बांगलादेशाकडून डाळिंबावर कर; प्रतिकिलोला द्यावे लागतात ५५ रुपये

बांगलादेशाकडून डाळिंबावर कर; प्रतिकिलोला द्यावे लागतात ५५ रुपये
बांगलादेशाकडून डाळिंबावर कर; प्रतिकिलोला द्यावे लागतात ५५ रुपये

सांगली : बांगलादेशने डाळिंबावर प्रतिकिलोस ५५ रुपये इतकी आयात कराची वाढ केली आहे. बांगलादेशाने वाढवलेले आयात कर कमी करण्यासाठी केंद्र सरकार कोणत्याच हालचाली करताना दिसत नाहीत. यामुळे त्यामुळे भारतातील डाळिंबाची निर्यात कमी होण्याची भीती डाळिंब उत्पादक शेतकऱ्यांच्यात निर्माण झाली आहे. आयात कर हा शेतकऱ्यांच्या खिशातून जात असल्याने डाळिंब उत्पादकांचे कंबरडे मोडले जाणार आहे.

भारतालगत असणाऱ्या बांगलादेशात डाळिंबाची मोठ्या प्रमाणात निर्यात होते. आज मितीस एकूण परदेशांत जाणाऱ्या डाळिंबापैकी केवळ अंदाजे ३० टक्के डाळिंबाची निर्यात फक्त बांगलादेशात होते. गेल्या दोन ते तीन वर्षांपूर्वी बांगलादेश डाळिंबाला प्रतिकिलोस ३० रुपये असा आयात कर आकारात होता. मात्र, गेल्या वर्षभरापासून आयात करात तब्बल २५ रुपये प्रतिकिलो वाढ केली आहे. यामुळे शेतकरी हतबल झाले आहेत. आयात कर वाढविल्याने डाळिंबाचे दर कमी झाले आहेत. राज्य सरकार व केंद्र सरकाने आयात कर कमी करण्यासाठी लक्ष घालावे, अशी मागणी डाळिंब उत्पादक शेतकरी करत आहेत.

आयात कर वाढल्याने डाळिंबाचे दर घसरले बांगलादेशाने आयात करामध्ये वाढ केली. त्याचा परिणाम डाळिंबाच्या दरावर झाला आहे. गेल्या वर्षी सरासरी २०० ते २१५ रुपये असणारा दर आज १०० ते ११५ रुपये इतका मिळू लागला आहे. परंतु अजूनही दर घसरण्याची भीती डाळिंब उत्पादक शेतकऱ्यांतून होते आहे. यामुळे आर्थिक गणिते कशी जुळवायची असा प्रश्‍न डाळिंब उत्पादक शेतकऱ्यांना पडला आहे. .... प्रतिक्रिया बांगलादेशने डाळिंबावर वाढवलेला आयात कर कमी करण्यासाठी केंद्र शासनाने व व्यापार मंत्रालयाने पुढाकार घेतला पाहिजे. तरच भारतातील डाळिंब उत्पादक शेतकऱ्यांना याचा अधिक फायदा होईल. - प्रभाकर चांदणे, अध्यक्ष, अखिल भारतीय डाळिंब संघ. बांगलादेशने आयात कर वाढविल्याने डाळिंब निर्यात कमी होण्याची भीती आहे. आयात कर कमी करण्यासाठी सरकारने बांग्लादेशावर दबाव टाकला पाहिजे. - आनंदराव पाटील, सांगली, जिल्हाध्यक्ष अखिल भारतीय डाळिंब उत्पादक संघ 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com