agriculture news in marathi, bjp, shiv sena Step towards for alliance, mumbai, maharashtra | Agrowon

भाजप-शिवसेनेचे युतीच्या दिशेने पाऊल
टीम अॅग्रोवन
रविवार, 13 जानेवारी 2019

मुंबई  : एकमेकांना इशारे आणि धमक्या देण्याचे राज्यातील सत्ताधारी भाजप आणि शिवसेनेचे सत्र सुरू असल्याने युती होणार की नाही, याबाबत सर्वत्र चर्चा सुरू असताना लोकसभा निवडणुकीसाठी या दोन्ही पक्षांची मोट पुन्हा जुळत असल्याचे दिसते आहे. नुकतीच या दोन्ही पक्षांच्या जागावाटपाची चर्चा पुढे सरकल्याचे समजते. 

मुंबई  : एकमेकांना इशारे आणि धमक्या देण्याचे राज्यातील सत्ताधारी भाजप आणि शिवसेनेचे सत्र सुरू असल्याने युती होणार की नाही, याबाबत सर्वत्र चर्चा सुरू असताना लोकसभा निवडणुकीसाठी या दोन्ही पक्षांची मोट पुन्हा जुळत असल्याचे दिसते आहे. नुकतीच या दोन्ही पक्षांच्या जागावाटपाची चर्चा पुढे सरकल्याचे समजते. 

सध्याच्या जागावाटपाच्या सूत्रानुसार, भाजप आणि शिवसेना २०१४ ला जिंकलेल्या आपापल्या जागांवर पुन्हा लढणार आहेत. २०१४ च्या लोकसभा निवडणुकीत भाजपने २३ आणि शिवसेनेने १८ जागा जिंकल्या होत्या. त्याच जागा दोन्ही पक्ष लढवतील, अशी माहिती सूत्रांकडून दिली जात असून, उरलेल्या ७ जागांबाबत तोडगा काढला जाणार असल्याची माहिती सूत्रांनी दिली.

अमित शाह यांच्या वक्तव्यानंतर आक्रमक झालेल्या शिवसेनेच्या नेत्यांच्या पवित्र्यानंतर भाजप आणि शिवसेना यांची युती होणार की नाही याबाबत साशंकता व्यक्त केली जात होती. शिवसेना आणि भाजपने एकमेकांवर टीका केल्याने युतीची शक्यता संपुष्टात आल्याचा समज होता. परंतु त्याच वेळी पडद्याआडून युतीसाठी हालचालीही सुरू होत्या. नव्या जागावाटप सूत्राबाबत भाजप किंवा शिवसेना यांनी अधिकृत घोषणा केलेली नाही.

मात्र पक्षातील वरिष्ठ पातळीवरील सूत्रांकडून मिळालेल्या माहितीनुसार गेल्या वेळेचाच फॉर्म्युला निश्चित होण्याची शक्यता व्यक्त केली जाते आहे.  गेल्या निवडणुकीत भाजप, शिवसेनेने काही जागा मित्रपक्षांना सोडल्या होत्या. त्यापैकी स्वाभिमानी शेतकरी संघटना भाजपचा हात सोडून आता महाआघाडीत गेली आहे. त्यामुळे भाजप आणि शिवसेना पराभूत झालेल्या जागांबाबत तसेच मित्रपक्षांसाठी सोडलेल्या जागांबाबत अद्याप निर्णय होणे बाकी आहे.

महाराष्ट्रात शिवसेनेशी युती व्हावी, यासाठी खुद्द पंतप्रधान नरेंद्र मोदी पुढाकार घेणार असल्याचे समजते. लोकसभेसाठी शिवसेनेची साथ अत्यंत महत्त्वाची ठरू शकते. म्हणून शिवसेनेशी युती करण्यासाठी पडद्यामागील हालचालींना वेग आला आहे. शिवसेना पक्षप्रमुख उद्धव ठाकरे यांच्यावर युतीसाठी पक्षातूनच दबाव येत आहे. अनेक खासदारांना स्वतंत्रपणे भाजपशी लढणे किती अवघड आहे, याची कल्पना आहे. त्यांनीही युतीसाठी आग्रह धरला आहे. तसेच ज्यांना निवडणूक लढवायची नाही असे राज्यसभेतील शिवसेना खासदार युतीमध्ये खो घालत असल्याची तक्रार त्यांनी केली आहे.

भाजप आणि शिवसेनेची युती अपरिहार्य आहे, ही युती गेली खड्ड्यात, असे ठाकरे कितीही म्हणत असले तरीही त्यांनाही युतीची गरज आहे, हे माहिती आहे. युती न केल्यास शिवसेनेचे नुकसान अधिक होण्याची शक्यता आहे, अशी चर्चा आहे.

इतर ताज्या घडामोडी
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...
जळगावमधील ग्रामपंचायतींचा डिजिटल...जळगाव  ः ग्रामपंचायतींमध्ये संगणकावरील विविध...
पुणे जिल्ह्यात ७१ लाख टन ऊस गाळपपुणे   ः जिल्ह्यात १७ साखर...
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...