agriculture news in marathi, banana rate increased, Maharashtra | Agrowon

केळी बाजार सावरला
चंद्रकांत जाधव
बुधवार, 12 सप्टेंबर 2018
  • ‘ॲग्रोवन’ने प्रसिद्ध केलेल्या केळी दरांबाबतच्या वृत्तमालिकेमुळे व्यापाऱ्यांनी ऑनचे दर अर्ली कांदेबाग केळीसंबंधी दिले. आमच्या २२ किलो रासच्या दर्जेदार कांदेबाग केळीला ११०० रुपयांपर्यंतचे दर सहज मिळत आहेत. 

- श्रीकांत पाटील, केळी उत्पादक, कठोरा, जि. जळगाव

जळगाव ः जिल्ह्यात दर्जेदार किंवा निर्यातक्षम केळीला १३०० रुपये प्रतिक्विंटलपर्यंतचे दर मिळाले आहेत. निर्यातक्षम केळीला २५० रुपये प्रतिक्विंटल, असे ऑनचे (जादा) दर मिळत आहे. पिलबाग केळीमधील कापणी जवळपास आटोपली आहे. यावल, मुक्ताईनगर, रावेरातून केळीचा पुरवठा कमी झाला आहे. केळीची जाहीर दरांपेक्षा कमी दरात खरेदी व व्यापाऱ्यांकडून पिळवणूक यासंबंधी ‘ॲग्रोवन’ने मागील महिन्यात प्रसिद्ध केलेल्या वृत्तमालिकेची दखल घेत दरांची काटेकोर अंमलबजावणीसंबंधी खरेदीदारांना सूचना देण्यात आल्या आहेत. यामुळे अर्ली कांदेबाग केळीला भावफरकही दिला जात आहे.

२५ किलो रासच्या केळीला प्रतिक्विंटल ११५० रुपयांपर्यंतचे दर मिळाले. मागील जून व जुलै महिन्याच्या तुलनेत केळीला अधिकचे दर मिळत आहेत. तर मागील वर्षाच्या तुलनेत यंदा स्थिती बरी असल्याचे शेतकऱ्यांचे म्हणणे आहे. जिल्हा प्रशासनाने बाजार समित्यांना दरांच्या काटेकोर अंमलबजावणीच्या सूचना दिल्या असून, संबंधित बाजार समित्यांच्या क्षेत्रात कमी दरात खरेदी झाल्याची तक्रार सिद्ध झाली तर कठोर कारवाईचे निर्देश देण्यात आले आहेत. यामुळे व्यापारी मंडळीने सावध भूमिका घेत जे दर जाहीर होत आहेत, ते भावफरकासह देण्यास सुरवात केली आहे.

कांदेबाग केळीला क्विंटलमागे १८ रुपये फरक मिळाला. ज्या शेतकऱ्यांच्या केळीची रास २५ पेक्षा अधिक मिळाली, त्यांना हे भावफरक अधिकचे मिळाले. काही व्यापाऱ्यांनी दर्जेदार केळीला भावफरकऐवजी २०० ते २५० रुपये जादा दर क्विंटलमागे दिले आहेत. 

मुक्ताईनगर (जि. जळगाव) तालुक्‍यातील अंतुर्ली भागातील केळी उत्पादकांना निर्यातक्षम केळीसंबंधी जादा दर मिळाले. तर जळगाव तालुक्‍यातील किनोद, कठोरा, भोकर भागातील २० ते २२ च्या रासच्या दर्जेदार केळीला भावफरक मिळाले. जादा दरांसह १३०० रुपये प्रतिक्विंटल या दरात केळीची विक्री झाली. पंजाब, दिल्ली व काश्‍मिर येथे या भागातून केळीची पाठवणूक झाली. क्रेटमध्ये केळी भरून वातानुकूलित यंत्रणा असलेल्या १५ टन क्षमतेच्या वाहनातून केळीची वाहतूक झाली.

पाचोरा, जळगाव भागातून ठाणे, कल्याण व पुणे भागात केळीची पाठवणूक झाली. यावल व मुक्‍ताईनगर तालुक्‍यांच्या तुलनेत सध्या चोपडा, जळगाव भागातून अर्ली कांदेबाग केळीची कापणी अधिक सुरू आहे. चोपडा, जळगाव व पाचोरा भागात मिळून प्रतिदिन १७० ट्रक (एक ट्रक १५ टन क्षमता) केळीचा पुरवठा झाला. तर रावेर, यावल व मुक्ताईनगर मिळून प्रतिदिन २०० ट्रक केळीचा पुरवठा झाला. 

छत्तीसगड, नागपूर, ठाणे, कल्याण, पुणे येथे पाठवणुकीच्या केळीला (लोकल) ८०० रुपयांपर्यंतचे दर मिळाले. जुनारी बागांमधून ही केळी उपलब्ध होत असून, तीदेखील पुढे कमी होईल. 

पिलबाग केळीला प्रतिक्विंटल ८४० रुपये दर मिळाले. पिलबाग केळीचे दर स्थिर होते. तर कमी दर्जाच्या किंवा जुनारी बागांमधील केळीला ५०० ते ६०० रुपये प्रतिक्विंटलचे दर मिळाले. सध्या सणासुदीचे दिवस आहेत. गणेशोत्सव, लागलीच नवरात्रोत्सव आहे. रावेर, यावलमधून केळीचा पुरवठा कमी होत आहे. पुढे दर्जेदार केळीचा तुटवडा काही दिवस राहू शकतो. त्यामुळे पाचोरा, भडगाव, जळगाव, चोपडा भागातील कांदेबाग केळीला चांगला उठाव राहील. दरवाढ होण्याची शक्‍यता आहे, असे बाजारपेठेतील जाणकारांचे म्हणणे आहे. 

दरात सुधारणा

  • लोकलच्या केळीला ८५० पासून दर
  • उत्तर भारतातून चांगली मागणी
  • निपाह विषाणूच्या अफवा दूर होऊन दरात सुधारणा
  • गतवर्षीच्या तुलनेत ऑनचे दर १०० रुपयांनी अधिक
  • एकाच क्षेत्रात १५ टन दर्जेदार केळी असल्यास ऑनचे दर २५० रुपयांपर्यंत
  • तांदलवाडी भागातील केळीची यंदा प्रथमच आखातात निर्यात
  • मध्य प्रदेशातील शहापूर, बऱ्हाणपूर, दापोरा, खोपनार, पातोंडी भागात निर्यातक्षम केळीला १४०० रुपये दर

प्रतिक्रिया
दर्जेदार केळीला यंदा ऑनचे दर अधिक आहेत. मागील वर्षाच्या तुलनेत स्थिती बरी आहे. रावेर, मुक्ताईनगरमधून केळीचा पुरवठा कमी झाला आहे. एकाच ठिकाणी १५ ते १६ टन निर्यातक्षम केळी उपलब्ध असली तर व्यापारी २५० रुपये क्विंटलमागे अधिक देत आहेत. १३०० रुपयांपर्यंतचे दर निर्यातक्षम केळीला आहेत. पुढे आणखी दरवाढ होईल, असे वाटते. 
- विकास महाजन, केळी उत्पादक, ऐनपूर, ता. रावेर, जि. जळगाव

 

 

इतर बातम्या
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
शेतकऱ्यांचा आंदोलनानंतर आत्मदहनाचा...राशीन, जि. नगर : कुकडीच्या आवर्तनाचा कालावधी...
सोलापुरात ‘स्वाभिमानी'चे उपोषणकर्ते...सोलापूर : गतवर्षीच्या हंगामातील थकीत एफआरपी...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
मुख्यमंत्री सौर कृषी वाहिनीद्वारे...परभणी : उच्चदाब वितरण प्रणाली योजनेअंतर्गत...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
दर घसरल्याने कोल्हापुरात उत्पादकांकडून...कोल्हापूर : येथील बाजार समितीत सौदे सुरू असताना...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
बुलडाण्यातील ८ तालुके, २१ मंडळांत...बुलडाणा : कमी पावसामुळे जिल्ह्यात सर्वत्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
थंडी वाढण्यास हवामान घटक अनुकूलमहाराष्ट्रावर १०१२ हेप्टापास्कल इतका हवेचा दाब...
दुष्काळी उपाययोजनांसाठी कोरड्या धरणात...बीड : मराठवड्यातील सर्वात तीव्र दुष्काळी...
परभणी जिल्ह्यात ३४ हजार ३९२ हेक्टरवर...परभणी : जिल्ह्यात यंदाच्या रब्बी हंगामात मंगळवार...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
नाशिक जिल्ह्यात ४० हजार क्विंटल...नाशिक : एप्रिल महिन्यापासून शिधापत्रिकाधारकांना...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...