कृषी विद्यापीठाच्या नावावर जैविक खतांची विक्री

ऊस उत्पादक शेतकऱ्यांना लुटीची माहिती आहे. जैविक खतांच्या विक्रीसाठी हा प्रकार होत आहे. त्यासाठी डॉ. पंजाबराव देशमुख कृषी विद्यापीठाच्या नावाचा वापर होत असल्याने शेतकऱ्यांनी सावध राहावे. अशा प्रकारच्या कोणत्याही खतांची विक्री विद्यापीठ करीत नसून ‘आमची माती आमची माणसं’ अशी कोणती योजनादेखील नाही. हे भामटे आढळल्यास ९४०३६१७११३ या क्रमांकावर संपर्क साधावा. - डॉ. उषा डोंगरवार, कार्यक्रम समन्वयक, केव्हीके भंडारा
जैविक खते
जैविक खते

भंडारा : डॉ. पंजाबराव देशमुख कृषी विद्यापीठातून आल्याची बतावणी करीत ऊस उत्पादक शेतकऱ्यांना दहा हजार रुपयांचे जैविक खत देत गंडविण्याचे प्रकार जिल्ह्यात वाढीस लागले आहेत. अनेक शेतकऱ्यांना या माध्यमातून गंडा घातल्याची माहिती असून शेतकऱ्यांनी अशा प्रकारांपासून सावध राहण्याचे आवाहन करण्यात आले आहे.  भंडारा जिल्ह्याच्या काही भागात ऊस लागवड होते. या शेतकऱ्यांपर्यंत जात दोन अनोळखी इसमांनी त्यांना फसविले आहे. त्याकरीता अकोला मुख्यालय असलेल्या डॉ. पंजाबराव देशमुख कृषी विद्यापीठाच्या नावाचा आधार हे भामटे घेत असल्याची माहिती आहे. कृषी विद्यापीठाद्वारे ‘‘आमची माती आमची माणसं’’ हा कार्यक्रम राबविला जात आहे. त्याअंतर्गत तीन शेतकऱ्यांची निवड करून त्यांना जैविक खत मोफत दिली जातात. याच शेतकऱ्यांना पुढे पाच एकर क्षेत्राकरीता ठिबक संच, बियाणे व मोफत खते देखील दिली जाणार असल्याचे सांगितले जाते. ही माहिती इतर शेतकऱ्यांना सांगू नका तसे झाल्यास शेतकऱ्यांची संख्या वाढेल आणि मग वाद होतील; असे सांगून फक्‍त तुमचीच निवड करायची असल्यास दहा हजार रुपयांची मागणी हे भामटे करतात, अशी माहिती आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com