agriculture news in Marathi, blame to Cibrc, Agri, Health department in SIT report, Maharashtra | Agrowon

सीआयबीआरसी, कृषी, आरोग्य विभागावर एसआयटीच्या अहवालात बोट
विनोद इंगोले
बुधवार, 24 जानेवारी 2018

अमरावती ः विषबाधाप्रकरणी राज्य सरकारने नेमलेल्या विशेष तपास पथकाने (एसआयटी) आपल्या अहवालात केंद्रीय कीटकनाशक मंडळ आणि नोंदणीकरण समिती (सीआयबीआरसी), राज्य कृषी विभाग आणि आरोग्य विभागाच्या कारभारावरही ताशेरे ओढल्याचे विश्‍वसनीय सूत्रांनी सांगितले. ‘सीआयबीआरसी’ची प्रक्रिया ही केवळ आंतरराष्ट्रीय कंपन्यांच्या उत्पादनांनाच विक्रीसाठी प्रोत्साहन देणारी असल्याचा ठपकाही अहवालात ठेवण्यात आला आहे. 

अमरावती ः विषबाधाप्रकरणी राज्य सरकारने नेमलेल्या विशेष तपास पथकाने (एसआयटी) आपल्या अहवालात केंद्रीय कीटकनाशक मंडळ आणि नोंदणीकरण समिती (सीआयबीआरसी), राज्य कृषी विभाग आणि आरोग्य विभागाच्या कारभारावरही ताशेरे ओढल्याचे विश्‍वसनीय सूत्रांनी सांगितले. ‘सीआयबीआरसी’ची प्रक्रिया ही केवळ आंतरराष्ट्रीय कंपन्यांच्या उत्पादनांनाच विक्रीसाठी प्रोत्साहन देणारी असल्याचा ठपकाही अहवालात ठेवण्यात आला आहे. 

यवतमाळ जिल्ह्यात कपाशीवरील बोंड अळीचे नियंत्रण करण्यासाठी कीटकनाशक फवारणीदरम्यान २२ शेतकरी, शेतमजुरांना आपला जीव गमवावा लागला होता. त्यानंतर या प्रकरणाचे राज्यात तीव्र पडसाद उमटले. त्याची दखल घेत या विषयाच्या संपूर्ण चौकशीसाठी सरकारकडून अमरावती विभागीय आयुक्‍त पीयूष सिंग यांच्या अध्यक्षतेखाली ‘एसआयटी’ स्थापन करण्यात आली.

तीन महिन्यांपासून या विशेष समितीने यवतमाळ, अकोला, अमरावती जिल्ह्यांत या एकंदरीत प्रकरणाचा धांडोळा घेत त्याआधारे अहवाल तयार केला. १७ जानेवारीला अहवालला मंत्रिमंडळाने मंजुरी दिली. त्यानंतर अहवाल उच्च न्यायालयाच्या नागपूर खंडपीठासमोर सादर करण्यात आला. 

कृषी विकास अधिकारी दत्तात्रेय कळसाईत यांच्यावरील कारवाईचे समर्थन या अहवालातून केले गेले असले, तरी आणखी काही अधिकाऱ्यांवर कारवाईची शिफारसदेखील असल्याचे वृत्त आहे. येत्या काही दिवसांत हा अहवाल सरकारच्या वेबसाइटवरदेखील सार्वजनिक होणार असल्याचे सांगण्यात येत आहे. 

काय आहे अहवालात
‘सीआयबीआरसी’चे शुल्क जास्त आहे आणि परवान्याची प्रक्रियादेखील किचकट आहे. त्याचा फायदा केवळ आंतरराष्ट्रीय कंपन्यांनाच होतो. एखाद्या अभ्यासकाने नवीन सक्रिय घटक शोधला, तर त्याला ‘सीआयबीआरसी’कडून परवाना मिळविण्याची प्रक्रिया खर्चिक व किचकट आहे. ही प्रक्रिया सोपी आणि शुल्क कमी झाले पाहिजे, अशी शिफारस अहवालात आहे. त्यामुळे स्थानिक संशोधकांच्या संशोधनाला चालना मिळण्यास मदत होणार आहे. यवतमाळ जिल्ह्यात मृत्यूचे प्रमाण वाढण्यामागे आरोग्य विभागाचा हलगर्जीपणादेखील कारणीभूत असल्याचे निरीक्षण ‘एसआयटी’कडून नोंदविण्यात आले आहे. 

आरोग्य विभागावर ताशेरे
वेळीच शास्त्रोक्‍त उपचार करण्यात आरोग्याची यंत्रणा कमी पडली. त्यामुळे मृत्यूचे प्रमाण वाढले, त्यामुळे आरोग्य विभागातील काही अधिकाऱ्यांवर कारवाईची शिफारस अहवालात करण्यात आल्याचे सूत्राने सांगितले.

...तर शेतकऱ्यावर गुन्हा
कीटकनाशक फवारणीचे काम जो मजूर करणार आहे, तो वैद्यकीयदृष्ट्या शारीरिक तंदुरुस्त असावा. तो वैद्यकीयदृष्ट्या तंदुरुस्त नसताना, त्याने फवारणीचे काम केल्यास त्याच्यावर आत्महत्येचा प्रयत्न केल्याचा गुन्हा दाखल होईल. वैद्यकीयदृष्ट्या तंदुरुस्त नसलेल्या मजुराला काम देणाऱ्या शेतकऱ्यावर सदोष मनुष्यवधाचा गुन्हा दाखल होईल. गावचे ग्रामसेवक, तलाठी, कृषी सहायक यांना गुन्हे दाखल करण्याचा अधिकार देण्याची शिफारस एसआयटीने अहवालात केली आहे. मंगळवारी (ता. २३) हा अहवाल उच्च न्यायालयाच्या नागपूर खंडपीठात उघडण्यात आला.

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...