कृषी पदवीसाठी प्रवेश प्रक्रिया ११ जूनपासून

कृषी पदवीसाठी प्रवेश प्रक्रिया ११ जूनपासून
कृषी पदवीसाठी प्रवेश प्रक्रिया ११ जूनपासून

पुणे : राज्यातील कृषी पदवीच्या १५ हजार २२७ जागांसाठी यंदा प्रथमच सामायिक प्रवेश परीक्षा अर्थात सीईटी घेण्यात आल्यानंतर आता प्रत्यक्ष प्रवेशाची प्रक्रिया ११ जूनपासून सुरू होत आहे.  राज्यातील खासगी कायमस्वरूपी विना अनुदानित महाविद्यालयांच्या प्रवेश कोट्यातील प्रवेशदेखील यंदा गुणवत्तायादीतून होणार आहेत. २० टक्के कोट्यात जिल्हाबाहेरील विद्यार्थी येणार असून त्याविरोधात राज्य शासनाकडे व न्यायालयात दाद मागण्याची तयारी संस्थाचालकांनी सुरू केली आहे.    औषधनिर्माणशास्त्र, अभियांत्रिकी प्रमाणेच कृषी पदवीसाठी सामायिक प्रवेश परीक्षा मंडळाने ११ मे रोजी पहिली सीईटी घेतली. राज्यात चार कृषी विद्यापीठांच्या अखत्यारित १८७ महाविद्यालयातून दहा विद्याशाखांचा पदवी अभ्यासक्रम शिकवला जातो. त्यात ३१ शासकीय, दोन अनुदानित आणि १५४ कायमस्वरूपी विना अनुदानित महाविद्यालयांचा समावेश आहे.   बीएसस्सी कृषी, उद्यानविद्या, वनविद्या, कृषी अभियांत्रिकी, अन्नतंत्रज्ञान, सामाजिक विज्ञान, जैवतंत्रज्ञान, मत्सशास्त्र, पशुसंवर्धन याच अभ्यासक्रमांना व्यावसायिक दर्जा मिळालेला आहे. यातील कृषी व्यवसाय व्यवस्थापन अभ्यासक्रम अजूनही व्यावसायिक म्हणून जाहीर झालेला नाही.  सामायिक प्रवेश परीक्षा मंडळ सध्या यातील मत्सशास्त्र, पशुसंवर्धन आणि कृषी व्यवसाय व्यवस्थापन हे तीन अभ्यासक्रम वगळून उर्वरित विद्याशाखांची प्रवेश प्रक्रिया सुरू करीत आहे. यंदा अनाथ उमेदवारांसाठी प्रथमच एक टक्के जागा राखीव ठेवल्या जात आहेत.  महाराष्ट्र राज्य कृषी शिक्षण व संशोधन परिषदेचे महासंचालक रवींद्र जगताप यांनी जाहीर केलेल्या वेळापत्रकानुसार आता परिषदेच्या संकेतस्थळावर प्रवेशाची माहिती आरक्षणासहीत जाहीर करण्यात आलेली आहे. त्यासाठी http://www.dtemaharashtra.gov.in / http://www.mcaer.org / maha-agriadmission.in या संकेतस्थळांवरून विद्यार्थ्यांना माहिती मिळणार आहे.  ११ जूनपासून प्रवेश प्रक्रिया सुरू झाल्यानंतर पहिल्या प्रवेश फेरीची वाटप यादी २६ जूनला जाहीर होईल. तीन ऑगस्टला दुसऱ्या फेरीची यादी, ९ ऑगस्टला तिसऱ्या व १६ ऑगस्टला चौथ्या फेरीतील वाटप यादी जाहीर होईल. सर्व प्रवेश फेऱ्या झाल्यानंतर रिक्त जागेकरिता प्रवेश फेरीचे काम २७ ते ३० ऑगस्ट दरम्यान केले जाणार आहे. २७ ऑगस्टला वर्ग सुरू होतील तर १० सप्टेंबरला प्रवेश प्रक्रिया पूर्णतः समाप्त केली जाणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com