agriculture news in Marathi, bowl worm on mahabeej BT, Maharashtra | Agrowon

‘महाबीज’च्या ‘बीटी’ला बोंड अळीने पोखरले
टीम अॅग्रोवन
रविवार, 25 मार्च 2018

या वर्षी काही कारणांमुळे बीटी बियाणे उत्पादन शक्‍य झाले नाही. त्यामुळे येत्या हंगामाऐवजी पुढील वर्षीच्या हंगामात महाबीज बीटी-२ कपाशी वाणांचा पुरवठा करणार आहे. बियाणे बाजार नियंत्रित ठेवण्याचा प्रयत्न याद्वारे केला जाईल.
- ओमप्रकाश देशमुख, व्यवस्थापकीय संचालक, महाराष्ट्र राज्य बियाणे महामंडळ, अकोला

नागपूर  ः महाराष्ट्र राज्य बियाणे महामंडळाचे बीटी वाण येत्या हंगामात येण्याची शक्‍यता मावळली आहे. एन.एच.-४४ या अकोला कृषी विद्यापीठ, तसेच ‘महाबीज’द्वारे स्वतः विकसित वाणात बीटी जीनचा अंतर्भाव केला जाणार होता. परंतु बिजोत्पादन क्षेत्रावर बोंड अळीचा प्रादुर्भाव झाल्याने ही परिस्थिती ओढवल्याचे सांगण्यात येते.

बियाणे बाजारपेठ नियंत्रित राहावी याकरिता महाबीजचा प्रयत्न राहतो. त्यानुसार या वर्षीच्या हंगामात बीजी-२ तंत्रज्ञानाचा अंतर्भाव असलेले कापूस बियाणे बाजारात आणण्याचे प्रस्तावित होते. त्याकरिता बीजोत्पादन कार्यक्रमही राबविल्याचे सांगितले जाते. परंतु राज्यात या वर्षी कापसावर मोठ्या प्रमाणावर गुलाबी बोंड अळीचा प्रादुर्भाव झाला.  त्याचा फटका महाबीजच्या बिजोत्पादन कार्यक्रमालाही बसल्याचे सांगितले जाते. वसंतराव नाईक मराठवाडा कृषी विद्यापीठ परभणीद्वारे विकसित एन.एच-४४, अकोला कृषी विद्यापीठ तसेच महाबीजच्या स्वविकसित वाणांमध्ये बीजी-२ तंत्रज्ञानाचा अंतर्भाव केला जाणार होता. मात्र बोंडअळीने बिजोत्पादनाला फटका बसल्याने यावर्षी महाबीजचे कपाशी वाण बाजारात येणार किंवा नाही याविषयी साशंकता व्यक्‍त होत आहे. 

यापूर्वीदेखील खासगी बियाणे कंपनीच्या सहकार्याने तर काही वर्षांपूर्वी महाबीजने स्वतः कपाशी बीटी बियाणे बाजारात आणण्याचा प्रयत्न केला होता. परंतु हे दोन्ही प्रयत्न फारसे यशस्वी झाले नाहीत. यावर्षी विद्यापीठांच्या सहकार्याने बीटी बियाण्यांचा पुरवठा करण्यात महाबीजला यश येईल, अशी अपेक्षा असताना हा प्रयत्नदेखील फसल्यामुळे चर्चांना ऊत आला आहे. 

प्रायोगिक तत्त्वावर पुरवठा
महाबीजचे संचालक वल्लभराव देशमुख यांनी दिलेल्या माहितीनुसार, यावर्षी बीजी-२ तंत्रज्ञानाचा अंतर्भाव असलेली कपाशी पाकीट प्रायोगिक तत्त्वावर पुरवठा करण्याचे प्रस्तावित आहे. पाकिटांची संख्या जेमतेम राहील; ती किती राहील हे अद्याप स्पष्ट नाही. बोंड अळीमुळे ही परिस्थिती उद्‍भवली आहे.

 

इतर अॅग्रो विशेष
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...
खानदेशात चाराटंचाईचे संकटजळगाव : खानदेशातील पशुधनाच्या रोजच्या गरजेपेक्षा...