भिरातील उच्चांकी हवामान घटकांची चाचपणी सुरु

भिरातील हवामान घटकांची चाचपणी सुरु
भिरातील हवामान घटकांची चाचपणी सुरु

पुणे : सर्वाधिक तापमान, पर्जन्यमानाची नोंद झाल्याने कोकणमधील रायगड जिल्ह्यातील भिरा हे गाव गेल्या काही वर्षांपासून चर्चेत आले आहे. भिरा येथे नोंद होणारी हवामान घटकांची माहिती अचूक आहे का, याची चाचपणी हवामान विभागाकडून करण्यात येत आहे. भिरा येथे निरीक्षणे नोंदविण्यासाठी सध्या कार्यरत असलेल्या वेधशाळेची (ऑब्जरवेटरी) जागा बदलण्याचा निर्णय घेण्यात आला आहे. वेधशाळेच्या नवीन जागेसाठी हवामान विभागाकडून सर्वेक्षणही करण्यात येत आहे.  कोकणातील घाटमाथ्याजवळ असलेल्या भिरा येथे अनेकदा तापमान ४५ अंशांवर जाते. गेल्या वर्षीच्या उन्हाळ्यात तेथे सर्वाधिक ४६.५ अंश सेल्सिअस तापमानाची नोंद झाली होती. तसेच पावसाळ्यात अनेक वेळा २०० मिलिमीटरपेक्षा अधिक पावसाची नोंद होत असल्याने भिरा सर्वांच्या अौस्तुक्याचा विषय ठरले. भिरा येथे हवामान विभाग आणि टाटा पॉवर या खासगी संस्थेच्या मदतीने अंशकालीन वेधशाळा चालविण्यात येते. विदर्भापेक्षा अधिक उष्ण ठरत असल्याने भिरा येथील तापमान नोंदीवरच प्रश्‍न उपस्थित करण्यात आले होते. त्यानंतर हवामान विभागाच्या पथकाने या वेधशाळेची पाहणी केली होती. वेधशाळेची जागा बदलण्याचा निर्णय घेण्यात आला असून, सध्या भिरा येथील तापमानाच्या नोंदी घेणे बंद करण्यात आले अाहे. हवामान विभागाच्या मुंबई प्रादेशिक केंद्राचे वरिष्ठ शास्त्रज्ञ के. एस. होसाळीकर म्हणाले, भिरा येथे हवामान विभागाची अंशकालीन वेधशाळा आहे. त्या वेधशाळेची जागा बदलण्यात येणार असून, दुसरीकडे सर्वेक्षण करण्यात येत आहे. जागेअभावी, व्यवहारिक कारणासाठी हवामान विभागाकडून वेधशाळेच्या जागा बदलल्या जातात. त्यासाठी काही मानके निश्‍चित करण्यात आली आहेत. भिरा येथे गेल्या ५० वर्षांतील हवामान घटकांच्या नोंदी पाहिल्या तर तेथे तापमान ४० ते ४५ अंशांपर्यंत असल्याचे दिसून येते. गेल्या दोन वर्षांमध्ये याकडे जास्त लक्ष जायला लागते.  भिरा येथील वेधशाळेची जागा बदलण्यात येणार आहे. जागा निश्‍चित करून नवीन वेधशाळा सुरू होण्यासाठी काही कालावधी जाईल. सध्या भिरा येथील वेधशाळेतून नोंदी घेणे बंद केले आहे. - के. एस. होसाळीकर,  प्रादेशिक हवामान केंद्र, मुंबई

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com