agriculture news in marathi, ballworm responsibility of the government | Agrowon

बोंड अळीप्रश्नी जबाबदारी सरकारचीच
टीम अॅग्रोवन
बुधवार, 27 डिसेंबर 2017

नागपूर : बोंड अळीमुळे नुकसान झालेल्या शेतकऱ्यांना सरकारने स्वतःच्या खिशातून मदत द्यावी, अशी मागणी करीत पीकविमा, बियाणे कंपन्यांकडून नुकसानभरपाई मिळाल्यानंतर स्वतःकडे ठेवावी, ती जबाबदारी सरकारचीच असा सल्ला, स्वाभिमानी पक्षाचे राष्ट्रीय अध्यक्ष खासदार राजू शेट्टी यांनी दिला, तसेच राज्यात लहान पक्षांनी मोट बांधत तिसऱ्या आघाडीसाठी प्रयत्न केल्यास त्याला सहकार्य राहील. मात्र, नेतृत्वावरून साशंकता निर्माण होऊ नये, म्हणून पुढाकार घेणार नाही, असेही त्यांनी मंगळवारी (ता. २६) घेतलेल्या पत्रकार परिषदेत स्पष्ट केले.

नागपूर : बोंड अळीमुळे नुकसान झालेल्या शेतकऱ्यांना सरकारने स्वतःच्या खिशातून मदत द्यावी, अशी मागणी करीत पीकविमा, बियाणे कंपन्यांकडून नुकसानभरपाई मिळाल्यानंतर स्वतःकडे ठेवावी, ती जबाबदारी सरकारचीच असा सल्ला, स्वाभिमानी पक्षाचे राष्ट्रीय अध्यक्ष खासदार राजू शेट्टी यांनी दिला, तसेच राज्यात लहान पक्षांनी मोट बांधत तिसऱ्या आघाडीसाठी प्रयत्न केल्यास त्याला सहकार्य राहील. मात्र, नेतृत्वावरून साशंकता निर्माण होऊ नये, म्हणून पुढाकार घेणार नाही, असेही त्यांनी मंगळवारी (ता. २६) घेतलेल्या पत्रकार परिषदेत स्पष्ट केले.

विदर्भाच्या दौऱ्यावर असलेल्या खासदार शेट्टी यांनी ऑनलाइन अर्ज भरण्याच्या नावावर राज्य सरकार शेतकऱ्यांच्या भावनेचा खेळखंडोबा करीत असल्याचा आरोप केला. तसेच दोन वर्षांपूर्वी सोयाबीनसाठी जाहीर केलेल्या दोनशे रुपये मदत अद्याप मिळाली नाही. त्यामुळे बोंड अळीने नुकसानग्रस्त कापूसउत्पादकांना मदतीचा आकडा आकर्षक असला तरी तो कधी भेटणार? याबाबत त्यांनी शंका उपस्थित केली.

दरम्यान बियाणे कंपन्यांकडून नुकसानभरपाई मिळणार, असे सरकारने सांगितले. परंतु काही कंपन्या न्यायालयात गेल्या. याशिवाय अनेक शेतकऱ्यांनी पिकाचा विमा काढला नाही, त्यांचे काय?, एनडीआरएफकडून निधी मिळणार असल्याचे सांगितले, पण केंद्राची मंजुरी आहे काय? असा सवाल करीत त्यांनी सरकारने स्वतःच्या खिशातून शेतकऱ्यांना मदत द्यावी, त्यानंतर पीक विमा किंवा बियाणे कंपन्यांकडून मिळणारी रक्कम स्वतःकडे ठेवून घ्यावी, असे ते म्हणाले.

मोन्सेन्टो आदी कंपन्यांचे बियाणे वापरुनही बोंड अळीचा प्रादुर्भाव झाला. कापसाचे एकरी १५ क्विंटल नुकसान झाले, कंपन्यांकडून १५ क्विंटल कापसाची नुकसानभरपाई सरकारने वसूल करावी, असे ते म्हणाले. अन्यथा शेतकऱ्यांना भरपाई मिळवून देण्यासाठी जनआंदोलन करणार असल्याचे शेट्टी यांनी स्पष्ट केले.

दरम्यान शेतकऱ्यांना कर्जमाफीसंबंधातील तसेच उत्पादनाला हमी देण्यासंदर्भात संसदेत अशासकीय ठराव मांडणार असल्याचे ते म्हणाले. शेतकऱ्यांना कर्जमाफी व उत्पादनाला हमी भाव याबाबत कायदा तयार करण्यासाठी सर्वच राजकीय पक्षांकडे मदत मागणार आहे. यातून आता राजकीय पक्षांचे शेतकरी प्रेम बेगडी की खरे, हेही कळून चुकेल, असेही ते म्हणाले.

'लढल्याशिवाय प्रश्न सुटणार नाहीत'
सरकारने पामतेलाची आयात केली. त्यामुळे सोयाबीनचे दर पडले. हीच अवस्था उडीद, मूग आणि तूरडाळीची झाली. सरकारच्या अशा धोरणांविरुद्ध शेतकऱ्यांनी लढण्यासाठी सज्ज झाल्याशिवाय आपले प्रश्न सुटणार नाहीत, असे प्रतिपादन खासदार राजू शेट्टी यांनी मूर्तिजापूर येथे सोमवारी (ता. २५) आयोजित शेतकरी व शेतमजूर एल्गार मेळाव्यात केले. सरकारच्या धोरणामुळे शेतकऱ्यांच्या डोक्यावर कर्जाचा डोंगर वाढला. या कर्जाची जबाबदारी शेतकऱ्यांची नाही, तर सरकारची असल्याचे ते म्हणाले.

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...