agriculture news in marathi, ballworm outbreak due to government's ignorance | Agrowon

शासनकर्त्यांच्या दुर्लक्षामुळेच बोंड अळीचा उद्रेक : कृषिमंत्री
टीम अॅग्रोवन
गुरुवार, 28 डिसेंबर 2017

अकोला : देशात बीटी कपाशीचा वापर सुरू झाल्यानंतर आयसीअायअारने शासनाला बोंड अळीबाबत वेळोवेळी अवगत केले. परंतु याकडे दुर्लक्ष केल्याने बोंड अळीच्या प्रादुर्भावाची यंदा भीषण परिस्थिती निर्माण झाली, अशी खंत कृषिमंत्री पांडुरंग फुंडकर व्यक्त केली.

डॉ. पंजाबराव देशमुख यांच्या ११९व्या जयंतीनिमित्त कृषीविद्यापिठात अायोजित ॲग्रोटेक २०१७ या प्रदर्शनाचे उद्‌घाटक म्हणून ते बोलत होते. या कार्यक्रमाच्या अध्यक्षस्थानी कुलगुरू डॉ. विलास भाले होते.

अकोला : देशात बीटी कपाशीचा वापर सुरू झाल्यानंतर आयसीअायअारने शासनाला बोंड अळीबाबत वेळोवेळी अवगत केले. परंतु याकडे दुर्लक्ष केल्याने बोंड अळीच्या प्रादुर्भावाची यंदा भीषण परिस्थिती निर्माण झाली, अशी खंत कृषिमंत्री पांडुरंग फुंडकर व्यक्त केली.

डॉ. पंजाबराव देशमुख यांच्या ११९व्या जयंतीनिमित्त कृषीविद्यापिठात अायोजित ॲग्रोटेक २०१७ या प्रदर्शनाचे उद्‌घाटक म्हणून ते बोलत होते. या कार्यक्रमाच्या अध्यक्षस्थानी कुलगुरू डॉ. विलास भाले होते.

या वेळी कार्यक्रमाला पालकमंत्री डॉ. रणजित पाटील, अामदार गोवर्धन शर्मा, हरीष पिंपळे, महापौर विजय अग्रवाल, शिक्षणविस्तार संचालक डॉ. मानकर, संशोधन संचालक डॉ. विलास खर्चे, कुलसचिव डॉ. कडू यांच्यासह विद्यापीठाचे वरिष्ठ शास्त्रज्ञ, विभागप्रमुख व इतर उपस्थित होते. सुरवातीला जयंतीनिमित्त पंजाबराव देशमुख यांच्या प्रतिमेचे पूजन करून अभिवादन करण्यात आले.   

श्री. फुंडकर पुढे  म्हणाले, २००२ मध्ये हे बीटी तंत्रज्ञान मोन्सँटोने भारतात अाणले व कंपन्यांसोबत करार करून शेतकऱ्यांपर्यंत पोवले. देशात बीटी २ अाल्यानंतर किडीचा प्रादुर्भाव अधिक वाढत गेला. यावर्षी तर बोंड अळीचा उद्रेक झाल्याने शेतकऱ्यांचे मोठे नुकसान झाले. बोंड अळीबाबत २००६ तसेच २०१३ मध्ये अवगत करण्यात अाले होते. मात्र त्याकडे लक्ष दिले नाही. अाजवर ज्या कंपन्यांनी लुटले त्या कंपन्यांना अापण सोडणार नाही. मोन्सॅटो, महिकोवर कारवाईसाठी धडक पाऊल उचलली अाहेत.

राज्यात ८ डिसेंबरला या कंपन्यांचे सर्वात मोठे गोदाम सील केले, कारवाई करण्यास अापण कचरलो नाही. तसेच शेतकऱ्यांना वाऱ्यावर न सोडता अार्थिक मदत जाहीर केल्याचे श्री. फुंडकर यांनी नमूद केले. तत्पूर्वी विद्यापीठाने विकसित केलेल्या दोन मोबाईल ॲपचे लोकार्पण तसेच विविध विभागांच्या पुस्तिकांचे प्रकाशन या वेळी झाले.

कुलगुुरू डॉ. विलास भाले म्हणाले, विद्यापीठाकडे असलेल्या कृषी विद्यालयांकडे मोठ्या प्रमाणात जमिनी अाहेत. या जमिनींवर अागामी काळात बीजोत्पादन केले जाईल. शेतकऱ्यांना लागणारे दर्जेदार बियाणे तेथेच उपलब्ध करून देऊ.

माजी कुलगुरूंवर टीका

पंजाबराव देशमुख कृषी विद्यापीठाचे माजी कुलगुरू डॉ. रविप्रकाश दाणी यांच्या कारभारावर ताशेरे अोढत कृषिमंत्री फुंडकर म्हणाले, त्यांच्या सहा वर्षांच्या कार्यकाळात विद्यापिठाचे मोठे नुकसान झाले. त्यांनी अनेक बोगस प्रस्ताव अापल्याकडे सादर केले. मात्र अापण ते नामंजूर केले. त्यांना पदावरून काढण्यासाठी अापण चारवेळा राज्यपालांची भेट घेतली. ते जाणार नाही असे सांगत होते. परंतु अाम्ही त्यांना येथून घालवलेच, असेही फुंडकर यांनी सांगितले.

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...