली आहे.  दुसऱ्या बाजूला लातूरच्या कृषी सहसंचालकांनी ठेकेदारांची चौकशी करण्याचे सोडून महाराष्ट्र राज्य तांत्रिक कृषी कीडरोग सर्वेक्षक संघटनेचे अध्यक्ष शेंडगे यांच्याविरोधात कामचुकारपणाचा अहवाल पाठविला आहे. भ्रष्टाचाराच्या दलदलीत फसलेल्या कृषी विभागाने शेतकऱ्यांची मुले असलेल्या कीडरोग सर्वेक्षकांच्या समस्यांकडे आस्थेने पाहावे. ठेकेदार सोडून आम्हाला आरोपीच्या पिंजऱ्यात उभे करण्याचा प्रयत्न केल्यास सर्वेक्षक स्वस्थ बसणार नाहीत, असा इशारा श्री. शेंडगे यांनी दिला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com