agriculture news in marathi, boll worm attack in jalna district, Maharashtra | Agrowon

जालना जिल्ह्यात चापडगावात बोंडअळीचा प्रादुर्भाव
टीम अॅग्रोवन
गुरुवार, 26 जुलै 2018

जालना : गेल्या वर्षी राज्यात थैमान घालणाऱ्या गुलाबी बोंड अळीची या वर्षी बहुधा पहिल्यांदाच जालना जिल्ह्यात चाहूल लागल्याचे निरीक्षण कृषी विज्ञान केंद्राच्या तज्ज्ञांनी नोंदविले आहे. घनसावंगी तालुक्‍यातील चापडगाव येथील पाहणीत मंगळवारी (ता.२४) हे निरीक्षण नोंदविले गेले. 

जालना : गेल्या वर्षी राज्यात थैमान घालणाऱ्या गुलाबी बोंड अळीची या वर्षी बहुधा पहिल्यांदाच जालना जिल्ह्यात चाहूल लागल्याचे निरीक्षण कृषी विज्ञान केंद्राच्या तज्ज्ञांनी नोंदविले आहे. घनसावंगी तालुक्‍यातील चापडगाव येथील पाहणीत मंगळवारी (ता.२४) हे निरीक्षण नोंदविले गेले. 

चापडगाव येथील बालासाहेब हरबक यांनी कृषी विज्ञान केंद्राच्या एका व्हाॅट्‌सॲप ग्रुपवर पाठविलेल्या पोस्टच्या आधारे केंद्राचे वरिष्ठ शास्त्रज्ञ व प्रमुख एस. व्ही. सोनुने आणि पीक संरक्षण तज्ज्ञ अजय मिटकरी यांनी मंगळवारी (ता.२४) लागलीच चापडगाव गाठले. चापडगाव येथील बालासाहेब हरबक आणि दिलीप हरबक यांच्या शेताची पाहणी केली. चार जून रोजी लागवड केलेल्या या बीटी कपाशीत नवीन फुलकळ्यांमध्ये मोठ्या प्रमाणात गुलाबी बोंड अळीचा प्रादुर्भाव आढळून आला.

प्रदुर्भावग्रस्त फुले न उमललेल्या अवस्थेत आढळून आली. अशा प्रकारची कळी फोडून पाहिल्यास तिच्या आतमध्ये गुलाबी बोंड अळी आढळून आली. ही अळी फुलातील परागकण खाते व शेवटी फुल गळून पडते. ही बोंड अळीची पहिली पिढी जिल्ह्यात आढळून आली असून जूनच्या पहिल्या पंधरवाड्यात कापूस लागवड केलेल्या शेतकऱ्यांनी सतर्क राहण्याचे आवाहन कृषी विज्ञान केंद्राने केले आहे.

शेतकऱ्यांनी आपल्या शेतात किमान २० झाडाचे निरीक्षण करावे. प्रत्येक झाडाचे एक फुल किंवा एक बोंड असे एका एकरातील २० फुले किंवा २० बोंडाचे निरीक्षण करावे व २ प्रादुर्भावग्रस्त फुले किंवा २ प्रादुर्भावग्रस्त बोंड आढळल्यास शिफारसीत कीटकनाशकाची फवारणी करावी. प्रदुर्भावग्रस्त फुले, पात्या, बोंडे तोडून नष्ट करावीत. फेरोमोन सापळ्यांचा वापर करून नर पतंगाचा नायनाट करावा. निंबोळी अर्काची फवारणी करावी.

शेवटचा उपाय म्हणून तज्ज्ञांच्या सल्ल्याने रासायनिक कीटकनाशकांची फवारणी करावी, असे आवाहन कृषी विज्ञान केंद्र खरपुडीच्या तज्ज्ञांनी केले आहे. येत्या ३० जुलै रोजी कृषी विज्ञान केंद्राद्वारे या संदर्भात शेतकऱ्यांसाठी एकदिवसीय प्रशिक्षणाचे आयोजन करण्यात आल्याची माहितीही कृषी विज्ञान केंद्राचे प्रमुख प्रा. एस. व्ही. सोनुने यांनी दिली.

पैठण तालुक्‍यातील चांगतपुरीतही आढळला प्रादुर्भाव
औरंगाबाद जिल्ह्यातील पैठण तालुक्‍यांतर्गत चांगतपुरी येथील शेतातही गुलाबी बोंड अळीचा प्रादुर्भाव आढळून आला आहे. औरंगाबाद कृषी विज्ञान केंद्राचे विषय विशेषज्ञ डॉ. किशोर झाडे यांच्या क्षेत्र भेटीदरम्यान चांगतपूरी येथील कृष्णा तट्‌टू यांच्या शेतात गुलाबी बोंड अळीचा प्रादूर्भाव आढळून आला. चार फूलांच्या तपासणीत दोन फूले गुलाबी बोंड अळीने प्रादूर्भावग्रस्त असल्याचे निरीक्षण यावेळी नोंदल्या गेले. कृषी विभागाचे अधिकारीही संबंधीत शेतात उपस्थित होते. यावेळी डॉ. झाडे यांनी नियंत्रणासाठीचे उपाय तातडीने अवलंबन्याची सुचना शेतकऱ्यांना केली

इतर अॅग्रो विशेष
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...