बोंड अळी-कापूस नुकसानप्रश्नी मूर्तिजापूर बंद

अकोला ः कपाशीवर बोंड अळीचा प्रादुर्भाव झाल्याने शेतकऱ्यांचे अतोनात नुकसान झाले अाहे. याप्रश्नी लक्ष वेधण्यासाठी शिवसेनेचे गेल्या तीन दिवसांपासून बेमुदत उपोषण सुरू असून, काही उपोषणकर्त्यांची प्रकृती खालावली अाहे. या अांदोलनाच्या समर्थनार्थ गुरुवारी (ता. ३०) मूर्तिजापूरमध्ये बंद पाळण्यात अाला. याशिवाय शिवसेना कार्यकर्त्यांनी उपविभागीय कार्यालयावर मोर्चा काढून निवेदन दिले.  जिल्ह्यात बोंड अळीमुळे कपाशीच्या पिकाचे अतोनात नुकसान झाले अाहे. याप्रश्नी शिवसेनेच्या पदाधिकाऱ्यांनी २८ नोव्हेंबरपासून बेमुदत उपोषण सुरू केले. बुधवारी (ता. २९) जिल्हा अधीक्षक कृषी अधिकाऱ्यांनी भेट देऊ उपोषण मागे घेण्याबाबत अांदोलकांना विनंतीही केली; मात्र अांदोलक अापल्या मागण्यांवर ठाम राहिले. त्यांनी शेतकऱ्यांना तत्काळ मदत मिळावी, तालुका दुष्काळग्रस्त जाहीर केला जावा अादी मागण्या मान्य होईपर्यंत अांदोलन सुरू ठेवण्याबाबत सांगितले.  शिवसेनेचा उपविभागीय कार्यालयावर मोर्चा 

गुरुवारी या अांदोलनाला पाठिंबा देण्यासाठी शिवसेनेच्या पुढाकाराने मूर्तिजापूर शहर बंद ठेवण्यात अाले. बंदचा नागरिकांना कुठलाही त्रास होऊ नये, म्हणून अत्यावश्यक सेवा सुरू ठेवण्यात अाली होती. बंदमध्ये व्यावसायिक प्रतिष्ठाने मात्र पूर्णवेळ बंद होती. 

बोंड अळी नुकसानग्रस्त शेतकऱ्यांना शासकीय मदत मिळावी व बीटी बियाणे कंपन्यांवर गुन्हे दाखल करावेत, अशी मागणी करत शहरातील शिवाजी चौकात येथे शिवसेना तालुकाप्रमुख अप्पू तिडके यांच्या नेतृत्वात बेमुदत उपोषण सुरू आहे. या ठिकाणापासून उपविभागीय कार्यालयावर मोर्चा नेण्यात अाला. उपविभागीय अधिकारी भागवत सैदांणे यांना निवेदन देण्यात अाले. ठाणेदार नितीन पाटील यांनी बंददरम्यान चोख बंदोबस्त ठेवला होता.