बिहारकडून ८० अब्ज पूरग्रस्त निधीची मागणी

बिहारमधील महापूर. (संग्रहित छायाचित्र)
बिहारमधील महापूर. (संग्रहित छायाचित्र)

नवी दिल्ली ः बिहारमध्ये येऊन गेलेल्या महापुराने ८ लाख १० हजार, ४५३ हेक्टरवरील खरीप पिकाचे नुकसान झाले अाहे. त्यासाठी राज्याला ८० अब्ज रुपयांचा निधी देण्याची मागणी बिहार सरकारने केंद्राकडे केली अाहे, अशी माहिती सूत्रांनी दिली अाहे.

राज्यातील ४.५ दशलक्ष हेक्टरवर पीकक्षेत्र अाहे. गेल्या जुलै-अाॅगस्टदरम्यान अालेल्या पुरामुळे १९ जिल्ह्यांना फटका बसला अाहे. पुराशी संबंधित ३०० हून अधिक लोकांचा मृत्यू झाला अाहे. तर भात, मका अाणि ऊस पिकांचे मोठे नुकसान झाले अाहे. भात अाणि मका उत्पादनात बिहार देशात अाघाडीवर अाहे.

कृषी मंत्रालयाच्या अाकडेवारीनुसार, राज्यातील मका पीकक्षेत्र ५.३ टक्क्यांनी कमी झाले अाहे. तर ऊस पीकक्षेत्र ४.३ टक्क्यांनी वाढून २ लाख ४० हजार हेक्टरवर पोचले अाहे. राज्यात ३.४२ दशलक्ष हेक्टरवर भातपीकक्षेत्र व्यापले अाहे. गेल्या वर्षीच्या तुलनेत भात पीकक्षेत्रात साडेचार टक्क्यांनी वाढ झाली अाहे. मात्र, पुराने भातासह मका, ऊसपिकाचे नुकसान झाले अाहे.

ऊसपिकाच्या नुकसानामुळे साखर उतारा कमी मिळण्याची शक्यता अाहे. तसेच दरवर्षी राज्यातील गाळप हंगाम नोव्हेंबरच्या सुरवातीला सुरू होताे. मात्र, यंदा नुकसानामुळे गाळप हंगाम सुरू होण्यास उशीर होणार असल्याचे चित्र दिसत अाहे.

छत्तीसगडमध्ये दुष्काळस्थिती; ५० अब्ज निधीची मागणी

छत्तीसगडमध्ये अाॅगस्ट, सप्टेंबरमध्ये पावसाने ओढ दिल्याने दुष्काळस्थिती निर्माण झाली अाहे. या पार्श्वभूमीवर छत्तीसगड सरकारने केंद्राकडे ५० अब्ज रुपये दुष्काळनिधीची मागणी केली अाहे. राज्यातील २७ जिल्ह्यांपैकी २१ जिल्हे दुष्काळ प्रभावित अाहेत. दुष्काळामुळे राज्यातील अर्ध्याहून अधिक खरीप पीकक्षेत्राला फटका बसला अाहे, असे राज्यातील कृषी मंत्रालयातील सूत्रांनी म्हटले अाहे.

राज्यात मॉन्सूनच्या सुरवातीला चांगला पाऊस झाला. त्यानंतर अाॅगस्ट, सप्टेंबरमध्ये पावसाने ओढ दिली. यामुळे भात, सोयाबीन, कडधान्ये पिकांचे नुकसान झाले अाहे. राज्यात ३.७ दशलक्ष हेक्टरवर भातपीकक्षेत्र अाहे. गेल्या वर्षीच्या तुलनेत यंदा भातपीकक्षेत्रात वाढ झाली अाहे. मात्र, कमी पावसाचा फटका पिकाला बसला अाहे. राज्यातील दुष्काळस्थितीवर राज्य सरकारकडून अनेक उपाययोजना करून शेतकऱ्यांना मदत केली जात असल्याचे राज्य सरकारकडून सांगण्यात अाले अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com