agriculture news in marathi, between South Maharashtra and Karnataka sugarcane factories in Strain | Agrowon

दक्षिण महाराष्ट्र-कर्नाटकमधील कारखान्यांची उसासाठी ओढाताण
टीम अॅग्रोवन
बुधवार, 15 नोव्हेंबर 2017

कोल्हापूर(प्रतिनिधी) : कोल्हापूर व सांगली जिल्ह्यातील साखर कारखान्यांना आता कर्नाटकातील कारखान्यांचे मोठे आव्हान निर्माण झाले आहे. दोन्ही जिल्ह्यांतील कारखान्यांचे शेती विभाग आता हा ऊस आपल्याकडे ओढण्यासाठी प्रयत्न करत आहेत. दोन्ही जिल्ह्यांतील कारखान्यांचे अर्थकारण कर्नाटकातील गावांतील उसावरही चालत असल्याने आता कारखान्यांच्या शेती विभागातील कर्मचाऱ्यांनी युद्धपातळीवर ऊस मिळविण्यासाठी प्रयत्न सुरू केले आहेत.

कोल्हापूर(प्रतिनिधी) : कोल्हापूर व सांगली जिल्ह्यातील साखर कारखान्यांना आता कर्नाटकातील कारखान्यांचे मोठे आव्हान निर्माण झाले आहे. दोन्ही जिल्ह्यांतील कारखान्यांचे शेती विभाग आता हा ऊस आपल्याकडे ओढण्यासाठी प्रयत्न करत आहेत. दोन्ही जिल्ह्यांतील कारखान्यांचे अर्थकारण कर्नाटकातील गावांतील उसावरही चालत असल्याने आता कारखान्यांच्या शेती विभागातील कर्मचाऱ्यांनी युद्धपातळीवर ऊस मिळविण्यासाठी प्रयत्न सुरू केले आहेत.

कोल्हापूर, सांगली जिल्ह्यातील अनेक बड्या कारखान्यांना बेळगाव जिल्हा हा मोठा आधार आहे. काही कारखान्यांपासून कर्नाटकची सीमा फक्त पाच ते दहा किलोमीटर इतक्‍याच अंतरावर आहे. यामुळे या भागातील बराचशा उसाने दोन्ही जिल्ह्यातील कारखान्यांचे गाळप होते. चार ते पाच वर्षापूर्वी बेळगाव जिल्ह्यात कारखान्यांची स्थिती चांगली नव्हती. अनेक खासगी कारखाने एखादे बिल देऊन त्या भागातील ऊस उत्पादकांची बोळवण करत. शेतकऱ्यांना हा फरक लक्षात आल्याने बेळगाव जिल्ह्यातील अनेक ऊस उत्पादकांनी महाराष्ट्रातील कारखान्यांशी संपर्क साधून या कारखान्यांना ऊस देण्यास संमती दर्शविली.

कर्नाटकातील अनेक ठिकाणी उसाचे मोठे क्षेत्र आहे. यामुळे एकदा एखाद्या गावात ऊसतोडणी कामगार गेले की पंधरा दिवस त्या गावात ऊस तोडणी चालते. असा अनुभव कारखान्यांचा आहे. यामुळे हे कारखानेही पहिल्या टप्प्यात कर्नाटकातील ऊस गाळपासाठी प्राधान्य देतात. नोव्हेंबरच्या पहिल्या आठवड्यापर्यंत दोन्ही जिल्ह्यतील सुमारे एक लाख मेट्रिक टन उस कर्नाटकातील कारखान्यांना गेल्याचा अंदाज व्यक्त होत आहे.

हंगाम लांबल्याचा फटका
यंदा किमान आठ ते दहा दिवस हंगाम लांबला, याचा फटका आता दोन्ही जिल्ह्यांतील कारखान्यांना बसत आहे. परतीचा पाऊस लांबल्याने ऊस कर्नाटकातील कारखान्यांना जाणार नाही, हा दिलासा फार काळ टिकला नाही. जिथे संघटनांचे प्राबल्य नाही त्या भागात मोठ्या प्रमाणात कर्नाटकातील कारखान्यांकडे उसाची तोड झाली.

कर्नाटकातील कारखान्यांनी महाराष्ट्रातील कारखान्यांच्या स्पर्धेत उतरत अपेक्षित दर दिल्याने शेतकऱ्यांचाही ओढा राहिला. गडहिंग्लजसारख्या ठिकाणी तर सध्या कर्नाटकातील कारखान्यांनाच तोड देण्यासाठी शेतकऱ्यांची धावपळ सुरू आहे.
कोल्हापूर जिल्ह्यातील हातकणंगले, कागल शिरोळ, गडहिंग्लज या भागातील, तर सांगली जिल्ह्यात कवठेमहांकाळ, मिरज तालुक्‍यातील ऊस कर्नाटकातील कारखान्यांकडे जात आहे.

यामुळे हा ऊस रोखण्याचे आव्हान कारखान्यांच्या शेती विभागाकडे आहे. कर्नाटकात ऊस जाऊ नये, यासाठी कारखान्यांच्या प्रतिनिधींच्या बैठका गावागावात सुरू आहेत. कोणत्याही परिस्थितीत पहिल्या टप्प्यात जास्तीत जास्त ऊस कर्नाटकातून आणण्याचे नियोजन सुरू असल्याचे दोन्ही जिल्ह्यांतील कारखान्यांच्या शेती विभागातील प्रतिनिधींनी सांगितले.

दरम्यान, कर्नाटकचा ऊस महाराष्ट्र, तर महाराष्ट्रातील काही कारखान्यांचा ऊसही कर्नाटकात जात आहे. यामुळे दोन्ही कारखान्यांच्या प्रतिनिधींत वादाचेही प्रसंग घडत आहे. नोंद नसलेल्या उसाबाबत तर अक्षरश: पाठशिवणीचा खेळ सुरू आहे. यामुळे कर्नाटकातील कारखाने महाराष्ट्रात उस तोड करण्यास आल्यास त्यांना उस कसा मिळणार नाही, याची रणनीती आखली जात आहे.

इतर अॅग्रो विशेष
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...