रुईच्या आधारे ठरवा कापसाचा दर

रुईच्या आधारे ठरवा कापसाचा दर
रुईच्या आधारे ठरवा कापसाचा दर

नागपूर : रुईच्या टक्‍केवारीनुसार कापसाला दर मिळावा, या संदर्भाने ‘ॲग्रोवन’मध्ये प्रकाशित वृत्तानंतर भारतीय कृषी संशोधन परिषदअंतर्गत असलेली पंचवार्षिक आढावा समितीद्वारे या संदर्भाने पाठपुरावा केला जाणार आहे. समितीचे अध्यक्ष तसेच माजी कुलगुरू डॉ. शरद निंबाळकर यांनी त्या संदर्भाने दुजोरा दिला.

भारतात कापसात रुईचे प्रमाण ३३ ते ३४ टक्‍के इतकेच गृहीत धरून कापसाला प्रती क्‍विंटल दर दिला जात आहे. जागतिकस्तरावर मात्र कापूस विकताना त्यातील रुईचे प्रमाण आधी निश्‍चित केले जाते त्याआधारे दर ठरविला जातो. त्यासाठी जिनींगची यंत्रणा अनेक देशांमध्ये उभारली गेली आहे. सद्यस्थितीत भारतीय कापूस वाणात ३६ ते ३७ टक्‍के रुईचे प्रमाण आहे. परंतु, बाजार समिती स्तरावर ही टक्‍केवारी काढण्यासाठी जिनींगची व्यवस्था नसल्याने रुईची टक्‍केवारी अपेक्षीत धरुनच दर दिला जातो. भारतीय टेक्‍सटाईल असोसिएशनचे माजी अध्यक्ष पि.डी. पटोडीया तसेच कापूस शेतीचे अभ्यासक गोविंद वैराळे यांनी कापसाला रुईच्या टक्‍केवारी आधारे दर मिळाल्यास कापूस उत्पादक शेतकऱ्यांचे हित साधले जाणार असा मुद्दा मांडला होता. त्या संदर्भाने ‘ॲग्रोवन’मधून वृत्तही प्रकाशित झाले. त्याची दखल घेत क्‍युआरटी टिमच्या माध्यमातून या संदर्भाने केंद्र सरकारकडे पाठपुरावा केला जाईल, अशी माहिती समितीचे अध्यक्ष डॉ. शरद निंबाळकर यांनी दिली.

काय आहे पंचवार्षिक आढावा समिती ? कापसासंदर्भाने देशाअंतर्गत धोरण काय असावे ? याविषयी अभ्यासपूर्ण मसूदा ही टिम मांडते. केंद्रीय कापूस संशोधन संस्थेच्या माध्यमातून केंद्र सरकारला हा अहवाल सादर केला जातो. त्याकरिता कापूस पिकविणाऱ्या राज्याचा दौरा करून त्या ठिकाणची माहिती मिळविली जाते. लवकरच ही टिम राजस्थानच्या दौऱ्यावर जाणार आहे. या समितीचा कार्यकाळ पाच वर्षांचा आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com