‘आत्मा'च्या वतीने शेतकऱ्यांची तंजावूर, त्रिचीला अभ्यास सहल

‘आत्मा'च्या वतीने शेतकऱ्यांची तंजावूर, त्रिचीला अभ्यास सहल
‘आत्मा'च्या वतीने शेतकऱ्यांची तंजावूर, त्रिचीला अभ्यास सहल

सोलापूर : कृषितंत्रज्ञान व्यवस्थापन यंत्रणेतर्फे (आत्मा) परराज्यांतील कृषी व प्रक्रिया उद्योगातील संधींचा अभ्यास करण्याच्या अनुषंगाने तमिळनाडूतील तंजावूर, त्रिची, मदुराई आदी शहरांतील कृषी संशोधन केंद्रे, कृषी महाविद्यालये आणि अन्नप्रक्रिया उद्योग संस्थांच्या अभ्यास सहलीचे नुकतेच आयोजन करण्यात आले होते. सात दिवसांच्या या दौऱ्यात त्रिचीच्या राष्ट्रीय केळी संशोधन केंद्र आणि तंजावूरचे इंडियन इन्स्टिट्यूट ऑफ फूड प्रोसेसिंग टेक्‍नॉलॉजीतील भेट शेतकऱ्यांसाठी अविस्मणीय ठरली.

‘आत्मा'चे प्रकल्प संचालक विजयकुमार बरबडे, जिल्हा मृद सर्व्हेक्षण व मृद चाचणी अधिकारी एस. बी. जेटगी, मंडल कृषी अधिकारी आर. डी. जाधव, तालुका तंत्रज्ञान व्यवस्थापक मेघराज पौळ (सांगोला), विक्रम सावंजी (मंगळवेढा), सत्यम झिंजाडे, आनंद झिने आदींसह सुमारे ३० शेतकऱ्यांचा यामध्ये सहभाग होता.  पहिल्या दिवशी मदुराईतील कृषी महाविद्यालय, दुसऱ्या दिवशी तंजावूरचे देशातील पहिले इंडियन इन्स्टिट्यूट ऑफ फूड प्रोसेसिंग टेक्‍नॉलॉजी आणि तिसऱ्या दिवशी त्रिचीतील राष्ट्रीय केळी संशोधन केंद्राची भेट असे नियोजन होते. या प्रत्येक ठिकाणाहून शेतकऱ्यांना नवनवीन ज्ञान, तंत्रज्ञान पाहता आलेच, पण वेगवेगळी माहिती प्रयोगही अनुभवता आले.

शेतकरी कंपन्या, शेतकरी गट यांना शेतीपूरक उद्योग, प्रक्रिया उद्योग यासाठी अधिकाधिक प्रोत्साहन मिळावे, यासाठी आत्मातर्फे सहलीचे आयोजन करतो. स्थानिक भागातील अभ्यास सहली होतातच, पण अशा मोठ्या संस्थांतूनही शेतकऱ्यांना शिकता येते. शेतकरी कंपन्या आणि शेतकरी गटांना या सहलीचा उपयोग होत आहे, अशी माहिती आत्माचे प्रकल्प संचालक विजयकुमार बरबडे यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com