बदल्यांसाठी खोटी माहिती पुरविल्याचा ४७ शिक्षकांवर ठपका

बदल्यांसाठी खोटी माहिती पुरविल्याचा ४७ शिक्षकांवर ठपका
बदल्यांसाठी खोटी माहिती पुरविल्याचा ४७ शिक्षकांवर ठपका

जळगाव : जिल्ह्यात झालेल्या शिक्षक बदल्यांमध्ये शिक्षकांनी खोटी माहिती सादर केल्याचे उघडकीस आले आहे. याबाबत शिक्षण विभागातर्फे चौकशी करण्यात आली असून केवळ ४७ शिक्षकांवरच ठपका ठेवण्यात आला आहे. परंतु, हा आकडा जास्त असल्याचे सांगून या प्रकरणाची सखोल चौकशी न केल्यास गटशिक्षणाधिकाऱ्यांविरुद्ध कारवाई करण्याची मागणी स्थायी समिती सभेत सदस्यांकडून करण्यात आली.

उज्वला पाटील यांच्या अध्यक्षतेखाली जिल्हा परिषदेच्या स्थायी समितीची सभा नुकतीच पार पडली. परिषदेचे उपाध्यक्ष नंदकिशोर महाजन, सभापती पोपट भोळे, प्रभाकर सोनवणे, दिलीप पाटील, सदस्य रावसाहेब पाटील, नानाभाऊ महाजन, प्रताप पाटील आदी या वेळी उपस्थित होते.

शिक्षक बदल्यांमधील घोळ टाळण्यासाठी शासनाने ऑनलाइन बदली प्रक्रिया राबविली. मात्र, यात अनेक शिक्षकांनी सोयीच्या ठिकाणी बदली करून घेण्यासाठी खोटी माहिती सादर केली आहे. याबाबत शिक्षण विभागाने गटशिक्षणाधिकाऱ्यांकडून अहवाल मागवून ४७ शिक्षक दोषी असल्याचा अहवाल सादर केला. मात्र, दोषींची संख्या ५०० पेक्षा अधिक असून, मुख्य कार्यकारी अधिकाऱ्यांनी पुन्हा चौकशी करण्याचे आदेश दिले आहेत.

वसुलीसाठी नोटिसा ग्रामपंचायत घरपट्टी, पाणीपट्टी वसुलीसाठी गटविकास अधिकारी व ग्रामसेवकांकडून थकबाकीदारांची यादी न्यायालयात सादर करून नोटिसा बजावण्यात आल्या आहेत; तर दुसरीकडे ग्रामनिधीची १९ कोटींची थकबाकी असतानाही ग्रामपंचायतीवर कारवाईची हिंमत एकाही बीडीओने दाखविली नाही, असे सदस्य महाजन यांनी सांगितले. ग्रा. पं. विभागाचे उपमुख्य कार्यकारी अधिकारी बी. ए. बोटे यांनाही सदस्यांनी धारेवर धरले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com