agriculture news in Marathi, broiler rates increased by 20 percent, Maharashtra | Agrowon

ब्रॉयलर्सच्या बाजारभावात २० टक्क्यांनी वाढ
दिपक चव्हाण
सोमवार, 18 डिसेंबर 2017

पक्ष्यांची वजने विक्रीयोग्य पातळीवर आली असतील तर माल न रोखता त्याची विक्री करणे अधिक शहाणपणाचे ठरेल. सर्वांनीच ३१ डिसेंबरसाठी गर्दी करणे सयुक्तिक होणार नाही.
- डॉ. पी. जी. पेडगावकर, सचिव, पीएफबीए.

आठवडभरात ब्रॉयलर्सच्या बाजारात जोरदार तेजी दिसली असून, २० टक्क्यांनी दर वधारले आहेत. दुसरीकडे पुरवठा सुरळीत झाल्यामुळे अंड्यांचे दर चार टक्क्यांनी नरमले आहेत.

श निवार (ता. १७) रोजी बेंचमार्क नाशिक विभागात ८० रु. प्रतिकिलोने ब्रॉयलर पक्ष्यांचे लिफ्टिंग झाले. आठ दिवसांत ६७ रु. वरून ८० रु.पर्यंत बाजार वधारला आहे. पुणे विभागात अंड्यांचे प्रतिशेकडा फार्म लिफ्टिंग बाजारभाव ४२१ वरून ४०५ रु.पर्यंत नरमले आहेत. नोव्हेंबर महिन्यात ब्रॉयलर पक्ष्यांचा बाजार मंदीत होता. डिसेंबरच्या पहिल्या आठवड्यापासून बाजारात टप्प्याटप्प्याने सुधारणा होत गेली आहे. मार्गशीर्ष महिन्यात खप कमी होऊन बाजारभाव खाली जाण्याची धास्ती होती. मात्र, प्रत्यक्षात बाजाराने तेजी दाखवली आहे.

पोल्ट्री फार्मर्स अॅंड ब्रीडर्स असोसिएशनचे (पीएफबीए) सचिव डॉ. पी. जी. पेडगावकर म्हणाले, की अपेक्षेप्रमाणे बाजाराने तेजीची चाल पकडली आहे. बहुतांश शेतकऱ्यांनी २५ ते ३१ डिसेंबरदरम्यान माल काढण्याचे नियोजिन केले आहे. सध्या मागणी चांगली असतानाही पुरवठा कमी प्रमाणात दिसत आहे. जर पक्ष्यांची वजने विक्रीयोग्य पातळीवर आली असतील, तर माल न रोखता त्याची विक्री करणे अधिक शहाणपणाचे ठरेल. सर्वांनीच ३१ डिसेंबरसाठी गर्दी करणे सयुक्तिक होणार नाही.
नाशिक येथील पोल्ट्री उद्योजक अनिल फडके म्हणाले, की वातावरण वाढीसाठी अनुकूल असल्यामुळे सध्या मोठ्या पक्ष्यांची उपलब्धता अधिक दिसतेय. ओपन फार्मर्सकडील मालाची उपलब्धताही वाढली आहे. सध्याच्या जोरदार तेजीनंतर बाजारात थोडी नरमाई येऊ शकते. तथापि, मोठ्या खपाच्या इव्हेंट्समुळे एकूण बाजार किफायती राहील. 

अंड्याचे दर उच्चांकी पातळीवरून १५० रु. प्रतिशेकडाने खाली आले आहेत. गेल्या महिनाभरात टप्प्याटप्प्याने बाजारभाव खाली आले आहेत. तथापि, ३ रु. प्रतिनग उत्पादन खर्चाच्या तुलनेत अंड्यांना किफायती बाजारभाव मिळाला असून, गेल्या काही वर्षांनंतर प्रथमच सरासरी उत्पादन खर्चापेक्षा विक्री दर मोठ्या फरकाने अधिक राहिला आहे. यामुळे लेअर पोल्ट्री उद्योगाच्या नफ्या चांगली वाढ झाली आहे.

ब्रॉयलर्सचे बाजारभाव वधारल्यामुळे एका दिवसाच्या पिलांमधील तेजीलाही आधार मिळाला आहे. ४४ रु. प्रतिनग या उच्चांकी पातळीवर चिक्सचे दर स्थिरावले आहेत. हॅचिंग एग्जलादेखील ३३.५० रु. प्रतिनग असा उच्चांकी दर मिळत आहे. कच्चा माल स्वस्त असल्यामुळे सध्याचा पोल्ट्री फीडचा उत्पादन खर्च कमी असून, त्यातुलनेत ब्रॉयलर्सचा चांगला दर मिळत आहे. यामुळे चिक्स व हॅचिंग एग्जचे भाव तेजीत राहत आहेत. तथापि, चिक्स उच्चांकी पातळीवर असल्याने ओपन फार्मर्सचा एकूण उत्पादन खर्च वाढला आहे. 
 

प्रकार     भाव     परिमाण     बाजारपेठ
ब्रॉयलर     ८०     प्रतिकिलो     नाशिक
अंडी     ४०५     प्रतिशेकडा     पुणे
चिक्स     ४४     प्रतिनग     पुणे
हॅचिंग एग्ज  ३३.५०     प्रतिनग     मुंबई
मका     १२८०     प्रतिक्विंटल     सांगली
सोयामिल     २३,१००     प्रतिटन     इंदूर

   

 

इतर ताज्या घडामोडी
स्मार्ट अचिव्हर्स योजनेचे विदर्भातील...पुणे ः राज्यातील स्पर्धा परीक्षेचा अभ्यास...
स्मार्ट अचिव्हर्स योजनेचे वऱ्हाडमधील...पुणे ः राज्यातील स्पर्धा परीक्षेचा अभ्यास...
वरुड येथे दूध दरप्रश्नी `स्वाभिमानी`चे...अमरावती   ः स्वाभिमानी शेतकरी संघटनेच्या दूध...
स्मार्ट अचिव्हर्स योजनेतील सहावे बक्षिस...पुणे ः राज्यातील स्पर्धा परीक्षेचा अभ्यास...
नाबार्ड पाच हजार `एफपीओं`चे उद्दिष्ट...``नाबार्डने शेतकरी उत्पादक संघ (एफपीओ) स्थापन...
अन्य सस्तनापेक्षा उंदराची विचार...दृष्टी किंवा दृश्यावर आधारीत समस्या सोडविण्यासाठी...
आंदोलन होणार असेल तर, आमचेही कार्यकर्ते...नाशिक : दुधाला दरवाढ दिली असून दूध संघांनी...
पशुखाद्याद्वारेही विषारी घटक शिरताहेत...पर्यावरणामध्ये वाढत असलेल्या सेंद्रिय प्रदूषक...
कोय, भेट पद्धतीने फळझाडांचे कलमीकरणआंब्याची अभिवृद्धी कोय कलम, पाचर कलमांद्वारे केली...
सातत्याने हेडर्स ठरू शकतात मेंदूसाठी...सध्या विश्वचषकामुळे फुटबॉलचा ज्वर सर्वत्र पसरलेला...
शेतकऱ्यांना अनुदान तत्त्वावर कामगंध...जळगाव : बोंड अळीचा प्रादुर्भाव रोखण्यासाठी कृषी...
दारणा धरण ५०, तर पुनंद १०० टक्के भरलेइगतपुरी, जि. नाशिक  :  इगतपुरी...
मुंबईला एक थेंबही दूध जाऊ देणार नाहीनाशिक : दुधाला ठरवून दिलेला दर मिळत नसल्याने...
सोलापूर बाजार समिती पदाधिकारी निवड...सोलापूर : सोलापूर कृषी उत्पन्न बाजार समितीच्या...
वीज वितरण यंत्रणा दुरुस्तीसाठी ७५००...नागपूर   : राज्यातील वीज वितरण करणाऱ्या...
परभणीतील पीकविमा परतावाप्रश्नी ठोस...परभणी : पीकविमा परतावाप्रश्नी ठोस तोडगा निघत...
किसान सभा,शेतकरी संघर्ष समितीचा दूध...नाशिक  : दुधाला किमान २७ रुपये भाव द्यावा,...
मंत्री जानकर यांची दूध दरवाढीत एजंटशिप...कऱ्हाड, जि. सातारा : दुग्ध विकास व...
पुणे जिल्ह्यातील धरण क्षेत्रात पावसाची...पुणे  : पुणे जिल्ह्यातील धरण क्षेत्रांमध्ये...
कपाशी नुकसानीपोटी मराठवाड्यासाठी ४०७...औरंगाबाद  : गुलाबी बोंड अळीच्या...