जळगाव ः गत सप्ताहात बाजार समितीत भरीताच्या वांग्यांची आवक मोठ्या प्रमाणात वाढली. दर प्रतिक्विंटल ५०० ते १२०० रुपये आणि सरासरी ८०० रुपयांपर्यंत होते. तर मेथी, कोथिंबीर, पालकचे दरही प्रतिक्विंटल एक हजारांखालीच राहीले. वांग्यांची प्रतिदिन आवक ४० क्विंटलपर्यंत होती. काटेरी हिरवे व लहान आकाराचे वांगे कमी आले, परंतु भरिताच्या वांग्यांची वरणगाव (ता. भुसावळ, जि. जळगाव), कुऱ्हे (ता. भुसावळ), पाडळसे (ता. यावल, जि. जळगाव) आणि जळगाव तालुक्‍यातील विदगाव, कानळदा, असोदा, भादली, आवार, तरसोद भागातून आवक वाढली. ३१ डिसेंबर साधण्यासाठी अनेकांनी वांगी दोन ते तीन दिवस राखून ठेवली होती. त्यातच शुक्रवारपासून (ता. २९) आवक वाढू लागली. आवक वाढली दर ५०० ते १२०० रुपये प्रतिक्विंटलपर्यंत होते. मेथीची आवक प्रतिदिन पाच क्विंटल होती. तिस ५०० ते ८०० रुपये प्रतिक्विंटल दर राहिला. कोथिंबीरची आवक प्रतिदिन चार क्विंटल राहिली. प्रतिक्विंटल ७०० ते १२०० रुपये दर राहिला. पालकची आवक प्रतिदिन तीन क्विंटल राहिली. त्याला प्रतिक्विंटल एक हजार रुपये दर मिळाला. भेंडीची आवकही प्रतिदिन आठ क्विंटल होती, तिला ९०० ते १४०० आणि सरासरी ११०० रुपये प्रतिक्विंटल दर मिळाला. बोरांची आवक वाढली. त्यात मेहरूणच्या बोरांची अधिकची आवक सुरू झाली. प्रतिदिन सात क्विंटलपर्यंत आवक होती. त्यांना प्रतिक्विंटल ११०० रुपये दर मिळाला. बटाट्याचे दरही स्थिर होते. त्यांची प्रतिदिन २०० क्विंटल आवक होती. दर २५० ते ४५० रुपये प्रतिक्विंटल होते. कांद्याचे दर प्रतिक्विंटल २००० ते २८०० रुपयांपर्यंत होते. आवक प्रतिदिन २५० क्विंटलपर्यंत होती. हिरव्या मिरचीची आवक प्रतिदिन ३५ क्विंटल राहिली. तिला १५०० ते २१०० रुपये प्रतिक्विंटल दर होता. सोयाबीनला कमाल दर ३००० रुपये प्रतिक्विंटलपर्यंत होते. तर उडदाला ३८०० रुपये प्रतिक्विंटल किमान दर होता. मुगाचे किमान दर ४००० रुपये प्रतिक्विंटलपेक्षा अधिक राहिले. सोयाबीन, उडीद व मुगाची आवक मात्र फारशी नव्हती, अशी माहिती सूत्रांनी दिली. केळी दरही स्थिर केळीचे दर स्थिर होते. बिगर उतिसंवर्धित कांदेबाग केळी ९५० रुपये प्रतिक्विंटलपर्यंत दर होता. तर दर्जेदार केळीला ऑन म्हणजेच क्विंटलमागे २०० ते २५० रुपये जादा दर मिळाले. जुनारीचे दर ८५० रुपये प्रतिक्विंटल होते. पिलबागमधील केळीची आवक रावेर, यावलमध्ये अधिक राहीली. त्यालाही ८०० रुपये प्रतिक्विंटलपर्यंत दर होता.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.