अकोटमधून इराणला ५० टन केळी निर्यात

अकोटमधून केळी निर्यात
अकोटमधून केळी निर्यात

अकोला : जिल्ह्यातील केळी निर्यातीने वेग घेतला असून या हंगामात अकोटमधून आतापर्यंत ५० टन केळी इराणला निर्यात करण्यात आली आहेत.

मागील वर्षात जिल्हा प्रशासन, अपेडा, निर्यातदार आणि शेतकऱ्यांमध्ये केळीच्या करार शेतीला सुरवात झाली. एका कंपनीच्या पुढाकाराने १०० एकरांत निर्यातक्षम केळी पिकाची लागवड झाली होती. त्यातून उत्पादित झालेला माल आता निर्यात होऊ लागला आहे. या हंगामात आतापर्यंत ५० टन केळी इराणला निर्यात करण्यात आली. शुक्रवारी (ता. ६) केळी घेऊन निघालेल्या कंटेनरला जिल्हाधिकारी आस्तिककुमार पांडेय यांनी हिरवा झेंडा दाखवला.

अकोट तालुक्‍यातील केळी मागील हंगामात इराकला पाठवण्यात आली होती. जिल्हा प्रशासनाने निर्यातक्षम केळी उत्पादनाला पाठबळ देण्यासाठी अपेडाच्या पुढाकाराने निर्यातदार कंपन्या व शेतकऱ्यांमध्ये करार केला. त्यानंतर १०० एकरांत पहिल्या टप्प्यात लागवड झालेल्या क्षेत्रातून केळीची निर्यात केली जाऊ लागली.

या वेळी अकोट तालुक्‍यात झालेल्या सोहळ्याच्या अध्यक्षस्थानी जिल्हाधिकारी आस्तिककुमार पांडेय होते. पणन मंडळाचे सहायक महाव्यवस्थापक श्री. साबळे, अपेडाचे प्रशांत वाघमारे, उपजिल्हाधिकारी अशोक अमानकर, उपविभागीय अधिकारी उदय राजपूत, तहसीलदार विश्‍वनाथ घुगे, नायब तहसीलदार राजेश गुरव, निर्यातदार मो. शकील मो. साजिद, श्रृती थेपाळे, नरनाळा फार्मर कंपनीचे पंजाबराव बोचे उपस्थित होते. मंडळ अधिकारी राजेश बोडखे यांनी कार्यक्रमाचे सूत्रसंचालन केले. कार्यक्रमाला केळी उत्पादक शेतकरी, महसूल विभागाचे अधिकारी व इतर उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com