agriculture news in Marathi, bogus fertilizer provided to farmers producers companies with the help of contractors in Dhule districts, Maharashtra | Agrowon

ठेकेदारांच्या मदतीने शेतकरी कंपन्यांना बोगस खतपुरवठा
टीम अॅग्रोवन
सोमवार, 30 ऑक्टोबर 2017

पुणे : ठेकेदारांशी संगनमत करून निकृष्ट खते शेतकरी उत्पादक कंपन्यांच्या गळ्यात मारण्याचा प्रकार उघडकीस आला आहे. या प्रकरणाची चौकशी करण्याची मागणी शेतकरी उत्पादक कंपन्यांनी कृषी विभागाकडे केली आहे. 

पुणे : ठेकेदारांशी संगनमत करून निकृष्ट खते शेतकरी उत्पादक कंपन्यांच्या गळ्यात मारण्याचा प्रकार उघडकीस आला आहे. या प्रकरणाची चौकशी करण्याची मागणी शेतकरी उत्पादक कंपन्यांनी कृषी विभागाकडे केली आहे. 

धुळे जिल्ह्यातील शेतकरी उत्पादक कंपन्यांना बोगस खताचा पुरवठा झाला असून, त्यात कृषी खात्यातील काही अधिकारी गुंतल्याचा स्पष्ट आरोप या कंपन्यांनी केला आहे. विशेष म्हणजे कृषी खात्याने या खताचे नमुने काढून प्रयोगशाळेत तपासले असते चाचण्यांमध्ये नमुने अप्रमाणित निघाले आहेत. नाशिकमधील खतनियंत्रण प्रयोगशाळेत धुळे जिल्ह्यातील खत निरीक्षकांनी नमुने पाठविले होते. प्रयोगशाळेने विविध तीन अहवालांमध्ये  फेरस आयर्न, झिंक आणि मॉलिब्डेनम अशी तीन मूलद्रव्ये प्रमाणात आढळलेले नसल्याचे नमूद केले आहे. कृषी खात्याच्या शिफारशीवरून झालेल्या या बोगस खताच्या पुरवठ्याची जबाबदारी कोण घेणार आहे, असा सवाल या कंपन्यांनी केला आहे.  

धुळे जिल्ह्यातील जीवनधारा फार्मर्स प्रोड्यूसर कंपनीने कृषी खात्याशी पत्रव्यवहार करून ही फसवणूक निदर्शनास आणून दिली आहे. महाराष्ट्र स्पर्धाक्षम कृषी विकास प्रकल्पातून धुळे जिल्ह्यातील १४ शेतकरी उत्पादक कंपन्यांना यवतमाळमधून निविष्ठांचा पुरवठा करण्यात आला आहे. कृषी खात्याने त्यासाठी निविदा मागवून १४ लाख रुपये किमतीचा माल वाटला. शेतकरी कंपन्यांनी या निविदा वाटल्यानंतर शेतकऱ्यांनी गुणवत्ता व वजन अशा दोन्ही मुद्द्यांवर कंपन्यांकडे तक्रारी केल्या आहेत, असे या कंपनीने नमूद केले आहे. 

निविष्ठा उत्पादक कंपनीच्या ठेकेदाराने ''जीवनधारा''ला पत्र पाठवून निविष्ठा पुरवठा केल्याबद्दल एक लाख १३ हजार रुपयांचे बिल चुकते करण्याची मागणी केल्यामुळे हा घोटाळा उघड झाला आहे. मुळात जीवनधाराने कोणत्याही निविष्ठांची मागणी केलेली नसताना पुरवठा झाल्यामुळे शेतकरी उत्पादक कंपनीचे सभासद चक्रावून गेले आहेत. 

यवतमाळमधील साई अॅग्रोटेक कंपनीने एकाच पत्त्यावर दोन कंपन्या दाखवून कृषी खात्याकडून ऑर्डर पदरात पाडून घेतली आहे. शेतकरी उत्पादक कंपन्यांनी निविदा मागवून ऑर्डर दिलेली नसताना १६ लाख रुपयांच्या निविष्ठा पुरविण्यात आल्या आहेत. त्यात पुन्हा या निविष्ठा बोगस असल्यामुळे या कंपन्यांविरुद्ध आणि कृषी खात्यातील भ्रष्ट कंपूविरुद्ध गुन्हा दाखल करावा, अशी मागणीदेखील जीवनधारा शेतकरी उत्पादक कंपनीने केली आहे.

इतर बातम्या
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
पुणे जिल्ह्यात रब्बीत अवघे २५ टक्के...पुणे : शेतकऱ्यांना रब्बी हंगामात पुणे जिल्हा...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
सरपंचांनी कारकीर्दचे स्मरण होईल असे काम...कोल्हापूर : सरपंचांनी नैतिकता जपत निरपेक्ष व...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
बियाणे कंपन्यांत पाकिटावरील...नागपूर : बोंड अळीचा प्रादुर्भाव रोखण्यासाठी या...
टॉवरग्रस्त शेतकऱ्यांच्या समस्या सोडविणारयवतमाळ : पॉवरग्रीड कंपनीच्या वतीने महागाव, पुसद...
‘महामेष’ योजना ३४ जिल्ह्यांत राबविणार...औरंगाबाद : राजे यशवंतराव होळकर महामेष योजना...
शेतीतील यांत्रिकीकरणासाठी हवे शासनाचे...अकोला ः अाजच्या बदलत्या काळात शेती पद्धतीत...
मध्य प्रदेशात गारपीटग्रस्तांना हेक्टरी...नवी दिल्ली ः मध्य प्रदेश राज्यात नुकत्याच...
गारपीटग्रस्तांना भरीव मदतीचा प्रस्ताव...नागपूर ः गारपीटग्रस्तांना सरकारकडून जाहीर करण्यात...
शेतकरी कंपन्यांच्या धान्य खरेदीबाबत...पुणे : हमीभावाने धान्य खरेदीत शेतकरी उत्पादक...
महसूल मंडळातील सरासरी उत्पादकतेनुसार...परभणी : केंद्र शासनाच्या किंमत समर्थन...
गारपीटग्रस्त क्षेत्र तीन लाख हेक्टरमुंबई : राज्यात गेल्या आठवड्यात झालेल्या...
राजधानी दिल्लीत शेती क्षेत्रावर आज...नवी दिल्ली : देशाला नवे कृषी धोरण देण्यासाठी...
‘कापूस ते कापड’पासून आता ‘पिकणे ते...नाशिक : राज्यातील कापसावर प्रक्रिया होऊन...
उन्हाचा चटका जाणवू लागलापुणे : उत्तरेकडील थंड वाऱ्यांचा प्रवाह कमी होऊ...
'मॅग्नेटिक महाराष्ट्र'चे आज उद्‌घाटनमुंबई : राज्याच्या औद्योगिक वाढीसाठी उपयुक्त ठरणा...
मोहरीवर्गीय पिकातील ग्लुकोसिनोलेट वेगळे...अमेरिकेतील दक्षिण डाकोटा राज्य विद्यापीठातील...
जमिनीतील जिवाणूंच्या गुणसूत्रीय रचनांचा...जमीन ही पिकाचे उत्पादन घेण्यासाठी एकमेव परिपूर्ण...