भाजपा सरकार आरक्षण विरोधी : धनंजय मुंडे

भाजपा सरकार आरक्षण विरोधी : धनंजय मुंडे
भाजपा सरकार आरक्षण विरोधी : धनंजय मुंडे

नागपूर : सरकारला मराठा असेल, मुस्लिम असेल, धनगर, लिंगायत या कुठल्याही समाजाला आरक्षण द्यायचे नाही हे स्पष्ट झाले आहे. भाजपा सरकार आरक्षणाच्या विरोधात आहे, असा आरोप विधान परिषदेचे विरोधी पक्षनेते धनंजय मुंडे यांनी येथे गुरुवारी (ता.१४) केला. 

विधानपरिषदेत याबाबत प्रश्न उपस्थित करण्यात आला होता. सरकारच्या असमाधानकारक उत्तरानंतर विरोधकांनी घोषणाबाजी करत सभात्याग केला. त्यानंतर विरोधी पक्षनेते मुंडे पत्रकारांशी बोलत होते. श्री. मुंडे म्हणाले, की ज्या उच्च न्यायालयाने मुस्लिम आरक्षणातील शैक्षणिक आरक्षण ग्राहय धरले होते, त्या उच्च न्यायालयामध्ये नोकरीच्या संदर्भात आरक्षण रहायला पाहिजे याच्यासाठी कॉन्टीफिशियल डाटा या सरकारने द्यायचा होता तो जाणीवपूर्वक दिला नाही, म्हणून या आरक्षणाच्या बाबतीत उच्च न्यायालयाकडून वेगळा निर्णय झाला. पण  २१ डिसेंबर २०१४ ला ज्यावेळेस मराठा आरक्षणाचा कायदा याच नागपूरच्या अधिवेशनामध्ये सरकारने आणला. त्यावेळेस आम्ही विरोधी पक्षांनी एकत्रित मुस्लिम आरक्षणाचासुध्दा कायदा या सभागृहामध्ये आणावा अशी मागणी केली, पण त्यावेळेस आम्ही धर्माच्या आधारावरील आरक्षण नाकारतो असे सरकार म्हणाले. पण उच्च न्यायालयाने स्पष्ट केले आहे की, हे धर्माचे  आरक्षण नाही तर या समाजात जे आर्थिकदृष्टया दुर्बल आहेत त्यांना हे पाच टक्क्यांचे आरक्षण आहे.  उच्च न्यायालयाने मान्य केलेले शैक्षणिक आरक्षण दिले नाही यासाठी आम्ही सरकारचा निषेध करत सभात्यागही केला.

यावेळी संजय दत्त, आमदार हेमंत टकले, आमदार शरद रणपिसे, आमदार बाबाजानी दुराणी, आमदार ख्याजा बेग, आमदार विक्रम काळे, आमदार सतीश चव्हाण, आमदार अमरसिंह पंडीत उपस्थित होते.

राज्यातील १३०० शाळा बंद करण्याचा : मुंडे राज्यातील १३०० शाळा बंद करण्याचा सरकारचा घाट असल्याचा आरोप विधान परिषद विरोधी पक्षनेते धनंजय मुंडे यांनी केला आहे. या संबंधी आज आमदार कपील पाटील यांनी मूळ उपस्थित केलेल्या मुद्दयावर दोन वेळा गोंधळ होऊन सभागृह कामकाज बंद पडले.  श्री. मुंडे म्हणाले, की सरकारचे शिक्षणासंदर्भातील किती दुटप्पी आणि उदासिन धोरण आहे हे लक्षात आले. राज्यातील १३०० च्यावर शाळा बंद करण्याचा डाव शिक्षणमंत्र्यांनी चालू केला आहे. विनाअनुदानित शाळांचे अनुदान सुरु करण्याबाबतीत हे सरकार सकारात्मक नाही. मग प्राथमिक शिक्षण असो,माध्यमिक असो किंवा कनिष्ठ महाविदयालय असो एकंदरीतच सर्व महाराष्ट्रामध्ये शिक्षणाचे पूर्ण वाटोळे झालेले आहे. आणि याला राज्याचे शिक्षणमंत्री जबाबदार आहेत.

यासंदर्भात उत्तर देताना कोणतेही ठोस उत्तर मंत्र्यांना देता आले नाही आणि जे उत्तर दिले तेसुध्दा सत्तेच्या मस्तीमध्ये दिले आणि म्हणून विधानपरिषदेमध्ये शिक्षणासंदर्भात सरकारच्याविरोधात बहिष्कार आम्ही टाकला असे मुंडे म्हणाले. शिक्षणाच्या प्रश्नावर दोनवेळा सभागृह बंद झाले अशी माहिती विधान परिषदेचे विरोधी पक्षनेते धनंजय मुंडे यांनी दिली. आज प्रश्नोत्तराच्या तासानंतर शिक्षणविभागाच्या प्रश्नावर मुंडे,  कपिल पाटील, आमदार सतीश चव्हाण, आमदार विक्रम काळे, आ. हेमंत टकले,  विधानपरिषदेमध्ये सरकारला धारेवर धरले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com