जळगावात कारली प्रतिक्विंटल १३०० ते २३०० रुपये

जळगाव ः येथील कृषी उत्पन्न बाजार समितीमध्ये शनिवारी (ता. ११) कारल्याची चार क्विंटल आवक झाली होती. या वेळी कारल्यास प्रतिक्विंटल १३०० ते २३०० व सरासरी १९०० रुपये प्रतिक्विंटल दर मिळाला, अशी माहिती बाजार समितीच्या सूत्रांनी दिली.   सफरचंदाची ७० क्विंटल आवक झाली होती, त्यास ४५०० ते ७००० व ६००० रुपये प्रतिक्विंटलचा दर मिळाला. बटाट्याची ३०० क्विंटल आवक झाली. त्याला २७५ ते ६०० आणि सरासरी ३७५ रुपये प्रतिक्विंटल दर मिळाले. लाल कांद्याची ३२५ क्विंटल आवक झाली होती, त्यास ११२५ ते २५०० आणि १८०० रुपये प्रतिक्विंटलचा दर होता. हिरव्या मिरचीची ८७ क्विंटल आवक झाली होती, तीस १२०० ते २००० आणि सरासरी १६०० रुपये प्रतिक्विंटल दर होता. ढोबळी मिरचीची तीन क्विंटल आवक होऊन २५०० रुपये प्रतिक्विंटलचा दर मिळाला. भेंडीची सात क्विंटल आवक झाली होती. तीस ११०० ते २२०० आणि सरासरी १७०० रुपये प्रतिक्विंटलचा दर मिळाला. मेथीची सात क्विंटल आवक होऊन १५०० ते ३००० व सरासरी २१०० रुपये प्रतिक्विंटलचा दर मिळाला. फ्लॉवरची आवक दोन क्विंटल झाली होती तीस १००० ते २५०० व सरासरी १५०० रुपये प्रतिक्विंटल दर मिळाला. वांग्यांची ४८ क्विंटल आवक तर ९०० ते २०००व सरासरी १५०० रुपये प्रतिक्विंटलचा दर मिळाला. टोमॅटोची २९ क्विंटल आवक होऊन १८०० ते ४००० व सरासरी ३१०० रुपये प्रतिक्विंटलचा दर होता. भोपळ्याची दोन क्विंटल आवक झाली, त्यास १५०० रुपये प्रतिक्विंटलचा दर मिळाला. मोसंबीची १० क्विंटल आवक होऊन १७०० ते ३००० व सरासरी २२०० रुपये प्रतिक्विंटलचा दर मिळाला. सिताफळाची पाच क्विंटल आवक तर २००० ते ४००० आणि सरासरी २८०० रुपये प्रतिक्विंटलचा दर मिळाला.