agriculture news in marathi, bollworm is a example of techology monopoly says AGM Radhamohan Shingh | Agrowon

तंत्रज्ञान एकाधिकाराचे दुष्परिणाम म्हणजे बोंड अळी : कृषिमंत्री राधामोहन सिंह
टीम अॅग्रोवन
सोमवार, 23 एप्रिल 2018

नागपूर : तंत्रज्ञानात एकाधिकार वाढल्याचे परिणाम काय असतात याचे उदाहरणच गुलाबी बोंड अळीने घालून दिले आहे. त्यामुळे कापसासह सर्वच पिकांकरिता तंत्रज्ञान विकसित करण्यावर स्थानिक संशोधक संस्थांनी भर देण्याची गरज असल्याचे प्रतिपादन केंद्रीय कृषिमंत्री राधामोहन सिंह यांनी केले.

नागपूर : तंत्रज्ञानात एकाधिकार वाढल्याचे परिणाम काय असतात याचे उदाहरणच गुलाबी बोंड अळीने घालून दिले आहे. त्यामुळे कापसासह सर्वच पिकांकरिता तंत्रज्ञान विकसित करण्यावर स्थानिक संशोधक संस्थांनी भर देण्याची गरज असल्याचे प्रतिपादन केंद्रीय कृषिमंत्री राधामोहन सिंह यांनी केले.

राष्ट्रीय मृदा विज्ञान तसेच जमीन उपयोगीता संस्थेच्या परिसरात रविवारी (ता. २२) आयोजित गुलाबी बोंड अळी व्यवस्थापन कार्यशाळेत ते बोलत होते. मुख्यमंत्री देवेंद्र फडणवीस, कृषिमंत्री पांडुरंग फुंडकर, राज्यमंत्री सदाभाऊ खोत, कृषिमूल्य आयोगाचे अध्यक्ष पाशा पटेल, कृषी सचिव विजयकुमार, प्रभारी कृषी आयुक्‍त विजय झाडे, किशोर तिवारी, कुलगुरू विलास भाले, परभणी कृषी विद्यापीठाचे बी. वेंकटेश्‍वरलू, राहुरी कृषी विद्यापीठाचे कुलगुरू विश्‍वनाथा यांची या वेळी उपस्थिती होती.  कृषिमंत्री सिंह म्हणाले, ‘‘२ मे रोजी शेतकरी कल्याण दिवस साजरा केला जाणार आहे. यानिमित्ताने केव्हीके, कृषी विद्यापीठ, तसेच कृषी विभागाने गावस्तरावर जागृती अभियान राबवावे. त्याकरिता खास प्रचार साहित्य छापावे.’’ मोन्सँटोच्या तंत्रज्ञानातील एकाधिकारावरदेखील त्यांनी या वेळी टीका केली. 

एकात्मिक सेंद्रिय मिशन-मुख्यमंत्री
रासायनिक निविष्ठा आणि घटकांचा जमीन तसेच मानवी आरोग्यावर होणारे दुष्परिणाम रोखण्यासाठी लवकरच एकात्मिक सेंद्रिय मिशन राबविणार असल्याचे मुख्यमंत्री देवेंद्र फडणवीस यांनी जाहीर केले. बोंड अळीच्या नुकसानभरपाई संदर्भाने केंद्र सरकारचे पथक लवकरच राज्यात येणार आहे, ही अंतिम पाहणी करून येत्या दीड महिन्यात मदतीचे वाटप होईल, असे मुख्यमंत्री म्हणाले. 

मोन्सँटोने शेती उद्ध्वस्त केली : फुंडकर
मोन्सँटोनेच भारतीय शेती आणि शेतकरी उद्ध्वस्त केला, असा आरोप कृषिमंत्री पांडुरंग फुंडकर यांनी या वेळी बोलताना केला. पूर्वी देशी बियाणे होते; त्यातून संपन्नता होती. येत्या दोन वर्षांत पुन्हा असे बियाणे उपलब्ध करून देणार. 

अमेरिकेत सरळ वाण : जावंधिया
अमेरिकेत सरळ वाण वापरूनही कापसाची उत्पादकता आणि गुणवत्ता चांगली मिळते. भारतात मात्र बियाणे कंपन्यांच्या दबावाला बळी पडून निर्णय होतात, असा आरोप शेती प्रश्‍नाचे अभ्यासक विजय जावंधिया यांनी केला. आमदार रणधीर सावरकर यांनी कृषी विद्यापीठातील शास्त्रज्ञ सेवानिवृत्तीनंतरच वाण कसे विकसित करतात, असा प्रश्‍न केला. विद्यापीठाच्या सेवेत ते निष्क्रिय ठरतात. 

‘डीबीटी’त होणार सुधारणा : विजयकुमार
डीबीटीअंतर्गत वस्तू खरेदीसाठी शेतकऱ्यांना पूर्ण रक्‍कम द्यावी लागते. त्यामुळे शेतकऱ्यांचा प्रतिसाद मिळत नाही, असे सांगतात. त्याकरिता लवकरच एक ॲप विकसित केले जाईल. अनुदानाची रक्‍कम शेतकऱ्यांच्या खात्यात टाकली जाईल. त्याने वस्तू खरेदी केल्याचे ॲपवरूनच कृषी कर्मचाऱ्याकडून कळेल. काही गैरप्रकार झाल्यास खात्यातून रक्‍कम परतीची सोय राहणार आहे, अशी माहिती कृषी सचिव विजयकुमार यांनी सांगीतले. आजवर राज्यात १ कोटी ८५ लाख ८०० रुपयांचे अनधिकृत बियाणे जप्त करण्यात आले आहे. बोंड अळी नियंत्रणात सर्वच अपयशी ठरले. कृषी विद्यापीठांकडून येणाऱ्या ॲडव्हायझरी देखील कुचकामी ठरल्या. 
 

इतर अॅग्रो विशेष
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...