agriculture news in Marathi, brinjal and onion rates up in kolhapur, Maharashtra | Agrowon

कोल्हापुरात वांग्यासह कांदा दर वधारले
राजकुमार चौगुले
मंगळवार, 24 ऑक्टोबर 2017

वांग्याची दररोज तीनशे ते चारशे करंड्या आवक होती. वांग्यास दहा किलोस १७० ते ६५० रुपये इतका दर मिळाला. गेल्या सप्ताहाच्या तुलनेत वांग्याच्या दरात दीड वाढ झाल्याचे बाजार समितीच्या सूत्रांनी सांगितले. गवारीची दररोज शंभर ते दीडशे पोती आवक झाली. 

कोल्हापूर: येथील शेती उत्पन्न बाजार समितीत या सप्ताहात बहुतांशी भाजीपाल्याच्या दरात वाढ झाल्याने तेजीचा माहोल राहिला. गेल्या सप्ताहात पडलेल्या जोरदार पावसामुळे पालेभाज्याच्या काढणीत मोठी घट झाल्याने भाजीपाल्यांचे दर सातत्याने तेजीत राहिल्याचे बाजार समितीच्या सूत्रांनी सांगितले. वांगी, गवारीच्या दरात सातत्याने तेजी राहिली.

वांग्याची दररोज तीनशे ते चारशे करंड्या आवक होती. वांग्यास दहा किलोस १७० ते ६५० रुपये इतका दर मिळाला. गेल्या सप्ताहाच्या तुलनेत वांग्याच्या दरात दीड वाढ झाल्याचे बाजार समितीच्या सूत्रांनी सांगितले. गवारीची दररोज शंभर ते दीडशे पोती आवक झाली. 

गवारीस दहा किलोस २०० ते ६०० रुपये दर मिळाला. गवारीच्या दरातही गेल्या सप्ताहाच्या तुलनेत वाढ होती. टोमॅटोच्या आवकेत काहीशी वाढ झाली असली तरी दर मात्र तेजीतच होते. टोमॅटोची दररोज दीड ते दोन हजार कॅरेटची आवक होती. टोमॅटोस दहा किलोस १०० ते ३५० रुपये दर होता. दोडक्‍याची शंभर ते एकशे पंचवीस करंड्या आवक झाली. दोडक्‍यास दहा किलोस १०० ते ६०० रुपये दर मिळाला. 

  या सप्ताहात विशेषकरून पालेभाज्यांची दर सातत्याने तेजीत होते. कोथिंबिरीची दररोज आठ ते दहा हजार पेंढी आवक झाली. कोथिंबिरीस शेकडा १००० ते ३००० रुपये दर होता. मेथीची दररोज दोन ते तीन हजार पेंढ्या आवक झाली. मेथीस शेकडा १००० ते १४०० रुपये दर मिळाला. 

सध्या पाऊस थांबला असला तरी शिवारात अजूनही पाणी साचून आहे. यामुळे भाजीपाला काढणी ठप्प आहे. ढगाळ हवामानामुळे रोगांचे प्रमाणही वाढल्याने भाजीपाल्याचे व्यवस्थापन 
करणे कठीण जात आहे. ‘‘या वर्षी पाऊस प्रमाणापेक्षा जास्त पडला  परिणामी, तयार भाजीपाला शेतकऱ्यांना वेळेत काढता आला नाही. हा भाजीपाला शेतातच कुजून नष्ट झाला. शिवाय अतिपावसामुळे फूल गळही झाली. यामुळे गेल्या काही दिवसांपासून  फळभाजी, पालेभाजीचे दर वाढलेले आहेत. बाजारात मोठ्या प्रमाणात भाजीपाल्याची आवक होण्यास अजून १५ ते २० दिवसांचा कालावधी लागण्याची शक्‍यता असल्याचे व्यापार सूत्रांनी सांगितले. 

कांदाही तेजीत 
भाजीपाल्याबरोबर कांदा बाजारातही तेजी दिसून आली. पावसामुळे नव्या कांद्याचे नुकसान झाल्याने कांद्याच्या आवकेत घट झाली. कांद्याची दररोज केवळ एक ते दोन हजार पोतीच आवक झाली. कांद्यास दहा किलोस १५० ते ४१० रुपये इतका दर मिळाला. गेल्या काही सप्ताहातील दराच्या तुलनेत या सप्ताहात कांद्याचे दर वाढल्याचे कांदा बटाटा विभागातील सूत्रांनी सांगितले.

इतर ताज्या घडामोडी
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...
सुला विनियार्ड्समध्ये ९ हजार टन...नाशिक : देशातील आघाडीच्या वाइन उत्पादक असलेल्या...
जत तालुक्यातील दीड हजार शेततळी कोरडीसांगली :  शासनाच्या योजनेतून जत तालुक्यात...
`उर्ध्व पेनगंगाचे पाणी सोडा`नांदेड : मालेगाव (ता. अर्धापूर) परिसरातील...
नगरमध्ये कारले २००० ते ५००० रुपये...नगर  : नगर कृषी उत्पन्न बाजार समितीत आज (...
बुरशी, जिवाणू, सूत्रकृमीमुळेच आले...औरंगाबाद: जिल्ह्यातील आले पिकाचे २०१५-१६ व २०१८-...
नगर जिल्ह्यातील ५०१ छावण्यांत सव्वातीन...नगर  : दुष्काळाच्या पार्श्‍वभूमीवर पशुधन...
सातारा जिल्ह्यातील आले लागवड रखडलीसातारा  ः तापमानवाढीचा परिणाम आले पिकावर होऊ...
उत्तर कोरेगावमधील तळहिरा धरण कोरडेवाठार स्टेशन, जि. सातारा  ः उत्तर कोरेगाव...
अपघातग्रस्तांना विमा रक्कम देण्यासाठी...पुणे  ः शेतकरी कुटुंबातील कोणत्याही...
काँग्रेस आघाडीपुढे विधानसभेचे मोठे...मुंबई : लोकसभा निवडणुकीत धुव्वा उडाल्याने...
जळगाव बाजार समितीच्या सभापतींची उद्या...जळगाव  ः जिल्ह्यातील सर्वात मोठ्या आणि...
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...