भंडारा-गोंदिया : ४९ मतदान केंद्रांवर आज फेर मतदान

मुंबई : भंडारा-गोंदिया लोकसभा मतदार संघाच्या पोटनिवडणुकीदरम्यान काही ठिकाणी मतदान यंत्रे (EVM)आणि VVPAT यंत्रे तांत्रिक दोषामुळे बंद पडल्याने मतदान प्रक्रियेमध्ये खंड पडला होता. या लोकसभा मतदार संघाच्या 5 विधानसभा मतदार संघातील 49 मतदान केंद्रांवर भारत निवडणूक आयोगाच्या आदेशानूसार आज (30 मे) फेरमतदान घेण्यात येणार आहे.

63-अर्जुनी मोरगांव (अ.जा.) या विधानसभा मतदार संघातील मतदार केंद्रांवर सकाळी 7 ते दुपारी 3 वाजेपर्यंत मतदान घेण्यात येईल. तर उर्वरित मतदान केंद्रांवर सकाळी 7 ते सायं 6 वाजेपर्यंत मतदान घेण्यात येईल. यावेळी मतदारांच्या डाव्या हाताच्या अनामिका बोटावर (RING FINGER) शाई लावण्यात येणार आहे.

फेरमतदान घेण्यात येणारी मतदान केंद्रे :

1. 61-भंडारा (अ.जा.) विधानसभा मतदार संघ - मतदान केंद्र क्र. 302,318,320,335,362,403,405,374,314,317,322,428,429 आणि 363.
2.  62- साकोली- मतदान केंद्र क्र. 306, 316, 292 आणि 287.
3. 63-अर्जुनी मोरगांव (अ.जा.) - मतदान केंद्र क्र. 108 आणि 159.
4. 64- तिरोडा - मतदान केंद्र क्र. 45, 97, 102, 108, 205, 215, 38, 52.
5. 65- गोंदिया - मतदान केंद्र क्र. 50,78, 94, 115, 116,117,123,169, 176ए, 194, 200, 206, 218,225, 233, 240,250, 253, 271, 276 आणि 303ए.