सिंधुदुर्ग जिल्ह्यात होणार १४५१ हेक्टरवर बांबू लागवड

सिंधुदुर्ग : एमआरजीएस योजनेअंतर्गत फळझाड लागवडीव्यतिरिक्त आता बांबू लागवडीसही प्राध्यान देण्यात येणार आहे. जिल्हा स्तरावर त्यासंदर्भात नियोजन सुरू आहे. जिल्ह्यातील १४५१ हेक्टर क्षेत्रावर बांबू लागवड करण्यात येणार आहे. गेल्या काही वर्षांत बांबू लागवडीतून शेतकऱ्याला हमखास उत्पन्न मिळत आहे. 

एमआरजीएस योजनेतून आतापर्यंत जिल्ह्यात फळलागवड करण्यावर भर दिला गेला, परंतु गेल्या काही वर्षांत बदललेल्या वातावरणाचे फळलागवडीवर होणारे परिणाम प्रकर्षाने जाणवत आहेत. किफायतशीर ठरेल अशा बांबू लागवडीला आता प्राधान्य देण्याचा निर्णय प्रशासनाने घेतला आहे.

जिल्ह्यात १ हजार हेक्टर क्षेत्रात बांबू लागवड करण्यासाठी तालुकास्तरावरून प्रस्ताव मागविण्यात आले होते. शेतकऱ्यांकडून या योजनेला उत्स्फूर्त प्रतिसाद मिळाला. १४५१ हेक्टरवर बांबू लागवडीचे प्रस्ताव प्राप्त झाले. यामध्ये देवगड- १३६.१८ हेक्टर, वैभववाडी- १७५.४९ हेक्टर, कणकवली २४९.५२, मालवण १७५.२ हेक्टर, कुडाळ ३१७.३१, वेंगुर्ला ११९.२६, सावंतवाडी १६६.२७, दोडामार्ग १०२ हेक्टर अशाप्रकारे १४५१.२३ हेक्टरवर बांबू लागवड करण्याचे नियोजन करण्यात आले आहे.

तालुकानिहाय बांबू लागवडीचे नियोजन (हेक्टरमध्ये):