‘कृषी’च्या अपर मुख्य सचिवपदी बिजय कुमार

पुणे : राज्याच्या कृषी विभागाचे प्रधान सचिव बिजय कुमार यांना अपर मुख्य सचिवपदी बढती मिळाली आहे. ते कृषी व पणन विभागाच कामकाज सांभाळणार असून, पुढील काही महिन्यानंतर निवृत्त होणार होणार आहेत.  बिजय कुमार यांनी आपल्या कौशल्यातून कृषी विभागात विविध बदल आणण्याचा प्रयत्न केला आहे. कृषी योजनांना ऑनलाइन आणून डीबीटी लागू करण्यात त्यांचा सहभाग विशेष मानला जातो.  बिजय कुमार यांनी यापूर्वी राज्याचे कृषी आयुक्त, महाबीजचे व्यवस्थापकीय संचालक, एमएआयडीसीचे व्यवस्थापकीय संचालक आणि एनएचबीचे व्यवस्थापकीय संचालक म्हणून कामकाज केले आहे.